Matius 23:39 - Allah Wene Hurumbik Keron

³⁹ Eke hiren uruk wilil, ‘At Ninikni inuk fam waharukon du At Allah ahien obam umbukag-o,’ ulug awan uruk eleg hiseheg, nolohore neahup fug-o, ulug An demat yig hisihi-o,” ulug At Yesusen yig isebag.

Matius 23:39 ပူးပေါင်းရင်းမြစ်များ

Matius 21:9

At Yesus bulmu laruk heheg, it nin bilin, it nin fobik laruk wilil, inune suon ebag. Inune suon uruk wilil, “At Daud etamu du inuk suontepfuruk amuk-o. At Ninikni inuk fam wahaon du-at suontepfuk-o. At Allah akeleg-at alon faluk-o,” ulug inune suon il lebag.

Lukas 17:22

Yig isaruk apareg, eke fobik At omini epmano yig isaruk wilil, “Fobik An Allahen minduhup naharision etnowen surukon epmano ninilanggen hulen ulug uhubon oke, o ari sambit hahup fug-o.

Yohanes 14:19

Eke An nebe etno dot welatlug, it aphe kweanmon epmanowen neahup fug oke, hit hag hinilanggen neahup-o. Eke An niluk welaruhuk etno hag, hit ariroho-at hiniluk welamuhup-o.

Yohanes 14:9

Yig ituk apagma, At Yesusen yig ituk wilil, “Filipus wai, An ninggik anggolo-at hit ninim welatukukon oke, An nebe etno hapeleg atuken ehen ano? It yi aphe di aphe obog epmano An nebe inilanggen nearuk etno, An Nikni At inilanggen haruk-o. Ariroho harukon oke, eke haren Hat Hikni etno ninilanggen hulen yanggul nisimin ehen ari, keroho ulug ehen-o?

Yohanes 8:21

Eke fobik At Yesus etnowen yig isaruk wilil, “An nebe etno lahuk at-o. Eke An nebe lahukseg fam, hiren kema wereg ulug heag nabil lahubon oke, hit dag-at suruk amuhup etno fam waramuhup-o. Eke o An lahuk ambeg epma hit lao hai-o,” ulug yig isebag.

Yohanes 8:24

Ariroho wereg hisalug, Anden hit dag-at suruk amuhup etno fam waramuhup ulug yig hisihi-o. Eke hiren An nebe etno At ulug nobam ebet naptuk eleg hisalug, hiren dag-at suruk amuhup etno fam waramuhup-o,” ulug yig isebag.

Yohanes 8:56

Eke hit hinetamu Abraham etno An nebe farim endag aruhu ulug indi ebetuk wilil, ahien hebag-o,” ulug yig isebag.

Roma 11:25

Nomini-o, hit wene herahowon misig du hinapeleg welam ari haien yig hisamin-o. Ariroho yig hisamin ari hiren nit-at ninindi enggaron welahe-o, ulug hinahla buruk am nowen ulug yig hisamin-o. Ari halug, wene ebe yig hisaminon du at-o, it Israel ap inindi arikepataruson ari mondog mondog-at inindi arikepatarusa fug-o. Eke fobik it aphe bilin Allah wene inapeleg welatuson epmano demat ulug eberoko waruk amuhupmu, it Israel aphe obog-at inili wahu-o.