Matius 23:8 - Allah Wene Hurumbik Keron

⁸ Ariroho suruk oke, eke hit hag apheyen ‘Ninowe yanggul nisarukon’ ulug yig hisao ari hai-o. Hit obog nomin homin welahep etno fam, hinowe ebe misig-at wereg-o.

Matius 23:8 ပူးပေါင်းရင်းမြစ်များ

Matius 10:25

Ari halug, it yig isarukon epmanowen an at ninowe yanggul nisarukon ilitoho welam nindi-o, ulug uruk am ari fa­no-o. Eke it anggimbu etnowen an nebe at ninikni ilitoho welam nindi-o, ulug uruk am ari fano at-o. Eke it inowe ari inuk Beelzebul-o ulug soaltuk isalug, at udaki ininuk da­hon-at soal inabuhu-o,” ulug At Yesusen yig isebag.

Matius 17:5

ulug awan yig ituk heheg, hena wikal neken lahaptukon etno sebe inapag.

Matius 23:10

Eke Hinowe suon etno At Kristus ebe misig-at wereg heheg, at misig werlekon ninowe suon ulug yig um ari hai-o.

Matius 23:7

eke o onggo hundutuk ambeg epmano it apheyen heahi war ninabukag ulug sil laheg, eke it apheyen ‘Ninowe yanggul nisarukon wai,’ ulug yig nisawag ulug inahla beheg suk ari ninindi-o, ulug inindi ebetuk wilil, ariroho suruk-o.

Matius 26:25

Yig isaruk apagma, at Yudas Yesus senebukag ulug inayonggo lebahon etnowen yig ituk wilil, “Ninowe yanggul nisarukon wai, ariroho ehen ari, an farim ehen ano, eleg ano?” ulug yig ituk apagma, eke At Yesusen yig ituk wilil, “An farim ehek ulug ehen ari, demat ehen-o,” ulug yig epag.

Matius 26:49

Yig isalug, at Yudas etno bikit At Yesus ambeg laruk apareg, yig ituk wilil, “Ninowe yanggul nisarukon wahaniog,” ulug yig ituk apareg, ambilik mitig hebag.

Markus 10:51

At ambeg laruk apagma, At Yesusen yig ituk wilil, “Hat Anden keroho seko hombahukag ulug wahen-o?” ulug yig ituk apagma, eke at ap ilanggen buhon etnowen yig ituk wilil, “Nowe-o, an nilanggen buhon du fano amag ulug fenggen nabin-o,” ulug yig epag.

Markus 11:21

Haruk apareg, at Petrus etno Yesusen e etno winimug epahon etno indimu ebetuk apareg, yig ituk wilil, “Nowe Yesus wai, e Haren winimug itikinon etno obog-at bug aha du hilanggen himin-o,” ulug yig epag.

Markus 14:45

Ariroho yig isalug, at Yudas etno werlek neken Yesus ambeg waharuk apareg, “Nowe-o,” ulug heahi watuk wilil, ambilik mitig hebag.

Markus 9:5

Misig Hat hibam, misig at Musa ibam, misig at Elia ibam, o ebe eta-at faltul-o,” ulug yig epag.

Lukas 22:32

Simon wai. Ariroho suhu ari fam, hat hindimuen demat ulug ebetuk ehenon etno eleg am nowen ulug hake sembahyang irikik ari fam hindi wereg atuk halug, haren it homini inindi werehep isahun-o,” ulug yig epag.

Yohanes 1:38

Mutlug laruk apagma, At Yesus etno ambolma dahagsoho yet isaruk apag, it ap biren etano ombolim larukmu isaruk apareg, yig isaruk wilil, “Hit nongge heahil wahep-o?” ulug yig isebag. Ariroho yig isaruk apagma, it etanowen yig ituk wilil, “Ninowe yanggul nisarukon wai, Hat hibam kemen wahen-o?” ulug hinog yig ituk apagma,

Yohanes 1:49

Yig ituk apagma, eke at Natanael etnowen yig ituk wilil, “Ninowe yanggul nisarukon wai, Hat At Allah Amloho-at welahen hiyihi-o. Ari fam nit Israel ap Ninowe suon-at welahen hiyihi-o,” ulug yig epag.

Yohanes 11:8

“Ninowe yanggul nisarukon wai, Hat it Yahudi aben horog kidia-at helep fam howabuog ulug surusa ambeg epmano keroho ulug suhuluk lulen ehen-o?” ulug yig epag.

Yohanes 20:16

Yig ituk apagma, At Yesusen yig ituk wilil, “Maria wai,” ulug yig ituk apagma, hwe etno olohore dahagsoho lahap haruk apareg, it Ibrani inune fam yig ituk wilil, “Rabuni wai,” ulug yig epag ari, eke nit ninune fam, “Nowe yanggul nisarukon wai,” ulug yig epag.

Yohanes 3:2

o misihim hubanggo At Yesus ambeg wapareg, yig ituk wilil, “Ninowe yanggul nisarukon wai, Haren yanggul nisawag ulug At Allahen lahap habik waharisi etno nit niniluk-o. Eke at ap misig Allah inim welatlep fugmen, Haren sukfugangge suruk ahenon epmano suruk atlep fug-o,” ulug yig epag.

Yohanes 3:26

Winimug aptuk apareg, fobik at Yohanes ambeg wapag. Waharuk apareg, yig ituk wilil, “Ninowe yanggul nisarukon wai, hat bilin ap misig hinim ik Yordan le femag wilil, At awene yig isaruk atikinon epmano hindi ebetuk ahen ano? At ap etno kidia aphe ikma belap inaptuk halug, it yi aphe di aphe obog At ambeg-at laruk-o,” ulug yig epag.

Yohanes 4:31

Waharuk apareg weregma, At omini epmanowen Yesus yig ituk wilil, “Ninowe yanggul nisarukon wai, Hat dot namihin ano,” ulug yig ituk apagma,

Yohanes 6:25

Eke fobik it aphe epmanowen At Yesus etno ik du femag heaharuk apareg, yig ituk wilil, “Ninowe yanggul hisaruk aheon wai, Hat o duma keroho wahen-o?” ulug yig epag.

Yohanes 9:2

Ilanggen haruk apagma, it At omini etnowen yig ituk wilil, “Ninowe yanggul hisaruk aheon wai, ap du isina ahlen-at ilanggen buhon endag apag ari, at sen dag sebareg fam ariroho endag apag-o? Ari halug, aren dag sebahon fam ilanggen buhon endag apag ano, eke it ikni isinen dag sebahon fam ilanggen buhon endag apag ano?” ulug yig ituk apagma,

2 Korintus 1:24

Eke hit hinoag weregsoho wene demat ulug ebetuk ahep ari fam, anden hit ariroho hinindi ebetuk amuk ulug nalontoho wilil yig hisiog ulug suruk ahi fug-o. Eke hit hinahien hawag ulug an hit hinim yabuk suruk ahe-o.

2 Korintus 4:5

Eke nit hag nit ninobam-at ebetuk amuk ulug yig isaruk eleg wilil, At Ninowe Yesus Kristus-at obam ebetuk amuk ulug yig isaruk ahe-o. Eke nit ninebe ari At Yesus inuk fam hit hinanggimbu neken-at welahe-o, ulug yig isaruk ahe-o.

Filemon 1:16

Eke at ebe kidia iog suhuluk hambeg waharuk ari, haren an nanggimbu at-o ulug hahla buruk am fug-o. At ebe Kristus awene warisireg fam an nomin neken-at wereg-o, ulug hahla buruk amin-o. Eke at ebe an nomin-at heheg, hat hag ap du an nanggimbu-at oke, Allah wene warisireg fam nomin-at wereg-o, ulug hahla buruk wilil, hinim hindi hunduhuk welamin-o.

Yakobus 3:1

Nomini-o, hit obohen, an ap yanggul isarukon welaruhuk ulug uk fug-o. It aphe werlekon hag inaren baluhu oke, nit ap yanggul isarukon etno hag fikfag ninaren baltuk aruhureg, hinog anggolo og ninabuhu oke, niren dahan fahan suruk aheon epmano niniluk-o.

1 Petrus 5:3

Eke At Allah udaki hinapma welamag ulug og hisarision epmano ninasineroho yig isahuken, ulug hinahla buruk eleg wilil, hiren fano suruk ahep etno ilitoho iren fano suruk amuhup-o.

Wahyu 1:9

At Yohanes etnowen wene holal umburuk wilil, “An hinomin Yohanes etno alem Allah wene inim, eke At Yesus Kristus inuk etno inim yig isil larikikseg fam, ik anggenma inuk Patmos etno lahap naharusama welatikik-o. Eke hit dahon hinobam umburuk etno hag, an dahon nobam umburusa-o. Ari halug, At Allah weregma welamu­hukon inim eke At Yesus Kristus inuk fam wene demat urukon etno inim hit ninim dambuksoho waruk ahe-o.

Wahyu 19:10

Ariroho yig nituk atisimu, eke anden nut wanduksoho wilil, malaikat etno obam sembahyang iug ulug sirikikmu, eke aren yig nituk wilil, “Eleg-o. Eke an hag hat inim, eke hat homini inim, eke it obog At Yesusen yig isebahon demat ulug eberoko warukon epmano inim, nit obog At Allah anggimbu-at welahe-o. Ari halug, haren At Allah obam-at sembahyang imihin-o,” ulug yig nitisi-o. Ariro­ho yig nitisi ari, At Yesusen yig isebahon etno demat ulug eberoko webag etno fam, it nabi aben Allah wene yig isebag-o.

Wahyu 22:9

Nut kunuk uruk atikikmu, eke aren yig nituk wilil, “Eleg-o. An hag, hat homini it nabi ap inim, it Allah wene inesanggo holtukon inim, nit obog Allah anggimbu-at wela­he-o. Allah akeleg-at obam sembahyang uruk amuk-o,” ulug yig nitisi-o.