Matius 24:30 - Allah Wene Hurumbik Keron

³⁰ Ariroho suruk heheg, An Allahen minduhup naharision etno waharuk ulug inahla bukag ulug boholmen sukfugangge misig etno suhu-o. Suruk aruhumu, it yi aphe di aphe kweanmon inungguluag obog-at ioba yatuk wilil, An Allahen minduhup naharision etno boholmen ambik waharukmu inilanggen neahup-o. Ariroho inilanggen neahup ari, An nebe suon nalon werehon-at hena famen ambik waharukmu inilanggen neahup-o.

Matius 24:30 ပူးပေါင်းရင်းမြစ်များ

Matius 24:3

Yig isaruk apareg, At Yesus etno Zaitun bunumu laharuk apareg horieg weregma, it omini epmano inakeleg-at ambeg hinog waharuk apareg, yig ituk wilil, “Hat yig nisehenon etno obog o maram suhu-o? Eke Hat waruhunon etno inim, eke o fobik atog arat aruhuon etno inim kidia fanggog uruk-o ulug nit niniluk amuhuken alem keroho suhu-o? Kidia ariro­ho suhu ulug yig nisimin-o,” ulug yig epag.

Matius 24:37

Eke An Allahen minduhup naharision etno waruhuk ari, bilin at Nuh weregma suruk apag epmano hag surukmu, waruhuk-o.

Matius 24:39

Kuruk apagma, it nin epmano iken war inabukon etno inapeleg weregma, fobik ik suon etno waharuk wilil, it obog-at seberoho war inapag-o. War inapag ari hag it apheyen ariroho-at surukmu, An Allahen minduhup naharision etno waruhuk-o.

Matius 26:64

eke At Yesus etnowen yig ituk wilil, “Hat ehen ari, demat ehen-o. Eke misig du yig hisamin-o. O yoho du famen An Allahen minduhup naharision etno fobik At oag mondog werehon etno inggik bikit fil horieg welaruhukseg, hena famen ambik waharukmu hinilanggen yet neahup-o,” ulug yig isebag.

Markus 13:26

Ariroho suruk heheg, An Allahen minduhup naharision etno hena famen ambik waharuk wilil, suon nalon werehon-at ambik waharukmu hinilanggen neahup-o.

Markus 13:4

Hinog waruk wilil, “Hat yig nisehenon etno maram suhu-o? Eke yi angge di angge elehap siog ulug suhuon epmano kidia arat fanggog uruk-o, ulug nit niniluk amuhuken alem keroho suhu-o Ninowe. Kidia ariroho suhu ulug yig nisimin-o,” ulug yig epag.

Lukas 21:27

Ariroho suruk amuhupmu, An Allahen minduhup naharision etno hena famen ambik waharuk wilil, suon nalon werehon-at ambik waharukmu inilanggen neahup-o.

Lukas 22:69

ulug yig isaruk wilil, eke kidia An Allahen minduhup naharision etno Nikni inuk suon etno inggik bikit fil ambeg horie uhuk-o,” ulug yig isebag.

Kisah Para Rasul 1:11

yig isaruk wilil, “Hit o Galilea ap du, keroho ulug hinilanggen boholma lahaboho welahep-o? At Yesus boholma walug lahakek etno ilitoho, fobik boholmen ambik waharuk hinilanggen hahup-o,” ulug yig isebag.

2 Tesalonika 1:7

Eke o fanoma ninombisahiog ulug wereg heheg, At Ninowe Yesus boholmen omalaikat oag werehon epmano inim ambik wamuhup-o.

Wahyu 1:7

Eke fobik At ebe hena famen ambik waharukmu, it aphe obog inim, eke it ebe wapahon etno inim inilanggen haruk amuhupseg, it aphe o kweanma obohen ioba yabuhup-o, ulug ihi ari, an demat yig hisaruk ahi-o. Amin.

Wahyu 12:1

Eke fobik boholmen sukfugangge surukmu nil harikik-o. Nil harikikseg weregma, at hwe misig, asum mo neken wanteheg eke iog bikalem fam embeheg, eke soholoal dua belasen angge unggu­lasum neken wanteheg surukmu nilanggen harikik-o.