Matius 23:5 - Allah Wene Hurumbik Keron

⁵ It epmano hag apheyen inilanggen nisawag ulug-at suruk-o. Eke inungguluag fam inim, eke ininggik so fam inim Allah wene obog-at wene baleg wereg oke, inilahoagma hele angge­on fam homahakeg, eke inasum atog yaron wanteheg suruk-o.

Matius 23:5 ပူးပေါင်းရင်းမြစ်များ

Matius 9:20

Laruk apagma, at hwe dua belas tahun amep waharuk apahon etno ombolim waharuk apareg, asum atog sen hebag.

Lukas 16:15

Ahunda yatuk apagma, At Yesusen yig isaruk wilil, “Hiren aphe inil fam nit fano ulug uruk ahebon oke, hinindi fam ebetuk ahebon epma At Allah iluk wereg-o. Eke it apheyen du suon ulug inahla burukon oke, At Allahen du ebe doron-at heheg uruk ulug ahla buruk-o.

Lukas 20:47

Eke it hweap suhweon epmano inabua iseheg eleg wilil, inibam muko wilip isalug, it imig sarukon oke, nit fano-o ulug aphe inil fam sembahyang yaron uruk-o. Ari halug, inebe oag deloko o dagma-at imbisahu-o,” ulug yig isebag.

Yohanes 12:43

Ariroho selegma eheg eleg-at welapag ari, it apheyen suontep nisahuk ari hag fano oke, At Allahen suontep nisahuk ari we hai neken at-o, ulug inahla buruk wilil ariroho welapag.

Yohanes 5:44

Eke ari halug, hit hit suontepatawon hinindi haruk ahebon oke, At Allahen suontep hisahukag ulug suruk ahep fug du, hit An nawene etno keroho eberoko welep-o?

Yohanes 7:18

Eke at ap misig onggareg ahla burukon etno-at yig isaruk ari, at ebe-at suontepatiog ulug suruk-o. Eke ap misig at lahap nabik waharision etno inuk-at suontepfukag ulug ahla buruk wilil surukon ari, indi seberoho wereg etno fam, enggal wene yig isaruk eleg-o.

Filipi 1:15

Eke at misihen an suon welaruhuken ulug winimug abeheg suruk wilil, At Kristus awene yig isil laruk oke, it ninen inobabut fano wilil yig isaruk-o.

Filipi 2:3

Eke hiren uruk wilil, an nebe suon-at welaruhuk-o, ulug hinonggarehen suontepataruk wilil, suruk am fug-o. Eke nomini du fano wereg heheg, an dag welahi-o ulug it hinomini inil fam seberepataruk amiek-o.

2 Tesalonika 2:4

Eke at ap dahon waruhuon etnowen it aphe Allah obam ebetukon epmano seberoho imbiseheg, eke du At Allah ulug urukon etno sohorep iseheg suruk wilil, an-at suon welahi-o ulug uruk aruhureg, eke At Allah ibamen minatuk wilil Allah nebe an-at welahi-o, ulug yig hisahu-o.