Matius 24:24 - Allah Wene Hurumbik Keron

²⁴ Eke it ap werlekonen an Kristus-at-o, an nebe nabi ap Allah wene yig isaruk ahion at-o, ulug inenggal-at il waharuk amuhupseg, it apheyen demat ulug inindi ebebukag ulug fog inabukon epmano seheg, eke it sukfuganggeroho seheg suruk wilil, yig isaruk amuhup-o. Ariroho yig isaruk wilil, it Allah udaki fuloko imbisebahon epmano inim-at inindi kahal inabul ano ulug inahla buruk amuhupseg, suhup-o.

Matius 24:24 ပူးပေါင်းရင်းမြစ်များ

Matius 22:14

Yig isaruk apareg, eke fobik yig isaruk wilil, “It inebe anggolo-at inayonggo lebahon oke, inebe we dorat fuloko imbisebag-o,” ulug yig isebag.

Matius 24:11

Ariroho suruk iseheg, it ap nin nabi ap neken wilil, iren inenggal-at an Allah wene uruk ahion at-o, ulug yig isaruk amuhupseg, ap anggolo-at inindi kahal inabuhup-o.

Matius 24:22

Eke dahon at inobam umbukon ari, At Allahen dulum-at maha ninombisahalep fugmen, nit yi aphe di aphe obog-at ninuselep-o, ulug inahla buhup-o. Eke At Allahen maha imbisahu ari, At udaki fuloko imbisebahon epmano inabua isaruk wilil maha imbisahu etno fam, o dahon inobam umbukon horog arat aruhu-o.

Matius 24:25

Hinesanggo fanoroho holtuk amiek-o. Ebe sukon etno awan suruk eleg heheg, An hurumbik arat yig hisihi-o.

Matius 24:31

Inilanggen nearukmu, binggon suon etno une uruk heheg, Anden nomalaikat epmano o ahik ya da lahap isahuk-o. Lahap isaruk aruhukmu, it Allah udaki o ahik ya da fuloko imbisebahon epmano kweanmon inim, boholmon inim obog-at wonggal inabuhup-o,” ulug yig isebag.

Matius 24:5

Fobik it ap anggolo at waharuk amuhupseg, An ninuk fam yig hisaruk wilil, ‘An nebe Kristus-at welahi-o,’ ulug yig hisaruk amuhupmu, it aphe obog demat ulug inindi ebebuhup-o.

Matius 7:15

Eke At Yesusen yig isaruk wilil, “It ap wene demat uruk elehon etno hinambeg waharukim yaharoho welamiek-o. It etno inasum selemon wam domba ahap neken wantehon oke, eke inindi undama oloyangge etnowen suruk hag aphe yuhun-at ayeg libil inaptuk-o.

Markus 13:22

It ap werlekonen, ‘An Kristus at-o. An Allah wene yig isaruk ahion at-o,’ ulug inenggal-at il waharuk amuhupseg, it apheyen demat ulug inindi ebebukag ulug fog inabukon epmano at seheg, eke sukfuganggeroho seheg suruk wilil, yig isaruk amuhup-o. Ariroho yig isaruk wilil, it Allah udaki fuloko imbisebahon epmano inim-at inindi kahal inabul ano ulug inahla buruk amuhupseg, suhup-o ariroho suhup ari, hit hinindi fanoroho yaha welamuk-o.

Lukas 18:7

Eke aren ebag etno hag, eke it apheyen At Allah obam sembahyang uruk isalug, inili wahu fug buruk ahep ano? Eke orog orog-at yalmako imbisahu buruk ahep ano? Ari eleg-o.

Yohanes 4:48

Yig ituk apagma, At Yesusen yig ituk wilil, “Hit obohen An elalintoho sukfugangge suruk ahion epmano hinilanggen neahup fug halug, demat ulug ebebuhup fug-o,” ulug yig epag.

Yohanes 6:37

Eke it obog An Niknien og nepahon etno hag nambeg waharuk amuhup-o. Nambeg waharuk isalug, Anden sohorep isahuk fug-o.

Yohanes 6:39

Eke At lahap nabik waharision etnowen duroho sukag ulug ahla burukon etno yig nituk wilil, it aphe Anden og hituk seyahon epmano misig sohorep isahun fug-o. Inebe obog-at o ari fam iniluksoho minduhup isahun-o, ulug yig nituk apareg,

Kisah Para Rasul 20:16

Eke epma at Paulusen o hari Pentakosta fam Yerusalem epma lao nindi oke, o Asia kwean fene lawim, kwalema nininggik anggolo nohoke ha nowen, ikma so fam bikit o Yerusalem lahuk-o ulug ahla buruk atisireg, o Miletus epmanowen o Yerusalem bikit luog ulug surukuk.

Roma 12:18

Eke hit yi aphe di aphe obohen du suk fano ulug urukon etno-at suruk amuk-o. Eke hinobabut fano wilil, it yi aphe di aphe obog-at hinim dambuksoho welamag ulug suruk amuk-o.

Galatia 4:15

Ariroho waruk atikipseg, hit hinahien anggolo harikip etno famen kidia inim yig hisamin-o. Eke hit hinilanggen hulil sao hiniluk welatlepmen, hinilanggen huliloko an-at og nitlep-o.

2 Timotius 2:19

Iren ariroho yig isarukon oke, eke At Allahen o andorli oag werehon imbirision etno aplohok suhu fug-o; eke o andorli etno fam wene holal umburuk wilil, “At Ninowe etnowen nudaki inebe du at-o ulug iluk wereg-o,” eke misig ari, “It apheyen At Ninowe etnowen angge-at welahi-o ulug urukon etno dag surukon etno sohorep isawag-o,” ulug o andorli etno fam wene holal imbirisi-o.

1 Petrus 1:5

Eke hit Allah wene warukmu, hinindi oag weregsoho wahubon etno fobik At udaki fanoma imbisiog ulug weregma, fanowon og hisawon epmano dugsoho hinombisaharuk-o.

2 Petrus 3:17

War inabuhu oke, eke hit nomini, holal du bal hisihion etno fam arat hiniluk aha-o. Ari yig hisihi ari, it inenggal wene urukon epmanowen hinindi kahaltukmu bule ambulug watehep ha nowen ulug yig hisihi-o, nomini. Ari hit hinindi yaharoho welamag ulug yig hisihi-o.

1 Yohanes 2:18

Nomini-o, yi angge di angge eleg atukon etno fanggog uruk-o. Eke at antikristus, ari Kristus inim healeg werehon etno, waruhu ulug hinesanggo holtuk atikip etno hag, kidia antikristus inebe anggolo atusa-o. Anggolo atusa famen, yi angge di angge eleg amon etno fanggog uruk ulug niniluk atuk-o.

1 Yohanes 2:22

Ari halug, ap sen enggal-at uruk ano? It, At Yesus Kristus ebe eleg-o, ulug ariroho urukon etnowen-at inenggal uruk-o. Eke At Allah etno, Amloho inim inawene inenggal neken uruk, ulug ariroho urukon halug, ininuk antikristus at-o.

1 Yohanes 5:18

It Allah udakion halug, yi dag di dag surukon etno sohorep isalug, fobik dag seheg eleg-at welamuhup-o. Eke at setanen dahap isahu fug-o. At Allah Amloho etnowen ninili waruk ari demat ulug niniluk atuk-o.

Wahyu 19:20

Ariroho suruk atusa­ma, eke at walo suon etno inim, at nabi aphe inenggal wene uruk amag ulug sukfugangge suruk wilil, it aphe at walo aholal ini­lahoag fam werehon etnowen walo ebe ilitoho sehon etno obam sembahyang ukag ulug sirision etno inim hele waroko it inebe biren etano o hondok olokma hik isarusa-o.