Matius 22:3 - Allah Wene Hurumbik Keron

³ Ariroho suruk wilil, at omini epma­no ninim nulen wamag-o ulug at anggimbu epmano inayonggo aliek ulug lahap isebahon oke, it ap epmanowen esoho ninim nao ninam­bit-o, ulug bok apag-o.

Matius 22:3 ပူးပေါင်းရင်းမြစ်များ

Matius 21:34

Laruk apareg epmano weregma, e anggur anggen i yapahon etno wirik apareg fam, at anggimbu etno balik lawag ulug it at eyabuk waruk apahon etno inambeg lahabik wapag.

Matius 23:37

At Yesus etnowen uruk wilil, “Ae, hit Yerusalem ap hinabua-o. Hiren it nabi ap war inabeheg, eke it Allahen hinambeg lahap isa wapahon epmano helep fam war inabeheg suruk ahep-o. Eke at sue ayamen udaki aherabul fam balu inaplug seberoho apma imbisalug wereg etno hag, hit obog Anden balurep hisahalug ninggik sen hinaplug wilil heahi war hinabiog ulug sirikikon oke, hiren hinambit nearikip-o.

Matius 3:2

Yig isaruk wilil, “Hit dag suruk atikibon ep­mano soho­rep isalug, hinindi wereg amiek­-o. At Allah bo­holmen sukon et­no horog fanggog ik waha-o,” ulug yig isaruk apag.

Matius 9:15

At Yesusen yig isaruk wilil, “Ap misihen hwe warision omini inim waharuson epmano inim wilil, inindi dag atuk buruk ahep ano? Ari eleg-o. Eke fobik at hwe holarision etno walug laruk aruhumu, omini inim waharuson epmano orom nenggeg eleg-at bok welamuhup-o.

Lukas 13:34

Ae, hit Yerusalem ap du hinabua-o. Hiren it nabi ap wene urukon war inabeheg, eke it Allahen hinambeg lahap isa wapahon epmano helep fam war inabeheg suruk ahep-o. Eke at sue ayamen udaki aherabul apma balu inaplug seberoho wereg etno hag, hit obog Anden balurep hisahalug, ninggik sen hinapsug wilil heahi war hinabiog ulug sirikikon oke, hiren hinambit nearikip-o.

Lukas 15:28

eke at amloho manggia etnowen asine haruk atisireg, ikni ibam etno kirisi fug-o. Keheg eleg selema weregma, at ikni etno ibamen wilik waharuk atisireg, yig ituk wilil, ‘Hat ninim kulug nulen-o,’ ulug yig itisi-o.

Lukas 19:27

Eke misig ari, amuk it ninim healeg welatukukon epmanowen ap du nit ninowe welam ninambit-o, ulug uruson epmano inebe og inaplug an wereg ambeg dumen war inabiuk-o,’ ” ulug yig isebahon etno At Yesusen it obog yig isaruk apag.

Yohanes 5:40

hiniluk welamon etno holawon oke, An nambeg wamon hinambit-o,” ulug yig isebag.

Kisah Para Rasul 13:45

Wonggalik waharuk apagma, it Yahudi aben inilanggen isaruk apareg, inambit isaruk wilil, at Paulusen ebahon etno, “Enggal ehek-o,” ulug yig isaruk apareg, at Paulus etno enggali wapag.

Roma 10:21

ulug Allah wene ariroho yig isaruk apareg, eke fobik it Israel aphe inawene etno yig isaruk wilil, “It aphe epmano inesanggo holtuk eleg wilil, wene onggo yig nitukon etno oke iniknien neken nintul nantul-at hambog inabiog ulug suruk atikik-o,” ulug yig isebag.

Ibrani 12:25

Ari halug, hit hinobabut fikfag wilil, At wene urukon etno une hinambit ha fug-o. Eke ap misig bilin Allah wene o kweanma dumen yig isarukmu, une inesanggo holtuk wilil, inambit haruk apahon epmano hite wilip amuog ulug sebahon oke, hai apag-o. Ari ilitoho nit At boholmen une yig nisarukon etno ninesanggo holuk sohorep isalug, ninolohore wilip amuhuk halug, nit ariroho-at hite wilip amulen ulug suhukon oke hai aruhu-o.

Ibrani 9:15

Ariroho ninombisaharuk ari, nit At Allahen wol nisarision etno At Allahen yig nisaruk wilil, “Yi angge di angge fanowon epmano inim, hiniluk mondog welamon etno inim og hisahuk-o,” ulug abug yig nisebahon etno holawag ulug, At Kristus etnowen wene keron etno yig nisaruk wilil, At Allah ninim dambuksoho ninombisaharuk-o. Eke it aphe nin wene hurumbik bilinon etno yig isaruk heheg, dag suruk apahon epmano ap misig waratuk wilil inonggo embebareg fam, At Allah inim dambuksoho imbisaruk-o.

Wahyu 22:17

Uruk atisimu, At Roh Kudus etno inim, eke At Allah udaki epmano inimen, “Hat Yesus dulum manu-o,” ulug urusa-o. Iren urusa etno hag, hit hinesanggo holtuk ahebon halug hinim-at, “Dulum manu-o,” ulug uruk amuk-o. Eke hit ik ilukon etno obok haruk ahebon halug, manu-o. Hinindi ebetlug ik ilukon etno werlek-at holao fano at-o.