Matius 24:39 - Allah Wene Hurumbik Keron

³⁹ Kuruk apagma, it nin epmano iken war inabukon etno inapeleg weregma, fobik ik suon etno waharuk wilil, it obog-at seberoho war inapag-o. War inapag ari hag it apheyen ariroho-at surukmu, An Allahen minduhup naharision etno waruhuk-o.

Matius 24:39 ပူးပေါင်းရင်းမြစ်များ

Matius 16:27

Eke An Allah Amloho etno nomalaikat ninim Nikni suon wereg etno ilitoho fobik waruhukseg, it yi aphe di aphe epmanowen suruk atuson onggo ilitoho og isahuk-o.

Matius 24:3

Yig isaruk apareg, At Yesus etno Zaitun bunumu laharuk apareg horieg weregma, it omini epmano inakeleg-at ambeg hinog waharuk apareg, yig ituk wilil, “Hat yig nisehenon etno obog o maram suhu-o? Eke Hat waruhunon etno inim, eke o fobik atog arat aruhuon etno inim kidia fanggog uruk-o ulug nit niniluk amuhuken alem keroho suhu-o? Kidia ariro­ho suhu ulug yig nisimin-o,” ulug yig epag.

Matius 24:30

Ariroho suruk heheg, An Allahen minduhup naharision etno waharuk ulug inahla bukag ulug boholmen sukfugangge misig etno suhu-o. Suruk aruhumu, it yi aphe di aphe kweanmon inungguluag obog-at ioba yatuk wilil, An Allahen minduhup naharision etno boholmen ambik waharukmu inilanggen neahup-o. Ariroho inilanggen neahup ari, An nebe suon nalon werehon-at hena famen ambik waharukmu inilanggen neahup-o.

Matius 24:37

Eke An Allahen minduhup naharision etno waruhuk ari, bilin at Nuh weregma suruk apag epmano hag surukmu, waruhuk-o.

Matius 24:40

Eke o ari sambit it ap biren wen warukmu, at misig ili waruk wilil, at misig sohorep isahu-o.

Lukas 19:44

War hinaptuk wilil, hinibam inim mondog mialtuk amuhupmu, helep obam dambuk falehon epmano inim welaruhu fug-o. Eke At Allah etno hit hinabuen hinili wawon wene etno yig hisa waharision oke, hit hinindi At obam ebetuk ahep fug ari famen ariroho suhu-o,” ulug At Yesusen yig isebag.

Yohanes 3:20

Eke it yi aphe di aphe dag surukon epmanowen o seleg etno inambit haruk wilil, at o seleg wereg ambeg epmano wamon inambit haruk-o. Eke iren dag surukon epmano bukal am nowen ulug at o seleg wereg ambeg epmano wamon inambit haruk-o.

Kisah Para Rasul 13:41

‘Hit hinambit haruk ahebon epmano fog suruk hisalug waramuhup-o. Hit wereg hiseheg, yabuk fanowon Anden suruk ahion epmano eberoko waruk eleg hisihi-o. Eke at misihen ariroho-at yanggul hisarukon oke, waruk ahep fug-at hisihi-o,’ ulug it nabien ebahon epmano nit farim uk nowen ulug hinindi ebetuk amiek-o,” ulug at Paulus etnowen yig isebag.

Roma 1:28

Eke it At Allah demat urukon etno ninambit-o ulug, at obam ebetuk eleg famen, At Allahen ariroho suk fug ulug ebahon oke, ariroho-at sil nuruk amag ulug inindi elegsoho imbisebag.

2 Petrus 3:5

It ariroho yig hisa wamahubon epmano urunanggeroho uruk ari, alem misig du inapelehen neken uruk-o. Ari amuk At Allah uneyen bohol inim, kwean inim wal haruk wilil, ik etno healoko o kweanma wal hebag.