Matius 25:20 - Allah Wene Hurumbik Keron

²⁰ Hinog og inabiug ulug surukmu, at anggimbu misig lima ribu og epahon etno kuruk apareg, uang anggen lima ribu bilinon etno inim fobikon misig dambuksoho ikni etno og ituk wilil, ‘Nikni-o, uang anggen lima ribu og nitikinon etno anden lima ribu-at hundutikikseg, inim dambuksoho og hirihi du hilanggen himin-o,’ ulug yig epag-o.

Matius 25:20 ပူးပေါင်းရင်းမြစ်များ

Matius 18:24

at anggimbu misig nomat anggolo sepuluh ribu obam werehon epmano ambeg imbik wapag.

Lukas 19:13

Ahla buruk apareg, awan liog ulug anggimbu inebe nomalo etano wol isaruk apareg, it obog uang anggen suon etno og isebag. Og isaruk apareg, yig isaruk wilil, ‘An o epma wereg neyeheg, hit uang anggen og hisihion ari fam hiren dahagsoho anggolo hundubuhupseg, an og nimuhup-o,’ ulug yig isebag-o.

Kisah Para Rasul 20:24

Ariroho yig nitisimu, an nebe niluk wilil, nili holao ulug yig hisaruk ahi fug-o. Eke At Ninikni Allahen ninabua nisarukon wene fano wene etno it aphe obog yig isawag ulug At Ninowe Yesusen an nebe etno minduhup naharisi-o. Ariroho yig nitisi famen an neyabuk og nitision etno-at suhuk ulug nahla buruk ahi-o.

1 Korintus 15:10

eke Allah indi hunduhuken og nepahon etno fam an nebe mondep nahebahon-at welahi-o. Eke it nin mondep isebahon epmano yabuk dorat sebahon oke, eke an hag yabuk anggolo sirikik-o. Sirikik oke, ari an nakelehen eleg, At Allah indi hunduhuken nabua neyebag etno fam ninim yabuk surukuk-o.

Kolose 1:29

Eke an noag weregsoho welamag ulug At Kristusen oag werehon etno og nituk halug, hinindi yabuk etno an noag weregsoho-at suruk ahi-o.

Yakobus 2:18

Eke at ap misihen uruk wilil, “An hag Allah wene fanoroho suruk ahion-o, hat hag huneyen-at Allah wene waruk ahen-o,” ulug yig nitlepmen eke anden ap etno yig ituk wilil, “Ap misig uneyen Allah wene urukon oke, ilitoho suruk eleg wilil, keroho neken yuhun-at wereg-o. Eke yi angge di angge fanoroho surukon etno fam it aphe obohen, ap du Allah wene demat uruk-o, ulug yig imuhup-o,” ulug anden yig itle-o.