Matius 22:30 - Allah Wene Hurumbik Keron

³⁰ Eke fobik it warehon epmano iniluksoho minatuk amuhupseg, inebe malaikat boholma werehon epmano ilitoho wilil, aben hwe wahup fug-o, eke it hweaben ap wahup fug-o.

Matius 22:30 ပူးပေါင်းရင်းမြစ်များ

Matius 13:43

Epma imbisaruk amuhupmu, eke it Allah udaki etno inolohore mo neken yatuk wilil, Inikni wereg ambeg epma inim wilil initog mondog welamuhup-o. Eke hit hinesanggo wereg halug, wene ari fanoroho holtuk amiek-o,” ulug At Yesusen yig isebag.

Matius 18:10

At Yesus etnowen yig isaruk wilil, “An nudaki doron epmano misig hinambit haruk wilil, kimburepfuk fug-o. Eke inomalaikat ari nintul nantul Nikni inim boholma wereg-o ulug An demat yig hisaruk ahi-o.

Matius 22:31

Eke alem it warehon iniluksoho minamon etno farim kidia yig hisamin-o. Ari halug, hit At Allahen wene yig hisebahon etno wane suruk ahep fug ano? At Allahen uruk wilil,

Matius 24:38

It bilin ik suon etnowen awan war inaptuk eleg heheg, it aphe epmano inaharom nenggeg, inahik nenggeg, eke it aben hwe holeheg nintul nantul suruk apagma, at Nuh etno aren so falfahon etno fam kebag-o.

Lukas 17:27

Eke amuk at Nuh weregma, it apheyen ik orom nenggeg, eke it aben hwe holeheg, nintul nantul suruk apagma, at Nuh etno aren so falfahon etno fam kebag-o. Kebareg fam, fobik ik suon etno waharuk wilil, it aphe obog war inapag-o.

Wahyu 19:10

Ariroho yig nituk atisimu, eke anden nut wanduksoho wilil, malaikat etno obam sembahyang iug ulug sirikikmu, eke aren yig nituk wilil, “Eleg-o. Eke an hag hat inim, eke hat homini inim, eke it obog At Yesusen yig isebahon demat ulug eberoko warukon epmano inim, nit obog At Allah anggimbu-at welahe-o. Ari halug, haren At Allah obam-at sembahyang imihin-o,” ulug yig nitisi-o. Ariro­ho yig nitisi ari, At Yesusen yig isebahon etno demat ulug eberoko webag etno fam, it nabi aben Allah wene yig isebag-o.