Matius 24:44 - Allah Wene Hurumbik Keron

⁴⁴ Ari ilitoho hit An Allahen minduhup naharision etno o ari sambit waruhu ulug hinapelegsoho weregma, waruhu etno hit hinindi fikfag wilil aso welamuk-o,” ulug yig isebag.

Matius 24:44 ပူးပေါင်းရင်းမြစ်များ

Matius 24:27

Eke o sehenyabog boholmen dulum-at yibatuk etno hag, An Allahen minduhup naharision etno hetnogsoho waruhuk-o.

Matius 24:42

Eke At Hinowe etno mo eta weregma waruhu ulug hinapeleg halug, hit fikfag hinilanggen yaharoho welamuk-o.

Matius 24:43

Eke Anden misig yig hisaminon du hinindi ebetuk amuk-o. At ap ibam unde werehon etnowen, ap misig alomnangge herahik kik warikon ulug iluk welatlepmen, at etno nohuk imbisalug, ap etno alomnangge herahik waharukim ulug suam welatlep-o.

Matius 25:10

Yig isaruk apagma, it holani inebe urunangge epmano minyak hunsa laruk iseheg, at ap hwe onggo wiog ulug sebahon etno arat wapag-o. Waharuk apareg, it holani inindi enggaron epmano at inim o esoho esetuk ambeg epmano kuruk apareg, sok laroko welapag-o.

Matius 25:13

ulug At Yesusen yig isaruk apareg, eke fobik yig isaruk wilil, “Eke hit o ari fam waruhu, eke mo eta fam waruhu ulug hinapeleg halug, fikfag aso welamuk-o,” ulug yig isebag.

Lukas 12:39

Eke alem misig du yig hisamin-o. At ap o unde etnowen ari sambit ap heraharukon etnowen yi angge di angge herahik wamuhup ulug iluk welatlepmen, at ap o unde werehon etno aso yaharoho weregma, at ap heraharukon etnowen herahalep fug-o.

Lukas 12:40

Eke ari ilitoho, An Allahen minduhup naharision etno hiren ari sambit waruhu ulug hinapelegsoho weregma waruhuk-o. Ari halug, hit nohoruk neken welahep ari sohorep isalug, fanoroho naso welamuk-o,” ulug At Yesusen yig isebag.

Lukas 21:36

Eke yi angge di angge suruk heheg, hinilioko hinoag weregsoho welamuhupseg, An Allahen minduhup naharision nambeg epmen fanoroho minamuhuben, hinindi aso wilil, nintul nantul sembahyang uruk amiek-o,” ulug yig isebag.

Filipi 4:5

Eke it aphe obog hinune fanoroho-at yig isaruk amuk-o. At Ninowe wamon etno horog fanggog uruk-o.

Yakobus 5:9

Eke hit hinebe epmano At Allahen oag deloko o dagma hinombisahuk nowen, winimug abeheg eleg-at welamiek-o. Fobik ninaren baluhuon etno horog fanggog ik wariog ulug suruk-o, nomini.

Wahyu 19:7

Ariroho weregma, ninahien haruk wi­lil, At Allah inuk-at suontepfuruk amuk-o. Eke ap misihen uhwe holaruk etno hag, kidia At Wam Domba Udag etno udaki inim wela­mon etno horog fanggog ehek-o.