Matius 23:23 - Allah Wene Hurumbik Keron

²³ Eke hit ap wene unde epmano inim, eke hit Farisi ap epmano inim hinenggal-at uruk ahep du hinabua-o. Hiren muwi inim, kurlu inim, orom engga inim nomalowon etno minggiroko Allah ake umburuk ahebon oke, wene duroho suruk amuk eke duroho suruk am fug ulug ebahon etno fam alem suon neken yig nisarukon ari hag hinesanggo holtuk ahep fug-o. Eke wene alem suon neken yig nisarukon ari, misig motoho surukon epmano inim, eke hinahmu isawon etno inim, eke demat urukon epmano inim, obog-at suruk ahep fug hisihi-o. Eke alem doron etno sohorep isao imbisalug, alem suon fanoroho surukon epmano inim-at selep ari fano oke,

Matius 23:23 ပူးပေါင်းရင်းမြစ်များ

Matius 12:7

Eke At Allah wene etno fam yig hisaruk wilil, ‘Yi wam di wam waroko An nake ulug umburukon etno namberaken suruk wilil oke, it inobabut fano welamon etno-at nindi welahi-o,’ ulug ebahon etno hit fanoroho hinindi ebetuk atlepmen, it nomini du dag suruk-o ulug winimug yig iselep fug-o.

Matius 23:13

Eke fobik At Yesusen yig isaruk wilil, “Hit wene unde etno inim, eke hit Farisi ap epmano inim hinenggal-at uruk ahep hinabua-o. Hit it aphe inil fam At Allah wereg ambeg kukon sok etno latuk ahebon oke, hit hinebe kuhup fug at-o. Eke hiren aphe kuog ulug surukon epmano kuk fug ulug winimug isaruk ahep hit wene unde epmano inim, eke hit Farisi ap epmano inim hinenggal-at uruk ahep du hinabua-o.

Matius 9:13

Eke Allah wene baleg etnowen yig hisaruk wilil, “Ap misihen wam waroko At Allah ake-at umburukon halug ari An nambit haruk wilil, ap misig indi seberoho werehon etno hag nindi haruk ahi-o,” ulug At Allahen ebahon ari hit hinebe lalihipseg, ebe keroho yig nisebag-o, ulug hinindi ebetuk amuk-o. Eke An nebe etno it aphe nit fano welahe-o ulug inindi yuhun-at werehon etno wol isiog ulug waharikik eleg-o. It dag surukon epmano hag wol inaptuk ariog ulug-at waharikik-o,” ulug yig isebag.

Lukas 11:42

Yig isaruk apareg, eke fobik yig isaruk wilil, “Hit Farisi ap du hinabua-o. Wam esap esetuk wilil, muwi inim, kurlu inim, orom engga inim minggiroko Allah ake ulug umburuk ahebon oke, hinindi At Allah hinim hunduhuk eleg wilil, fanoroho surukon etno suruk ahep fug hisihi-o. Eke Allah ake umbukon etno hinapeleg atuk eleg wilil, fanoroho surukon etno-at suruk am fano-o.

Lukas 18:12

Eke an hag nintul nantul ninggik birenam orom naruk ahi fug-o. Ariroho suruk wilil, naharek nomalowon etno Hat hake umburuk ahi-o,’ ulug at Farisi ap etno sembahyang ebag-o.