Matius 22:42 - Allah Wene Hurumbik Keron

⁴² “Hit At Kristus etno farim keroho hinahla buruk ahep-o? Eke At ebe etno sa etamu wereg ulug hinahla buruk ahep-o?” ulug yig isaruk apagma, eke it epmanowen yig ituk wilil, “At ebe Daud etamu-at wereg ulug ninahla buruk ahe-o,” ulug yig epag.

Matius 22:42 ပူးပေါင်းရင်းမြစ်များ

Matius 1:1

At Yesus Kristus, Abraham Daud etamu etno, At etamuki umbiasi welapahon ininuk du at-o.

Matius 14:33

Eleg atuk apagma, eke At Yesus omini epmanowen obam sembahyang uruk wilil, “Hat hebe Allah Amloho demat welahen heyehe-o,” ulug yig epag.

Matius 21:9

At Yesus bulmu laruk heheg, it nin bilin, it nin fobik laruk wilil, inune suon ebag. Inune suon uruk wilil, “At Daud etamu du inuk suontepfuruk amuk-o. At Ninikni inuk fam wahaon du-at suontepfuk-o. At Allah akeleg-at alon faluk-o,” ulug inune suon il lebag.

Matius 22:43

Yig ituk apagma, eke At Yesusen yig isaruk wilil, “Ariroho hinahla buruk ahebon oke, eke At Roh Kudus etnowen Daud yig itukmu, aren At Kristus farim Nowe suon ebag ari, keroho ulug ebag buruk ahep-o? At Daud etnowen yig isaruk wilil,

Matius 9:27

O etnowen wilip atuk apareg larukmu, it ap biren inilanggen buhon etano mutlug laruk apareg, inune suon-at yig ituk wilil, “Hat Daud etamu duen nit hahmu nisimin-o,” ulug yig epag.

Yohanes 1:49

Yig ituk apagma, eke at Natanael etnowen yig ituk wilil, “Ninowe yanggul nisarukon wai, Hat At Allah Amloho-at welahen hiyihi-o. Ari fam nit Israel ap Ninowe suon-at welahen hiyihi-o,” ulug yig epag.

Yohanes 20:28

Yig ituk apagma, at Tomas etnowen yig ituk wilil, “Hat Nowe, Allah-at welahen hiyihi-o,” ulug yig epag.

Kolose 3:11

Inobabut ketoho imbisarukon etno, it ap bilin Allah wene inapeleg welatuson inim, eke it Yahudi ap inim, it iniyunggul ambilik balehon etno inim, eke baleg elehon inim, it Barbar ap epmano inim, eke it Skit ap epmano inim, ari it aphe inune ninilukon epmano inim, eke inune ninapelehon epmano inim, eke ap suon inim, eke ap kimbu inim, it obog-at Kristus inim wilil, inebe misig-at inindi hunduhuk wereg-o.