Matius 24:45 - Allah Wene Hurumbik Keron

⁴⁵ At Yesusen yig isaruk wilil, “Anggimbu indi enggaron ilukon etno sa-o? Ari, at o unde etnowen anggimbu fanowon etno heako umbulug, it anggimbu nin epmano inowe neken wilil, inaso welaheg, eke osi epmano inaharom nintul nantul og iseheg suruk amag ulug minduhupfuruk-o.

Matius 24:45 ပူးပေါင်းရင်းမြစ်များ

Matius 10:16

At Yesusen yig isaruk wilil, “Hit hinesanggo holtuk amiek­-o. Wam domba epmano it oloyangge hahon inayeg libil inaptukon inambeg lahap isaruk etno hag, lahap hisaruk ahi-o. Eke wam elien orom niog ulug aphe inamben baltuk etno hag, hit hinebe yaharoho wilil, sue yalme indi fano wereg etno hag hit hinindi fanoroho welamuk-o.

Matius 13:52

Yig ituk apagma, Aren yig isaruk wilil, “Ari halug nomini-o. Hit wene unde neken welahebon ari, At Allah weregmen sukon etno hinindimu ebetuk hisalug, at ap ibam unde wereg etnowen o yi angge di angge umburuk ambeg etnowen keron inim, amukon inim walug waharukon etno hag hit ariroho-at welahep-o,” ulug yig isebag.

Matius 24:46

Eke fobik at owe o unde etno suhuluk waharuk aruhureg, at anggimbu fanowon etnowen yabuk fanoroho surukmu ilanggen halug, at ahien obam umbuhu-o.

Matius 25:2

It holani ariroho lebahon epmano it inebe fuaben angge urunangge neken wereg iseheg, eke it inebe fuaben angge etano inindi enggaron neken welapag-o.

Matius 25:21

Yig ituk apagma, at ikni etnowen yig ituk wilil, ‘Hat nanggimbu hobabut fanoroho wilil yabuk suk harug fanowon etno ilitoho-at sirikin-o. Eke uang anggen dorat oke, fanoroho aso welatikin ari famen, fobik uang anggen anggolo aso welamag ulug minduhup hahakuk-o. Ariroho minduhup hahakuk ari, an hikni ninim ninahien hahuken ninim kuhuk-o,’ ulug yig epag-o.

Matius 25:23

Yig ituk apagma, at ikni etnowen yig ituk wilil, ‘Hat nanggimbu hobabut fanoroho wilil yabuk suk harug fanowon etno ilitoho-at sirikin-o. Eke uang anggen dorat oke, fanoroho aso welatikin ari famen, fobik uang anggen anggolo aso welamag ulug minduhup hahakuk-o. Ariroho minduhup hahakuk ari, an hikni ninim ninahien hahuken ninim kuhuk-o,’ ulug yig epag-o.

Matius 7:24

At Yesus etnowen yig isaruk wilil, “It aphe obog An nune du inesanggo holtuk atlug ilitoho-at surukon etno inawene du ilitoho neken yig hisamin-o. It etno ap indi enggaron etno ilitoho wereg-o. Eke at ap etnowen ibam aloma-at oag weregsoho falepataruk apagma,

Lukas 19:17

Yig ituk apagma, eke at inowe etnowen yig ituk wilil, ‘Hat nanggimbu fano mondog welahen hiyihi-o. Yi angge di angge doron fam oke, hindi enggatoho suruk atikinteg fam, kidia o ahik nomaloen angge inowe welamag ulug minduhup haharuk ahi-o,’ ulug yig epag-o.

Kisah Para Rasul 20:28

Eke hinonggarehen hinindi aso welahep etno hag, At Roh Kudusen aphe inaso welamag ulug minduhup hisaharision etno aphe inaso fanoroho welamuk-o. At Allah Amloho waratisi etno fam At udaki heako imbisarision epmano inaso fanoroho welamuk-o.

1 Timotius 1:12

Eke anden yabuk suruk amag ulug At Ninowe Kristus Yesus etnowen oag werehon etno og nitisimu, wa ulug yig ituk ahi-o.

2 Timotius 2:2

Ariroho wilil anden it aphe anggolo wene yig isarukmu holtikikon etno, it aphe ninen it nin yig iseheg, it nin yig iseheg suruk amag ulug wene ari it aphe inobabut fanowon epmano yig isaruk aruhun-o.

Ibrani 3:5

Eke at Musa etno o Allah ibam wilil, yabuk fanoroho suruk apahon oke, at ebe Allah anggimbu wilil, yi wene di wene Allahen fobik uhu-o, ulug hurumbik-at yig isebag-o.

Wahyu 2:13

hit at iblis wereg ambeg welahep etno An niluk-o. Eke bilin at Antipas An nawene fanoroho yig isarukon etno at iblis wereg ambeg epmanowen watuson oke, eke hit An nawene etno sohorep iseheg eleg fanoroho waruk wilil nobam ebetuk atikip-o.