Matius 23:13 - Allah Wene Hurumbik Keron

¹³ Eke fobik At Yesusen yig isaruk wilil, “Hit wene unde etno inim, eke hit Farisi ap epmano inim hinenggal-at uruk ahep hinabua-o. Hit it aphe inil fam At Allah wereg ambeg kukon sok etno latuk ahebon oke, hit hinebe kuhup fug at-o. Eke hiren aphe kuog ulug surukon epmano kuk fug ulug winimug isaruk ahep hit wene unde epmano inim, eke hit Farisi ap epmano inim hinenggal-at uruk ahep du hinabua-o.

Matius 23:13 ပူးပေါင်းရင်းမြစ်များ

Matius 23:16

Hit hinilanggen bug wilil, aphe kwalem yanggul isaruk ahebon du hinabua-o. Hit at misihen o Allah ibam etno inuk fam demat suhuk ulug uruk halug, suhu ano eleg ano, aren at-o, ulug uruk ahebon oke, eke o Allah ibam epma emas werehon etno inuk fam suhuk uruk halug, demat sukag-o, ulug uruk ahep ari, hinindi eleg wilil, hinilanggen buhon-at welahep-o.

Matius 23:23

Eke hit ap wene unde epmano inim, eke hit Farisi ap epmano inim hinenggal-at uruk ahep du hinabua-o. Hiren muwi inim, kurlu inim, orom engga inim nomalowon etno minggiroko Allah ake umburuk ahebon oke, wene duroho suruk amuk eke duroho suruk am fug ulug ebahon etno fam alem suon neken yig nisarukon ari hag hinesanggo holtuk ahep fug-o. Eke wene alem suon neken yig nisarukon ari, misig motoho surukon epmano inim, eke hinahmu isawon etno inim, eke demat urukon epmano inim, obog-at suruk ahep fug hisihi-o. Eke alem doron etno sohorep isao imbisalug, alem suon fanoroho surukon epmano inim-at selep ari fano oke,

Matius 23:25

Eke hit ap wene unde epmano inim, eke hit Farisi ap epmano inim hinenggal-at uruk ahep du hinabua-o. Hit henaheserangge henahik oag hinayomag hinasohorluk ari ahap selema hag ho suruk ahebon oke, undama hiren diloko waruk ahebon epmano inim, eke hinobabut dahon suruk ahebon epmano inim obog-at kelegsoho wereg-o.

Matius 23:27

Eke hit ap wene unde epmano inim, eke hit Farisi ap epmano inim, hinenggal-at uruk ahep du hinabua-o. Ap warehon imbisaruk ambeg epmano inahelep selema fanoroho horohon wereg heheg, undama ap warehon inoag inim, eke inebe filik atukon inim wereg epmano hag,

Matius 23:29

At Yesusen yig isaruk wilil, “Hit ap wene unde epmano inim, eke hit Farisi ap epmano inim, hinenggal-at uruk ahep du hinabua-o. It nabi ap warapahon epmano inoag imbisebag ambeg hiren o suon-at faleheg, eke it ap inobabut fano welapahon iringgoko imbisaruk apag ambeg epmano fanoroho halepfeheg suruk atlug,

Matius 3:7

Eke ariroho ikma belap inaptuk weregma, it Farisi Saduki ap ang­go­lo inim ikma belap ninabukag ulug at ambeg waha­rukmu i­langgen isebareg, yig isaruk wilil, “Hit walo udaki du. At Allahen aphe dahon asine inobam imbisahu ambehen hite aliek ulug sen yig hisehek-o?

Lukas 11:52

eke fobik yig isaruk wilil, “Hit ap wene unde du hinabua-o. Eke o iniluk atuk ambeg etno sok hobog hit at senetuk ahebon oke, hinonggareg hinebe kuruk eleg wilil, it nin kuog ulug surukon epmano hag kuk nowen ulug suruk ahep-o,” ulug yig isebag.

Yohanes 9:22

It ikni isina etnowen ariroho yig isebag etno, it Yahudi ap inakolen yig isebag. Eke it Yahudi ap etnowen uruk wilil, “Ap misihen At Yesus ari Kristus at-o,” ulug uruk halug, niren o Allah wene uruk ambeg epmanowen wilipfuhuk-o, ulug wene balfag etno fam,

Yohanes 9:24

Yig isaruk apagma, it etnowen ininggik birenam at ap isina ahlen ilanggen buhon endag apahon etno ma ulug wol haruk apareg yig ituk wilil, “Hat At Allah il fam demat ihi ulug in-o. Ap hat fano habehekon ari obabut dag surukon nit niniluk-o,” ulug yig epag.

Yohanes 9:34

Ariroho yig isaruk apagma, iren onggo yig ituk wilil, “Hat hebe bilin hikni hisina hinim dag-at suruk wilil endag atuk senahon etno hanggog atikinteg, haren nit yanggul nisiog ulug suruk ahen ano?” ulug yig isaruk apareg, o Allah wene uruk ambeg epmanowen muko wilipfebag.

Kisah Para Rasul 13:8

at Bar Yesus inuk it Yunani inune fam Elimas soalfahon etnowen iren wene ebahon etno seberoho embebag. Seberoho umburuk apareg, it inowe Sergius Paulus etno Allah wene wa nowen ulug inune sahalfag.

Kisah Para Rasul 5:28

“At Yesus inuk fam aphe yig isa fug-o, ulug hinesanggo watukukon oke, eke hiren wene etno obog o Yerusalemen yig isaruk wilil, At Yesus etno it imam aben-at watusa-o, ulug yig isarikip-o,” ulug hinog og inaptuk apagma,

Kisah Para Rasul 5:40

it mondep isebahon epmano maniek ulug wol isaruk apareg, yig isaruk wilil, “Hit At Yesus inuk fam wene aphe obog yig isa fug-o,” ulug yig isaruk apareg, yikangge waroko sohorep isebag.

Kisah Para Rasul 8:1

Waratuk apagma, eke at Saulus etnowen fano warehesa-o ulug ahla bebag. Eke at Stefanus etno waratuk apagma,

2 Timotius 3:8

Eke o amuk it Yanes Yambres etanowen at Musaen ebahon etno ninambit-o ulug seberepfebag etno hag, kidia it ap inindi elehon epmano wene demat urukon etno inapeleg wilil, wene etno ninambit-o ulug seberepfuruk-o.

2 Timotius 4:15

Eke at ap etnowen niren wene yig isarukukon etno mondog nambit irisi halug, hat hag at ebe yaharoho welaruhun-o.