Matius 25:1 - Allah Wene Hurumbik Keron

¹ Eke fobik At Yesusen yig isaruk wilil, “Fobik o ari sambit o boholma Allah weregmen sukon etno it holani nomaloen angge epmanowen sebag etno hag suhu-o. It holani epmanowen inaheral lampu ilitoho epmano holalug, at misig hwe onggo wiog ulug wapahon inim salkal uog ulug lebag-o.

Matius 25:1 ပူးပေါင်းရင်းမြစ်များ

Matius 13:24

Eke fobik At Yesus etnowen wene ilitoho neken yig isaruk wilil, “At Allah weregmen sukon etno hag ap misihen i angge fanowon etno eyabukmu yatil lebag-o.

Matius 13:31

Eke fobik At Yesus etnowen wene ilitoho neken yig isaruk wilil, “At Allah weregmen sukon etno hag, e wile anggen ari mondog doron-at wereg-o.

Matius 13:38

Eke eyabukmu yapag ambeg etno hag o kweanma duma-at wereg-o; eke i angge fanowon yapahon etno hag it Allah udaki-at wereg-o,” ulug yig isaruk apareg, eke fobik yig isaruk wilil, “Eke hohol i yapahon etno hag, it iblis udaki etno-at wereg-o.

Matius 13:47

At Yesusen yig isaruk wilil, “At Allah weregmen sukon etno hag, it ap ikan watukon etnowen inawerul ikma belapfuruk apagma, ikan olohore yion dion obog-at yonggat apag-o.

Matius 20:1

At Yesusen yig isaruk wilil, “At Allah weregmen sukon etno ap misig e anggur yabuk unde werehon etnowen sirisi etno hag suruk-o. Eke at ap yabuk unde etnowen ilikia hubet wilip atlug, ap nin neyabuk surukim uang anggen og isaminen ulug heag inabil larisi-o.

Matius 22:2

“O boholmen sukon etno ap inowe suon misihen sebahon inim ilitik-o. At ap inowe suon etno amloho uhwe holaruk wilil, onggo imbiug ulug surukmu, esoho misig eseriug ulug sebag.

Matius 25:7

it holani inebe nomalo epmano iniluk atuk apareg, inaheral epmano horog nangguk ariog ulug suruken kwea kwea lebag-o.

Matius 3:2

Yig isaruk wilil, “Hit dag suruk atikibon ep­mano soho­rep isalug, hinindi wereg amiek­-o. At Allah bo­holmen sukon et­no horog fanggog ik waha-o,” ulug yig isaruk apag.

Matius 5:16

Aphe inil fam hiren angge eral etno ambulpul lahukag-o. Eke hiren fano suruk ahebon etno it apheyen inilanggen yet hisaruk ari fam, Hinikni Allah boholma werehon etno inuk suontepfuhup-o,” ulug yig isebag.

Matius 9:15

At Yesusen yig isaruk wilil, “Ap misihen hwe warision omini inim waharuson epmano inim wilil, inindi dag atuk buruk ahep ano? Ari eleg-o. Eke fobik at hwe holarision etno walug laruk aruhumu, omini inim waharuson epmano orom nenggeg eleg-at bok welamuhup-o.

Yohanes 18:3

Ariroho iluk wilil, orom yaho ambeg epma luk-o ulug ahla bebag. Ahla buruk apagma, it Allah unde inowesi epmano inim, it Farisi ap epmano inimen, it sehen seneg werehon epmano nin inim, eke it o Allah ibam yaharoho werehon epmano nin inim, lahap isa waharuk apagma, inayikangge ininggikmu waruk apareg, inaheral epmano fam fisako wapag. Ariroho wapag etno at Yudasen og inaplug wapag.

Yohanes 3:29

Eke hwe misig ahun etnowen-at uhwe holaruk-o. Eke at hwe etno ahun omini epmano inim dambuksoho wilil, at ahun etno une inesanggo holtug inahien haruk-o. Ari ilitoho at une etno nesanggo holtug nahien haruk ahi-o.

Kisah Para Rasul 20:8

Yig nisarukmu, o umbo wonggaltukuk ambeg etno minyak lampu anggolo fisaho weregma,

1 Korintus 11:2

Eke an yi wene di wene nindi ebetuk wilil, wene misig yanggul hiseheg, misig yanggul hiseheg suruk atikik epmano ilitoho hit seneg welahep ari fam hit fano suruk ahep-o, ulug suontep hisaharuk ahi-o.

2 Korintus 11:2

Eke At Allahen ahmu hisaruk etno hag, an ariroho-at nahmu hisaruk ahi-o. Eke hweap duhumon ap misig-at abug yig ituk etno hag, hit hinebe At Kristus-at og iruhuk ulug nahla buruk wilil, hinindi yabuk suruk ahi-o.

2 Timotius 4:8

Eke o ari sambit At Allah aphe fanoroho oag del inaptukon etnowen At udaki iniluk welamon etno og niruhu oke, an-at og niruhu fug-o. It aphe inindi At Yesus inim hunduhuk wilil At wamon aso werehon epmano obog-at og nisahu-o.

Titus 2:13

Eke nit ninindi ninahientoho wilil, At Allah suon, Ninowe Yesus Kristus ninili warukon etno At ebe suon wamon etno aso wereg niseheg yanggul nisaruk-o.

Wahyu 14:4

Inebe seratus empat puluh empat epmano inuhwesi holeheg eleg-at ap elege neken welatusa-o. Ariroho wilil, At Wam Domba Udag etno laruk ambeg epmano-at inim mutlug larusa-o. Ariroho laruk atusareg fam it aphe kweanmon inanggelegmen inili oko, inowesi bilinon neken At Allah inim, eke At Wam Domba Udag etno inim og isarusa-o.

Wahyu 19:7

Ariroho weregma, ninahien haruk wi­lil, At Allah inuk-at suontepfuruk amuk-o. Eke ap misihen uhwe holaruk etno hag, kidia At Wam Domba Udag etno udaki inim wela­mon etno horog fanggog ehek-o.

Wahyu 21:2

Nilanggen harikikon etno, o Yerusalem suon keron etno At Allah boholmen belabik waharukmu harikik-o. Ari hwe duhum fanowon etno hag, o Yerusalem keron etno belabik waharuk­mu nilanggen harikik-o.

Wahyu 21:9

Eke fobik it malaikat inebe sabiren angge ik oag olokon senetuson etno at misig nambeg waharuk atisireg, yig nituk wilil, “At Yesus udaki welamuhup ambeg epmano yanggul hipminen ma-o,” ulug yig nitisi-o.

Wahyu 4:5

Eke At misig etno horie uruk ambeg ho­rogsoho etanowen sehenyabog yibareheg, eke yi une di une eheg, eke serlemban suon subuleheg surukmu nilanggen harikik-o. Eke misig, At etno horie uruk ambeg etanowen At Allahen Ahurangge inebe sabiren angge etno eral neken fisaho weregma isarikik-o.

Wahyu 8:10

Ariroho suruk atisimu, eke fobik at ma­laikat misihen ambinggon uneap siri­si-o. Uneap suruk atisimu, soholoal suon etno hondok ambulpul neken naruk wilil, boholmen belabik waharisi-o. Belabik waharuk atisimu, ik larukon inim, eke ik eleruk inim, biren sohorep iseheg, misig sebe seheg sirisi-o.