Matius 24:43 - Allah Wene Hurumbik Keron

⁴³ Eke Anden misig yig hisaminon du hinindi ebetuk amuk-o. At ap ibam unde werehon etnowen, ap misig alomnangge herahik kik warikon ulug iluk welatlepmen, at etno nohuk imbisalug, ap etno alomnangge herahik waharukim ulug suam welatlep-o.

Matius 24:43 ပူးပေါင်းရင်းမြစ်များ

Matius 14:25

Lek hondo surukmu, o witiog ulug ahla healtuk heheg, At Yesus etno inambeg liog ulug, ik ahum fam iog imbil lebag.

Matius 20:11

Ariroho og isaruk atusama, uang anggen etno waruk atusareg, at ap yabuk unde etno inune fanggogsoho yig ituk wilil,

Matius 24:42

Eke At Hinowe etno mo eta weregma waruhu ulug hinapeleg halug, hit fikfag hinilanggen yaharoho welamuk-o.

Matius 24:44

Ari ilitoho hit An Allahen minduhup naharision etno o ari sambit waruhu ulug hinapelegsoho weregma, waruhu etno hit hinindi fikfag wilil aso welamuk-o,” ulug yig isebag.

Matius 25:10

Yig isaruk apagma, it holani inebe urunangge epmano minyak hunsa laruk iseheg, at ap hwe onggo wiog ulug sebahon etno arat wapag-o. Waharuk apareg, it holani inindi enggaron epmano at inim o esoho esetuk ambeg epmano kuruk apareg, sok laroko welapag-o.

Matius 25:13

ulug At Yesusen yig isaruk apareg, eke fobik yig isaruk wilil, “Eke hit o ari fam waruhu, eke mo eta fam waruhu ulug hinapeleg halug, fikfag aso welamuk-o,” ulug yig isebag.

Markus 13:35

Eke ilikia o healtuk wilil sue une uruk heheg waruhu ano, eke o ilingge waruhu ano? ulug hinapeleg halug, yaha fanoroho welamuk-o.

Markus 6:48

Bunu etno fam wereg heheg, it epmano luog ulug ik obahare baltukmu o hiahne etno inolohot filen waharuken, it epmano so keroho wabuk neken surukmu, ilanggen isebag. Ariroho surukmu isebag etno o witiog ulug ahla healtuk heheg, At Yesus etno ilanggen isaruk apareg, ik ahum fam iog imbil lebag. Laruk apareg, it epmano sohan isalug liug ulug surukmu,

Lukas 12:38

Eke at inowe etno hubanggo homanoho ilimbul waharuk atlug, it anggimbu epmanowen aso weregma ilanggen isaruk aruhureg, ahien inobam umbuhu-o, nomini.

Lukas 12:39

Eke alem misig du yig hisamin-o. At ap o unde etnowen ari sambit ap heraharukon etnowen yi angge di angge herahik wamuhup ulug iluk welatlepmen, at ap o unde werehon etno aso yaharoho weregma, at ap heraharukon etnowen herahalep fug-o.

Lukas 21:36

Eke yi angge di angge suruk heheg, hinilioko hinoag weregsoho welamuhupseg, An Allahen minduhup naharision nambeg epmen fanoroho minamuhuben, hinindi aso wilil, nintul nantul sembahyang uruk amiek-o,” ulug yig isebag.

Wahyu 16:15

Eke hit hine­san­ggo fanoroho holtuk amiek-o. Ap inalomnangge her­aharukon hera­ko waharuk etno hag, hetnogsoho waruhuk-o. Eke it aphe nohoruk elehon inasum yaharoho werehon etno inahien suhup-o. Ariroho suhup ari fam, fobik ineabie wilil selemen inengga­li hahup fug-o.

Wahyu 3:3

Ari halug, bilin iren yanggul hisarukmu, hinesanggo holtiki­bon etno hinindi ebetuk wilil, ilitoho suruk amuhuben dag suruk atikibon epmano sohorep isiek-o. Eke hinebe hiniluksoho minatuk eleg hiseheg, it ap inalomnangge herahuog ulug herako laruk etno hag, An nebe hetnogsoho hinambeg waharukon etno mo ari fam waruhu ulug hinapeleg-at welamuhup-o.