Matius 24:3 - Allah Wene Hurumbik Keron

³ Yig isaruk apareg, At Yesus etno Zaitun bunumu laharuk apareg horieg weregma, it omini epmano inakeleg-at ambeg hinog waharuk apareg, yig ituk wilil, “Hat yig nisehenon etno obog o maram suhu-o? Eke Hat waruhunon etno inim, eke o fobik atog arat aruhuon etno inim kidia fanggog uruk-o ulug nit niniluk amuhuken alem keroho suhu-o? Kidia ariro­ho suhu ulug yig nisimin-o,” ulug yig epag.

Matius 24:3 ပူးပေါင်းရင်းမြစ်များ

Matius 13:36

Yig isaruk apareg, At Yesus it wonggalfahon etno sohorep isalug uma kebag. Kuruk apagma, At omini etno ambeg kuruk apareg, yig ituk wilil, “Hohol angge yapahon wene yig nisehenon etno ebe undamon dindiloko yig nisamihin-o,” ulug yig epag.

Matius 13:49

Iren ariroho suruk apag etno hag, fobik o atog huli fam it malaikat etnowen suhup-o. It etno kweanma ambik wamuhupseg, aphe inobabut fano surukon halug, inakeleg-at fuloko imbisaruk amuhupseg,

Matius 15:12

Yig isaruk apagma, At omini epmano ambeg waharuk apareg, yig ituk wilil, “Haren yig nisehenon etno fam it Farisi ap inahla burukon etno seberepfehen ari hai-o,” ulug yig epag.

Matius 16:27

Eke An Allah Amloho etno nomalaikat ninim Nikni suon wereg etno ilitoho fobik waruhukseg, it yi aphe di aphe epmanowen suruk atuson onggo ilitoho og isahuk-o.

Matius 16:28

Eke misig du hinindi ebetuk amiek-o. Hit aphe nin duma welahebon epmano waraheg eleg hiniluk wilil, An Allah Amloho suon waharukmu hinilanggen neahup-o,” ulug yig isebag.

Matius 17:19

Fano atuk apagma, At Yesus etno uma weregma, omini inim inakeleg-at wene uruk wilil, “Setan wilip amag ulug seheon oke, niren ehema wilip aheg eleg-at bok welaha ari, keroho ulug sehek-o?” ulug yig epag.

Matius 21:1

Eke fobik o Yerusalem etno luog ulug horog Zaitun bunumu apma o sili inuk Betfage laruk apareg, epmano wilil At Yesusen omini biren lahap isiug ulug yig isaruk wilil,

Matius 24:27

Eke o sehenyabog boholmen dulum-at yibatuk etno hag, An Allahen minduhup naharision etno hetnogsoho waruhuk-o.

Matius 24:30

Ariroho suruk heheg, An Allahen minduhup naharision etno waharuk ulug inahla bukag ulug boholmen sukfugangge misig etno suhu-o. Suruk aruhumu, it yi aphe di aphe kweanmon inungguluag obog-at ioba yatuk wilil, An Allahen minduhup naharision etno boholmen ambik waharukmu inilanggen neahup-o. Ariroho inilanggen neahup ari, An nebe suon nalon werehon-at hena famen ambik waharukmu inilanggen neahup-o.

Matius 24:37

Eke An Allahen minduhup naharision etno waruhuk ari, bilin at Nuh weregma suruk apag epmano hag surukmu, waruhuk-o.

Matius 24:39

Kuruk apagma, it nin epmano iken war inabukon etno inapeleg weregma, fobik ik suon etno waharuk wilil, it obog-at seberoho war inapag-o. War inapag ari hag it apheyen ariroho-at surukmu, An Allahen minduhup naharision etno waruhuk-o.

Matius 24:43

Eke Anden misig yig hisaminon du hinindi ebetuk amuk-o. At ap ibam unde werehon etnowen, ap misig alomnangge herahik kik warikon ulug iluk welatlepmen, at etno nohuk imbisalug, ap etno alomnangge herahik waharukim ulug suam welatlep-o.

Matius 28:20

eke wene Anden ariroho siuk ulug yig hisaruk atikikon epmano iren ilitoho suruk amag ulug yanggul iseheg suruk amuhup-o. Ariroho suruk hisalug, An nebe nintul nantul hit ninim sil nuruk amuhukseg, fobik o atog arat halug ninim-at welamuhuk-o,” ulug yig isebag.

Lukas 21:7

Yig isaruk apagma, it epmanowen hinog waruk wilil, “Ninowe yanggul nisarukon wai, Hat yig nisehenon etno maram suhu-o? Eke yi angge di angge elehap siog ulug suhuon etno kidia arat fanggog uruk-o, ulug nit niniluk amuhuken alem keroho suhu-o?” ulug yig epag.

Kisah Para Rasul 1:7

At etnowen yig isaruk wilil, “Hit An Niknien o ari sambit suhuk ulug onggarehen ahla burukon etno hinapelegsoho welamuk-o.

Ibrani 9:26

o kweanma duma alem bilin wal hebag etno famen dahon etno obam umburukmu, nintul nantul-at waratlep-o. Ariroho selebon oke, kidia o ebe elehap sukon etno fanggog uruk heheg, At ebe etno misihim-at waharuk apareg, it apheyen dag surukon epmano elehap siog ulug At ebe misihim-at Allah ake ombatebag-o.