Matius 24:49 - Allah Wene Hurumbik Keron

⁴⁹ at omini anggimbu neken werehon epmano yikangge war inabeheg, eke it ap ambusu nenek surukon donggogsoho narukon epmano inim ik orom inahumsoho nenggeg suruk wilil,

Matius 24:49 ပူးပေါင်းရင်းမြစ်များ

Matius 18:28

Sohorep isaruk apagma at anggimbu etno wilip atuk apareg, at omin misig nomat dorat seratus neken obam werehon etno inim salkal ebag. Salkal uruk apareg, at ap bilin obam fanorepfebahon etnowen anggolop keteroho senetuk apareg, yig ituk wilil, ‘Hat nomat hobam werehon etno onggo og nimin-o,’ ulug yig epag.

Matius 24:48

Eke at anggimbu misig obabut dahon etnowen, ahla buruk wilil, ‘An nikni etno kidia dulum waruhu fug-o,’ ulug ahla buruk atlug,

Matius 24:50

at anggimbu etno aso elegma, at ikni etno hurumbik yig itlug eleg hetnogsoho waruhu-o.

Matius 7:15

Eke At Yesusen yig isaruk wilil, “It ap wene demat uruk elehon etno hinambeg waharukim yaharoho welamiek-o. It etno inasum selemon wam domba ahap neken wantehon oke, eke inindi undama oloyangge etnowen suruk hag aphe yuhun-at ayeg libil inaptuk-o.

Yohanes 2:10

yig ituk wilil, “It aphe ninen inomini e anggur ambusu induk fanowon etno bilin og isarukmu, naruk atlug it epmano inil fulug suruk isalug, e anggur ambusu induk dahon etno fobik og isaruk oke, haren e anggur ambusu induk fanowon du fobik-at og isaruk ahen-o,” ulug yig epag.

Roma 16:18

Eke it epmano hag At Ninowe Kristus eyabuk sukon etno suruk eleg wilil, yi angge di angge og isawon etno-at heahil sil nuruk-o. Eke ariroho sil nuruk ari, inune fanoroho uruk wilil, inune esoho fanoroho eheg suruk etno fam it aphe inobabut fanowon etno inenggal-at yig isaruk-o.

2 Korintus 11:20

Eke it ap ninen inanggimburep hisaharukon epmano inim, eke it ap nin inaharek anggolo amag ulug hinim dahan fahan suruk ahebon epmano inim, eke hinaharek diloko neken warukon epmano inim, eke hinebe seberep hisaharukon epmano inim, eke hinolohotma biso hinaptukon epmano inim, obog-at fano ninim welamuhuken ulug yig isaruk ahep-o.

Filipi 3:19

Eke it epmano fobik o dagma lahup-o. Eke it inikni suon neken inahum-at wereg-o. Eke it yi angge di angge inenggali haon epmano fam suontepataruk-o. Eke it yi angge di angge kweanmon epmano-at inahla buruk-o.

1 Petrus 5:3

Eke At Allah udaki hinapma welamag ulug og hisarision epmano ninasineroho yig isahuken, ulug hinahla buruk eleg wilil, hiren fano suruk ahep etno ilitoho iren fano suruk amuhup-o.

Yudas 1:12

It ap epmano inenggali halug eleg hit hinim wilil esoho naruk-o. Epma hinim wilil, nit fano-at welahe-o, ulug inahla buruk-o. Ari it ap epmano orom buron hik isarukon etno ilitoho wereg-o; eke helak me ase aben di surukon etno ilitoho wereg-o.

Wahyu 13:7

Umbu­ruk atisireg it Allah udaki inim, eke it o ahik ya da inune yion dion urukon inim war in­abiug ulug sirisi-o.

Wahyu 16:6

It aphe kweanmon dumen it Allah udaki epmano inim, eke it nabi ap epmano inim inamep deloko embebahon etno kidia mep nawag ulug og isaruk ahen ari fano at-o. Ari halug, kidia in­onggo holaruk-o,” ulug ariroho uruk atisimu,

Wahyu 17:6

Eke nin at hwe etnowen At Allah udaki inim, eke At Yesus une waru­kon epmano inim anggolo war inaptisireg inamep at inggikmu weregma harikik-o. Ariroho weregma haruk atikikseg, nakol hari­kik-o. Nakol haruk neyeheg, at malaikat etnowen yig nituk wi­lil,