Matius 23:37 - Allah Wene Hurumbik Keron

³⁷ At Yesus etnowen uruk wilil, “Ae, hit Yerusalem ap hinabua-o. Hiren it nabi ap war inabeheg, eke it Allahen hinambeg lahap isa wapahon epmano helep fam war inabeheg suruk ahep-o. Eke at sue ayamen udaki aherabul fam balu inaplug seberoho apma imbisalug wereg etno hag, hit obog Anden balurep hisahalug ninggik sen hinaplug wilil heahi war hinabiog ulug sirikikon oke, hiren hinambit nearikip-o.

Matius 23:37 ပူးပေါင်းရင်းမြစ်များ

Matius 23:30

hiren uruk wilil, ‘O nit ninetamuki welapag epmano sambit nit welatlomen, iren it ap Allah wene yig isebahon war inapag etno hag niren solo fug-o,’

Matius 22:3

Ariroho suruk wilil, at omini epma­no ninim nulen wamag-o ulug at anggimbu epmano inayonggo aliek ulug lahap isebahon oke, it ap epmanowen esoho ninim nao ninam­bit-o, ulug bok apag-o.

Matius 5:12

Eke hit hinebe elegma, bilin ariroho it nabi ap etno mug inaplug lebag-o. Ari fam, hit hinindi seroho wilil, hinahien haruk amuk-o. Onggo boholmen suon-at og hisa­hu-o,” ulug yig isebag.

1 Tesalonika 2:15

Eke it Yahudi ap ari Ninowe Yesus etno inim, eke it nabi ap iron epmano inim war inabeheg, eke dahon etno nit ninobam embeheg, suruk atusareg fam, At Allah ahien isaruk eleg-o. Eke it aphe obog inim healeg wereg-o.

Matius 22:6

it ninen at anggimbu yonggo lahap isebahon etano sen inaptuk apareg, inenggali warep isalug, fobik mondog warep isebag-o.

Wahyu 17:6

Eke nin at hwe etnowen At Allah udaki inim, eke At Yesus une waru­kon epmano inim anggolo war inaptisireg inamep at inggikmu weregma harikik-o. Ariroho weregma haruk atikikseg, nakol hari­kik-o. Nakol haruk neyeheg, at malaikat etnowen yig nituk wi­lil,

Lukas 15:28

eke at amloho manggia etnowen asine haruk atisireg, ikni ibam etno kirisi fug-o. Keheg eleg selema weregma, at ikni etno ibamen wilik waharuk atisireg, yig ituk wilil, ‘Hat ninim kulug nulen-o,’ ulug yig itisi-o.

Matius 23:31

ulug ariroho uruk ahep ari, hiren nit it ap Allah wene yig isarukmu war inapahon epmano inetamuki-at welahe-o, ulug bukaltuk ahep-o.