Matius 23:14 - Allah Wene Hurumbik Keron

¹⁴ It hweap suhweon epma inabua iseheg eleg wilil, inibam muko wilip isalug, hit imig saruk ahebon oke, nit fano-o ulug aphe inil fam sembahyang yaron uruk ahep-o. Ari halug, hinebe oag deloko o dagma-at hinombisahaku-o.

Matius 23:14 ပူးပေါင်းရင်းမြစ်များ

Matius 11:24

Eke At Alla­hen o in­aren baluhu ari sambit it Sodom aphe inabuaroho imbisa­ruk wi­lil, hit hag war hinabuhu-o, ulug yig hisihi ari hinindi ebetuk amiek-o,” ulug yig isebag.

Matius 23:13

Eke fobik At Yesusen yig isaruk wilil, “Hit wene unde etno inim, eke hit Farisi ap epmano inim hinenggal-at uruk ahep hinabua-o. Hit it aphe inil fam At Allah wereg ambeg kukon sok etno latuk ahebon oke, hit hinebe kuhup fug at-o. Eke hiren aphe kuog ulug surukon epmano kuk fug ulug winimug isaruk ahep hit wene unde epmano inim, eke hit Farisi ap epmano inim hinenggal-at uruk ahep du hinabua-o.

Matius 23:33

ulug yig isaruk apareg, eke fobik yig isaruk wilil, ‘Hit hinebe walo neken wilil, walo udaki neken welahebon du wai. Hiren nit o dagma ninombisahuk nowen ulug keroho ninili holalug wilip amuhuk buruk ahep-o?

Markus 12:40

Ariroho suruk wilil, it hweap suhweon epmano inibam kulug inaharek holeheg eke yamintal neken uruk wilil sembahyang yaron eheg, suruk ari fam inebe oag deloko o dagma-at imbisahu-o,” ulug yig isebag.

Lukas 12:48

Eke at anggimbu etno oweyen fikfag sukag ulug yanggul ituk elegma, dot dahan fahan suruk halug, yikangge we dorat waruhu-o. Eke at owe etnowen bilin ap misig aharek we dorat og iruhuon etno fobik oag og nimin ulug yig iruhu-o. Eke at owe etnowen aharek obog aso welamag ulug minduhupfuhureg, fobik at waharuk aruhureg, yabuk keroho sirikin ulug hinog wahu-o,” ulug At Yesusen yig isebag.

Lukas 20:47

Eke it hweap suhweon epmano inabua iseheg eleg wilil, inibam muko wilip isalug, it imig sarukon oke, nit fano-o ulug aphe inil fam sembahyang yaron uruk-o. Ari halug, inebe oag deloko o dagma-at imbisahu-o,” ulug yig isebag.

2 Timotius 3:6

Eke it aphe ariroho surukon ari, aphe inibam kuruk atlug, it hweap yuhun-at werehon epmano inapmarep isuog ulug suruk-o.

Titus 1:10

Eke it nin hag, inindimuen an suon ulug buruk wilil, an-at niluk-o, ulug yig iseheg, eke it aphe nin inindi kahaleheg suruk-o. Eke it bilin Yahudi ap wela­pahon epmano ariroho suruk-o.

Yakobus 3:1

Nomini-o, hit obohen, an ap yanggul isarukon welaruhuk ulug uk fug-o. It aphe werlekon hag inaren baluhu oke, nit ap yanggul isarukon etno hag fikfag ninaren baltuk aruhureg, hinog anggolo og ninabuhu oke, niren dahan fahan suruk aheon epmano niniluk-o.

2 Petrus 2:14

Eke it epmano hwe dahon inilag warukon etno-at suog ulug heahil nuruk-o. Heahil nuruk wilil, nintul nantul dag suk ulug inahla buruk-o. Inahla buruk wilil, bak yep suruk etno hag, iren aphe inindi elehen epmano dag sukag ulug inindi kahalik waharuk-o. Ariroho suruk wilil, inindi dag mondog-at wereg isalug, fobik At Allahen waramiek yig isahu-o.

2 Petrus 2:3

It epmano inonggarehen yi wene di wene inahla buhupseg, hit hinebe inapmarep hisaharuk amuhup-o. Inapmarep hisaharuk amuhubon oke, eke at oag del inaptukon etno iluk wilil, fobik mondog dagma-at imbisahu-o.