Matius 24:21 - Allah Wene Hurumbik Keron

²¹ Eke alem dahon hinobam umbuhu etno sambit epmano weregma, inusil lahu ari, suon neken-at inusil lahu-o. Eke bilin o kweanma duma kerat wal hebareg fam, dorat inusebag-o, eke kidia hag dorat inusuruk-o. Eke fobik inusil waruhu etno hag suon neken-at suhu-o. Ariroho suhureg fam, fobik inim inusil waruhu fug-o.

Matius 24:21 ပူးပေါင်းရင်းမြစ်များ

Matius 24:20

Eke hit o sohik fam inim, o hari Sabat fam inim hite wilip ahe ha nowen ulug At Allah obam sembahyang iuk-o.

Matius 24:29

Yig isaruk apareg, eke fobik yig isaruk wilil, “Dahon epmano inobam umburuk aruhumu, fobik dulum-at mo olok eleg aheg, bikalem yatukon etno eleg aheg, eke soholoal boholmen ambik waheg, eke bohol alem aplohok seheg suhu-o.

Markus 13:9

Ariroho suhubon epmano hiniluk halug hinindimu yaha fanoroho welamuk-o. Hit hinebe sen hinaplug it ap suon wene baltuk ambeg inim, it Yahudi ap sembahyang uruk ambeg inim, og hinaplug hinombisahik laruk amuhupseg, yikangge hinusuhup-o. Eke hit hinebe epmano it yi ap di ap inowesi ininuk suon epmano inolohotma minduhup hisahakupmu, hiren An ninuk fam wene fano wene etno yig isaruk amag ulug og hinaplug inambeg hinombisahik lahup-o.

Lukas 21:24

Mialoko umburuk amuhupseg, it nin karog fam inuseheg, eke it nin hele waroko o ahik ya da lahap iseheg suhup-o. Eke o mialukon etno awan arat suruk eleg iseheg, it aphe selema Allah wene inapelehon epmanowen o Yerusalem iniog hendan fil haruk amuhup-o,” ulug yig isebag.

1 Tesalonika 2:16

Ariroho wereg ari, it ap Allah wene inapelehon epmano wene inili wawon etno niren yig isa nowen ulug nit bok amag ulug surusa-o. Ariroho surusa ari, iren nintul nantul dag suruson epmano atog ilitoho neken suruk atusama, kidia At Allah asine inobam mondog wereg-o.

Wahyu 16:18

Uruk atisimu, sehenyabog inim, eke yi une di une inim, o serlemban une inim, o yugul suon etno inim obog-at sirisi-o. Ariroho sirision ari, aphe inebe bilin wal hebag etno sambit suon ariroho sirisi fug-o.

Wahyu 7:14

eke anden yig ituk wilil, “Nowe, an napeleg-o, Hat-at hiluk-o,” ulug yig iti­kik-o. Yig ituk atikikmu, eke Aren yig nituk wilil, “It aphe du dahon inobam umburuson oke, inili holaruk atusareg waharusa-o. Eke it epmano inasum sabele horoho Wam Domba Udag amep etno fam hulu amag ulug are surusa-o.