Matius 22:31 - Allah Wene Hurumbik Keron

³¹ Eke alem it warehon iniluksoho minamon etno farim kidia yig hisamin-o. Ari halug, hit At Allahen wene yig hisebahon etno wane suruk ahep fug ano? At Allahen uruk wilil,

Matius 22:31 ပူးပေါင်းရင်းမြစ်များ

Matius 12:3

Yig ituk apagma, eke At Yesusen yig isaruk wilil, “At Daud etno omini inim orom obok heheg wilil sebahon etno wene baleg wereg etna wanesirikip fug ano?

Matius 12:7

Eke At Allah wene etno fam yig hisaruk wilil, ‘Yi wam di wam waroko An nake ulug umburukon etno namberaken suruk wilil oke, it inobabut fano welamon etno-at nindi welahi-o,’ ulug ebahon etno hit fanoroho hinindi ebetuk atlepmen, it nomini du dag suruk-o ulug winimug yig iselep fug-o.

Matius 21:16

Inambit haruk apareg, At Yesus etnowen yig isaruk wilil, “It udag duen urukon du Hat hesanggo holtuk ahen ano?” ulug yig epag. Ariroho yig ituk apagma, At Yesus etnowen yig isaruk wilil, “An arat nesanggo holihi-o. Ariroho holihion oke, eke wene misig du, ‘It udag dot inanggohon etno inim, eke it udag fuangge etno inimen An ninuk suontepfukag ulug yanggul isarikin-o,’ ulug wene ebahon etno wane sirikip fureg uruk ahep ano?” ulug yig isebag.

Matius 21:42

Yig ituk apagma, eke At Yesusen yig isaruk wilil, “Hit Alkitab wene baleg du wane sirikip fureg uruk ahep ano? Alkitab wene baleg etnowen yig nisaruk wilil, ‘It o faltukon etnowen helep du dahon-o, ulug sohorep isebahon etno fobik at misihen o isin neken-at lahapfebag-o. Eke At Ninikni inuk suon etnowen ariroho lahapfebag etno fam, ninilanggen halug fog suruk ahe-o,’ ulug ebahon wene baleg fam wereg etna hiniluk-o.

Matius 22:30

Eke fobik it warehon epmano iniluksoho minatuk amuhupseg, inebe malaikat boholma werehon epmano ilitoho wilil, aben hwe wahup fug-o, eke it hweaben ap wahup fug-o.

Matius 22:32

‘At Abraham Ikni An at-o. Eke at Ishak Ikni An at-o. Eke at Yakub Ikni An at-o,’ ulug yig epahon etno fam alem du niniluk atuk-o. At Allah ari aphe iniluk werehon epmano Inikni-at wereg-o. Eke it waratukon epmano hag Inikni eleg-o,” ulug yig isebag.

Matius 9:13

Eke Allah wene baleg etnowen yig hisaruk wilil, “Ap misihen wam waroko At Allah ake-at umburukon halug ari An nambit haruk wilil, ap misig indi seberoho werehon etno hag nindi haruk ahi-o,” ulug At Allahen ebahon ari hit hinebe lalihipseg, ebe keroho yig nisebag-o, ulug hinindi ebetuk amuk-o. Eke An nebe etno it aphe nit fano welahe-o ulug inindi yuhun-at werehon etno wol isiog ulug waharikik eleg-o. It dag surukon epmano hag wol inaptuk ariog ulug-at waharikik-o,” ulug yig isebag.