Matius 24:14 - Allah Wene Hurumbik Keron

¹⁴ Eke it yi aphe di aphe obohen inesanggo holukag ulug, At Allah weregmen sukon wene fano wene etno o ahik ya da obog-at yig isil lahup-o. Yig isil laruk amuhupmu, o atog arat aruhu-o,” ulug yig isebag.

Matius 24:14 ပူးပေါင်းရင်းမြစ်များ

Matius 10:7

Laruk atli­hipseg, At Allah weregmen sukon etno fanggog uruk-o, ulug yig isimuk-o.

Matius 18:19

Ari halug, misig du inim-at yig hisaruk ahi-o. Hit biren o kweanma dumen alem ari sukag ulug ninebe dambuksoho sembahyang ul-o, ulug uruk hisalug, at An Nikni boholmon etnowen hit hinake ariroho-at suhu-o.

Matius 24:3

Yig isaruk apareg, At Yesus etno Zaitun bunumu laharuk apareg horieg weregma, it omini epmano inakeleg-at ambeg hinog waharuk apareg, yig ituk wilil, “Hat yig nisehenon etno obog o maram suhu-o? Eke Hat waruhunon etno inim, eke o fobik atog arat aruhuon etno inim kidia fanggog uruk-o ulug nit niniluk amuhuken alem keroho suhu-o? Kidia ariro­ho suhu ulug yig nisimin-o,” ulug yig epag.

Matius 24:6

Ariroho ebebuhubon oke, wim horog duma aptuk wilil inune urukmu hinesanggo holeheg, eke o yatma epma wim aptuk ulug urukon etno hinesanggo holeheg suruk amuhupseg, epmano wilil, kidia sukon etno fanggog ehek ulug hinakol ha fug-o. Wim suhup ari, suhup-at oke, ariroho suhup ari fam aren suhuon etno fanggog uhu fug-o.

Matius 4:23

Inim laruk apagma, At Yesus etno o Galilea etno obog-at dahag dahag sil nuruk wilil, iren wene uruk ambeg o falegma epmanowen yanggul iseheg, eke At Allahen sukon wene fano wene etno yig iseheg, eke it aphe obog uk warehon inim, ukmurohon inim fano inabeheg sil nuruk apag.

Matius 9:35

Eke fobik At Yesus etno o ahik ya da o sumu dotma epmano ya keheg lebag. Laruk wilil, it o Allah wene uruk ambeg epmanowen yanggul iseheg, eke At Allah weregmen sukon wene fano wene etno yig iseheg, eke it uk warehon epmano obog-at fano inabeheg sil nuruk apag.

Markus 13:10

Eke fobik suhuon etno awan fanggog uruk heheg, wene fano wene du it yi aphe di aphe kweanma obog werehon epmano obog-at yig isil nuruk amuhup-o.

Lukas 2:1

Nin eke ap suon misig inuk Kaisar Agustus etnowen aphe obog ininuk holal fam umbulug inebe wane inabukag ulug wene yig isebag.

Lukas 24:47

Minduhupfuruk aruhumu, At inuk fam it apheyen dag surukon epmano sohorep isalug, inobam inapelegsoho imbisawon wene etno it Yerusalem aphe bilin yig iseheg, eke it aphe o kweanma inungguluag obog werehon epmano fobik yig iseheg suruk amuhup-o, ulug nahurumbik bilin embebahon epmano yig hisihi-o.

Lukas 4:5

Yig ituk apagma, eke at iblisen walug dom fam lahabareg dot welatlug eleg, yig ituk wilil, “O kweanma o ahik ya da epmano heag ituk wilil,

Kisah Para Rasul 1:2

At Yesus etno boholma lahiog ulug suruk wilil, Roh Kudus fam At omini heag inapahon epmano, hit ariroho suruk amuk-o, ulug inesanggo wapag. Inesanggo watuk apareg, ahla buruk wilil, An nebe warehon oke niluksoho minduhup naharision etno inilanggen neawag ulug lamin-o, ulug ahla buruk apareg inambeg lebag.

Kisah Para Rasul 11:28

Waharuk apagma, ap iron misig inuk Agabus etno Roh Kudus indimu kebagma, minatuk apareg yig isaruk wilil, “Nit fobik o ahik ya da obog-at orom obok angge suon hahuk-o,” ulug at Agabus etnowen fobik at inowe Klaudius weregma obok angge hebahon etno hurumbik yig isebag.

Kisah Para Rasul 17:31

Eke fobik ap misig aren fuloko og nisebahon etnowen nit kweanmon yi aphe di aphe obog-at fanoroho ninaren baltuk atlug ninombisahaku ulug hurumbik arat yig nisarisi-o. Ariroho yig nisarision etno demat ulug ninindi ebebukag ulug ap etno it warehon wereg ambehen iluksoho minduhupfirisi-o,” ulug yig isarisi.

Kisah Para Rasul 17:6

Kik haruk atusareg, inebe elehen, at Yason omini nin inim lit inaplug wilik waharusareg, it ap o etno werehon inowesi inambeg imbisa laruk wilil, “It at Paulus Silas etano o ahik ya da epmano aphe inindi kahaltil larusareg, nit ninibam waharusama,

Kisah Para Rasul 19:27

Ari halug, fobik nit nineyabuk suruk aheon etno eleg aruhu buruk ahi. Eke at inumbia Artemis ibam suon uson ulug falehon etno it apheyen inahlahi atuk amuhupseg, suontepfuruk amuhup fug-o. Eke at inuk bilin o Asia inim, o kweanma obog suontepfuruson oke, eleg aruhu buruk ahi-o,” ulug at Demetrius etnowen yig isarisi.

Kisah Para Rasul 20:25

Eke At Allah weregmen sukon wene etno yig hisaruk wilil, hit obog ninim welatukuk-o. Eke fobik an nebe etno hit obohen hinilanggen neahup fug-o,” ulug yig isaruk atisireg, yig isaruk wilil, “Eke kidia alem misig yig hisamin-o.

Roma 10:18

Eke ari fam, anden “It aphe epmano inesanggo holtusa fug ano?” ulug hinog waruk nealug, “Eleg-o, inesanggo holtusa at-o,” ulug yig nimuhup-o. Eke alem ari fam Alkitab etnowen yig nisaruk wilil, “It inune epmano o ahik ya da su atisi-o. Eke iren urukon epmano o kweanma obog su atisi-o,” ulug yig nisarukon ari,

Kolose 1:23

Eke wene fano wene etno waruk wilil, yahuk korlag suruk eleg hisalug, fobik fano hinabuhuon etno og hisahu, ulug hurumbik etno yig hisarusa. Eke an Paulus wene fano wene etno anggimbu neken wilil, yig isil larikik-o. Eke it ninen o ahik ya da yig isil laruk-o.

Kolose 1:6

Eke wene fano wene ari o ahik ya da ya laheg da laheg suruk halug, hit weregma-at waharisi-o. Waharukmu, At Allah ahien inobam umburuk halug, hit ariroho-at hinesanggo holtikipseg fam At Allah ahien hinobam umburuk-o.

Ibrani 1:6

Eke At Allahen At Amloho manggia endohowon etno o duma belabik wariog ulug suruk wilil, “It malaikat epmanowen At inuk-at suontepfuruk amag-o,” ulug yig isebag.

Ibrani 2:5

At Allahen o duma niren uruk aheon etno wal haruk-o, ulug ahla buruk apareg, it malaikat epmano unde welamag ulug minduhup isebag fug-o.

Wahyu 14:6

Eke fobik at malaikat misig boholma anduhunmu leng­galtug larukmu, nilanggen harikik-o. Nilanggen lahap haruk atikikmu, at malaikat etnowen it o ahik ya da inune yion dion obog-at urukon epmano wene fano wene etno une oag weregsoho yig isa­ruk wilil,

Wahyu 16:14

Ariroho suruk isarikikon etno, it inebe henahan wilil, sukfugangge suog ulug it aphe kweanmon inowesi suon inambeg epmano larusa-o. Laruk atusareg, eke it epmanowen it inowesi suon epmano wene wim sukag ulug At Allahen inoag delu­hu ambeg epmano wonggal inabuog ulug surusa-o.

Wahyu 3:10

Eke hit Anden yig hisaruk seag etno ilitoho hinindi oag weregsoho welatikipseg fam, fobik it aphe o kweanma werehon obog inaren bal inabiug ulug dahon etno o ahik ya da obog in­obam umbu­ruk aruhumu, Anden hinili wahuk-o.