Matius 24:31 - Allah Wene Hurumbik Keron

³¹ Inilanggen nearukmu, binggon suon etno une uruk heheg, Anden nomalaikat epmano o ahik ya da lahap isahuk-o. Lahap isaruk aruhukmu, it Allah udaki o ahik ya da fuloko imbisebahon epmano kweanmon inim, boholmon inim obog-at wonggal inabuhup-o,” ulug yig isebag.

Matius 24:31 ပူးပေါင်းရင်းမြစ်များ

Matius 13:41

fobik At Allah Amloho etno waharuk aruhureg, Aren at omalaikat belabik waruhu-o. Belabik waharuk aruhumu, it etnowen o kweanma duma it dag surukon epmano inim, it apheyen dag suruk amag ulug yig isarukon etno inim obog-at baluroho og inaplug,

Matius 24:22

Eke dahon at inobam umbukon ari, At Allahen dulum-at maha ninombisahalep fugmen, nit yi aphe di aphe obog-at ninuselep-o, ulug inahla buhup-o. Eke At Allahen maha imbisahu ari, At udaki fuloko imbisebahon epmano inabua isaruk wilil maha imbisahu etno fam, o dahon inobam umbukon horog arat aruhu-o.

Matius 24:24

Eke it ap werlekonen an Kristus-at-o, an nebe nabi ap Allah wene yig isaruk ahion at-o, ulug inenggal-at il waharuk amuhupseg, it apheyen demat ulug inindi ebebukag ulug fog inabukon epmano seheg, eke it sukfuganggeroho seheg suruk wilil, yig isaruk amuhup-o. Ariroho yig isaruk wilil, it Allah udaki fuloko imbisebahon epmano inim-at inindi kahal inabul ano ulug inahla buruk amuhupseg, suhup-o.

Matius 24:32

Yig isaruk apareg, eke fobik yig isaruk wilil, “At helaken surukon etno fam wene misig hiniluk aruhu-o. Helak fot endetuk halug, hiren mo mimkipfulug ambirision etno, ebe yihiruk-o ulug uruk ahep etno hag,

Matius 25:31

Eke fobik At Yesusen yig isaruk wilil, “An Allahen minduhup naharision etno fobik Inowe suon wilil, nomalaikat obog og inaplug waharuk aruhukseg, An nebe e horie urukon e daleg fanowon etno fam horie uhuk-o.

Matius 28:18

Sembahyang uruk apagma, At Yesus etno it wereg ambeg horogsoho waharuk apareg, yig isaruk wilil, “An nebe etno suon wilil o boholma inim kweanma inim obog-at unde welamag ulug minduhup naharisi-o.

Markus 13:27

Ambik waharuk aruhukseg, it malaikat epmano Anden o ahik ya da lahap isahuk-o. Lahap isaruk aruhukmu, it Allah udaki o ahik ya da fuloko imbisebahon epmano kweanmon inim, boholmon inim obog-at wonggal inabuhup-o,” ulug yig isebag.

Lukas 24:47

Minduhupfuruk aruhumu, At inuk fam it apheyen dag surukon epmano sohorep isalug, inobam inapelegsoho imbisawon wene etno it Yerusalem aphe bilin yig iseheg, eke it aphe o kweanma inungguluag obog werehon epmano fobik yig iseheg suruk amuhup-o, ulug nahurumbik bilin embebahon epmano yig hisihi-o.

Yohanes 11:52

It Allah udaki o kweanma duma o ahik ya da werehon obog-at dambuksoho imbisawon epmano inake wararuhu ulug hurumbik yig isebag.

Roma 10:18

Eke ari fam, anden “It aphe epmano inesanggo holtusa fug ano?” ulug hinog waruk nealug, “Eleg-o, inesanggo holtusa at-o,” ulug yig nimuhup-o. Eke alem ari fam Alkitab etnowen yig nisaruk wilil, “It inune epmano o ahik ya da su atisi-o. Eke iren urukon epmano o kweanma obog su atisi-o,” ulug yig nisarukon ari,

1 Korintus 15:52

Eke inil hubun suruk etno hag, fobik hetnogsoho binggon une uhu etno fam, ninolohore akeleg neken amuhuk-o. Aren ambinggon une uruk halug, it warapahon epmano dag atuk elehon etno neken min inabuhu-o, eke nit obog ninebe keron neken-at ninombisahaku-o.

Efesus 1:10

Eke Aren hurumbik dindiloko yig nisebahon etno ilitoho-at suruk aruhu-o. Eke Aren sukon etno arat fanggog ik waharuk aruhumu, yi angge di angge boholma kweanma obog-at wal hebahon epmano At Kristus Ninowe suon welamag ulug dambuksoho ninombisahaku-o.

1 Tesalonika 4:16

Eke aren duroho suhu-o, at malaikat inowe etnowen une suon uruk aruhumu, eke Allah ambinggon etno une uruk heheg, At Ninowe etno ambik waruhu-o. Ambik waharuk aruhureg, it At Kristus obam ebetuk wilil waratuson etno bilin iniluksoho minduhup isahu-o.

2 Tesalonika 2:1

Nomini-o, At Ninowe Yesus Kristus wamon etno inim, eke nit dambuksoho og ninaplug lahukon etno inim alem ari fam yig hisamin-o.

Ibrani 12:19

eke binggon suon une etno inim, eke une misig etno inim obog-at hinilanggen haruk eleg wilil, hinesanggo holtuk atikip fug-o. Eke it Israel aphe epmano hag bilin une etno inesanggo holtuk apareg, inakolen fobik inim yig nisa fug-o, ulug uruk apag.

Wahyu 1:20

Eke soholoal inebe sabiren angge ninggik bikit filen seneg welahion epmano ari, it aphe jemaat sabiren angge epmano ap inaso werehon neken wereg-o. Eke eral umburuk ambeg emas fam sehon inebe sabiren angge werehon epmano it aphe jemaat sabiren angge epmano neken wereg-o,’ ulug wene herahowon etno bukaloko yig hirihi-o, ulug yig nitukmu nesanggo holtikik-o,” ulug holal balfag.

Wahyu 11:15

Eke fobik at malaikat sabiron etno ambinggon une suon irisimu, o boholmen inune amitmit uruk wilil, “It aphe kweanma inungguluag dombog Inikni aruhuon etno, At Allah inim, eke Amloho Kristus inimen ombatarusa-o. At Inowe suon Raja itog mondog-at welaruhu-o,” ulug urusa-o.

Wahyu 7:1

Eke fobik it malaikat inebe empat etano o kweanma eng­gatgat femag femag minduhuk weregma isarikik-o. Isaruk neyeheg, iren hiahne inebe empat epmano kweanma inim, ikma inim, onggama inim fil ha nowen ulug senetusa-o.

Wahyu 8:2

Eleg atuk atisimu, nilanggen haruk heheg, it malaikat inebe sabiren angge At Allah olohotma minduhuk werehon epmano inambing­gon sabiren angge og isarusa-o.