Matius 24:15 - Allah Wene Hurumbik Keron

¹⁵ Eke fobik At Yesus etnowen yig isaruk wilil, “Hit An yig hisaruk ahion du, wene baleg fam bikharuk wilil, hinindi ebetuk amiek-o. Eke o amuk at nabi Allah wene yig isaruk apahon inuk Daniel etnowen hurumbik ebag etno hag, o fano wereg ambeg epma dahon etno kik waharuk hinilanggen haruk amuhupseg, ea ninakol-o ulug uruk amuhupseg,

Matius 24:15 ပူးပေါင်းရင်းမြစ်များ

Matius 24:16

it Yudea ap epmano bunumu epma hite lahukag ulug yig isimuk-o.

Markus 13:14

Eke fobik At Yesus etnowen yig isaruk wilil, “Hit An yig hisaruk ahion du wene baleg fam bikharuk wilil hinindi ebetuk amiek-o. Fano wereg ambeg epma dahon etno kik waharuk hinilanggen haruk amuhupseg, ea ninakol-o, ulug uruk amuhupseg, it Yudea ap epmano bunumu epma hite lahukag ulug yig isimuk-o.

Lukas 19:43

Eke fobik it hinim wim aptuk amuhubon epmano wamuhupseg, hinibam dahagsoho olaroko kolap hisahalug, war hinabuhup-o.

Lukas 21:20

At Yesusen yig isaruk wilil, “Eke fobik o Yerusalem it inim wim aptukon epmanowen o dahagsoho war inaptukmu, hinilanggen isaruk amuhupseg, o Yerusalem mialukon etno horog fanggog ehek-o ulug hiniluk aruhu-o.

Yohanes 11:48

Niren At ariroho suruk ari obam dombog at-o ulug senetuk eleg nisalug, it aphe obohen At obam ebetuk amuhupmu, it Roma ap suon epmano waharuk amuhupseg, o suon Allah ibam du mialepfeheg, eke nit obog war ninabeheg suruk amuhup buruk ahe-o,” ulug yig isebag.

Kisah Para Rasul 21:28

“Hit Israel ap du maniek-o. Ap du o ahik ya da wene yig isil nuruk wilil, nit Israel ap inim, at Musaen wene duroho suruk amuk eke duroho suruk am fug ulug ebahon etno inim, eke o Allah ibam duma inim obog seberoho ninombisaharuk etno hag, eke kidia it ap Allah wene inapelehon epmano o Allah ibam og inabik wahareg, o du niren usa uruk aheon etno oke, hairepfehek-o,” ulug urusa.

Kisah Para Rasul 6:13

Umburuk apagma, it epmano inenggal at Stefanus obam denggeluog ulug waharuk apareg, yig isaruk wilil, “At Stefanus du o Allah ibamen surukon inim, Musa wene urukon etno inim nintul nantul seberepfuruk hehe-o.

Ibrani 2:1

Wene ariroho yig nisaruk apagma, niren wene du demat ulug eberoko waruk sowahon etno ninapeleg ahe ha nowen ulug fanoroho seneg welamuk-o.

Wahyu 1:3

it buku du inilanggen haruk wilil wane surukon epmano inim, eke it hurumbik ebahon du inesanggo holtukon inim, eke it buku du fam weregma ilitoho surukon epmano inim, obog-at inahien ha­wag-o. Eke kidia hurumbik ebahon atog ilitoho sukon etno fanggog ik wariog ulug suruk-o.

Wahyu 3:22

Eke hinesanggo wereg halug, At Roh Kudusen it jemaat yig isarukon epmano hinesanggo fanoroho holtuk amiek-o,” ulug yig nitisi-o.