Matius 24:7 - Allah Wene Hurumbik Keron

⁷ Eke it o ahik ya da epmano inungguluag dombog-at wim abeheg, eke it yi aphe di aphe epmano o yatma muko wilip iseheg, eke o ahik ya da o yugul seheg, eke orom obok angge lahakeg surukmu hahup-o.

Matius 24:7 ပူးပေါင်းရင်းမြစ်များ

Lukas 21:11

eke o yugul suon seheg, eke orom obok angge lahakeg surukon epmano inim, uk ahahe etno inim obog-at hinilanggen haruk wilil, boholmen sukfuganggeroho hinakol hawon misig surukmu hahup-o.

Kisah Para Rasul 11:28

Waharuk apagma, ap iron misig inuk Agabus etno Roh Kudus indimu kebagma, minatuk apareg yig isaruk wilil, “Nit fobik o ahik ya da obog-at orom obok angge suon hahuk-o,” ulug at Agabus etnowen fobik at inowe Klaudius weregma obok angge hebahon etno hurumbik yig isebag.

Kisah Para Rasul 2:19

Eke fobik boholma anduhunmuen sukfugangge suhuk-o. Eke kweanma apmen elalintoho suhuk-o. Mep inim, hondok inim, hondok sohole inim belabik waruhuk-o.

Ibrani 12:27

Eke une fobik suhuk ulug ebag ari fam, yi angge di angge wal hebahon epmano obog-at aplohoksepfuhukseg, elehapsuhuk-o. Eke yi angge di angge mondog aplohok suhuk fuhon epmano welamuhup at-o, ulug hurumbik etno selegma-at yig nisaruk-o.

Wahyu 6:12

Yig isaruk atusama, eke fobik At Wam Domba Udag etno holal baleg hele homahowon etno misig yumbuk surukmu harikik-o. Haruk atikikmu, fobik o yugul suon misig sirisi-o. Ariroho suruk atisimu, eke mo ilanggen mondog sinon aheg, eke bikalem ilanggen mep sahal aheg sirisi-o.

Wahyu 6:5

Lahapfurusama, eke At Wam Domba Udag etnowen holal baleg hele homahowon etno misig yumbuk suruk atisimu, it inebe empat iniluk werehon epmano misihen yig nituk wilil, “Hilanggen hamihinen ma-o,” ulug yig nituk atisimu, wam kuda sinon etno waharisi-o. Waharuk atisimu, eke at ap misig wam amboloag fam larukon etnowen alanggin surukon etno misig inggikmu seneg weregma hari­kik-o.

Wahyu 6:6

Haruk atikikseg, nesanggo holtuk neyeheg, it inebe empat iniluk werehon inanggelegmen une misig uruk wilil, “Uang anggolo fam wirlin gandum dorat onggo balukon wereg-o. Eke e anggen ambusu etno inim, eke anggur ambusu etno inim dahapsuk fug-o,” ulug irisi-o.

Wahyu 6:8

wam kuda iruk olohore dahon etno waharisi-o. Waharuk atisimu, at ap misig wam amboloag fam larukon etno inuk Waratukon ulug soaleg welatisi-o. Ariroho soaleg weregma, eke at ap misig it aphe warehon imbisaruk ambeg unde werehon etno ombolim waharisi-o. Waharuk atisireg, it biren epmanowen o kweanma o ahik henahan sohorepfiseheg, eke misig karog fam war inabeheg, eke orom obok angge inobam embeheg, eke uk olokon inobam embeheg, eke bak onggama werehon epmano elehep iseheg suruk amag ulug lahap isaru­sa-o.