Matius 24:48 - Allah Wene Hurumbik Keron

⁴⁸ Eke at anggimbu misig obabut dahon etnowen, ahla buruk wilil, ‘An nikni etno kidia dulum waruhu fug-o,’ ulug ahla buruk atlug,

Matius 24:48 ပူးပေါင်းရင်းမြစ်များ

Matius 18:32

Yig ituk apagma, eke at inowe etnowen anggimbu bilin obam fanorepfebahon etno wamag ulug wol haruk apareg, yig ituk wilil, ‘Hat nanggimbu hobabut dahon du. Haren ariroho sin ulug yig nerehenma, nomat hobam werehon etno obog yalmag habihion oke,

Matius 24:47

Umburuk aruhureg, fobik at o unde etnowen at aharek obog aso welamag ulug at anggimbu fanowon etno-at minduhupfuhu ulug, An demat yig hisaruk ahi-o.

Matius 24:49

at omini anggimbu neken werehon epmano yikangge war inabeheg, eke it ap ambusu nenek surukon donggogsoho narukon epmano inim ik orom inahumsoho nenggeg suruk wilil,

Matius 25:26

Yig ituk apagma, eke at ikni etnowen yig ituk wilil, ‘Hat nanggimbu hobabut dahon wilil, yabuk haboraliroho suruk ahen du wai. Haren an i yag sarisi fug ambeg-at ebe bal seheg, eke i kililtisi fug ambeg inim anggen bal seheg suruk ulug an nobabut suruk ahion etno hat hiluk welahen ano eleg ano?

Markus 7:21

It apheyen dag suog ulug, inindimuen ebetuk-o. Inindimuen ebetuk atlug, dahan fahan inahla burukon etno inim, eke hweap selemen surukon etno inim, eke inalomnangge heraharukon etno inim, eke ap watukon etno inim, eke ap inuhweon diloko warukon etno inim,

Lukas 12:45

Eke at anggimbu minduhupfirision etno indimu ebetuk wili, ‘An nowe etno kidia dulum waruhu fug-o,’ ulug ahla buruk atlug, at omini anggimbu neken werehon epmano ap inim hweap inim obog-at yikangge war inabeg, orom ahumsoho nenggeg, eke ik nenek surukon etno nalug, nenek seheg suruk wilil, at anggimbu etno aso welam sohorepfisalug weregma, at owe etno hurumbik yig itlug eleg hetnogsoho waruhu-o.

Lukas 19:22

Yig ituk apagma, eke at inowe etnowen yig ituk wilil, ‘Nanggimbu dahon du wai, anden wene dahon etno hobam imbiminen haren ehenon etno-at yig hipmin-o. Eke an nindi humbulig wilil, it ninen angge holaruk ahi epmano hag, anden i yatikik fuhon oke, bal saruk ahi etno hat hiluk wilil ehen-o.

Yohanes 13:2

Ariroho wilil, eke fobik At Yesus omini epmano inim inaharom hupmu angge nuog ulug horie ebag. Horie uruk apagma, at iblis etnowen at Yudas, Simon Iskariot amloho etno indi kahaltuk wilil, haren At Yesus senebukag ulug yonggo lamihin-o, ulug indi kahalfag.

Kisah Para Rasul 5:3

Og isa laruk apagma, at Petrus etnowen yig ituk wilil, “Ananias wai, hat keroho ulug iblis hindimu kehekma, At Roh Kudus etno ambolma dahalehen-o? Eke hahuang og hituson etno obog-at og hisaruk ahi, ulug yig nisehenon oke, nin minggiroko herahapatehen-o.

Kisah Para Rasul 8:22

Eke hat hahla buruk ahenon inim, eke dag suruk ahenon inim sohorep isalug, At Allahen hobam hapelegsoho apma hombahukag ulug sembahyang uruk amin-o.