Matius 22:18 - Allah Wene Hurumbik Keron

¹⁸ At Yesus etnowen it inobabut dag surukon iluk atuk apareg, yig isaruk wilil, “Hit ap hinenggal-at uruk ahebon du wai. An keroho ulug nindi kahaluog ulug uruk ahep-o?

Matius 22:18 ပူးပေါင်းရင်းမြစ်များ

Matius 12:15

Iren wabuhuk ulug ebahon etno At Yesus esanggo holtuk apareg, o etno sohorep isalug, o misig lebag. Laruk apagma, it aphe anggolo-at mutlug lebag. Mutlug laruk apagma, it aphe uk warehon epmano obog-at fano inapag.

Matius 19:3

Fano inaptukmu, it Farisi ap nin At ambeg waharuk apareg, Aren baluog ulug hinog waruk wilil, “Wene duroho suruk amuk eke duroho suruk am fug ulug ebahon etno wereg heheg, ap misig alem yi angge di angge farim uhwe amberaken sohorep isao ari fano ano dag ano?” ulug yig ituk apagma,

Matius 22:17

Ari halug, Hat hahla buruk ahenon etno nit yig nisimin-o. Eke nit wene duroho suruk amuk eke duroho suruk am fug ulug yig nisebahon etno wereg heheg, it Roma ap inowe suon Kaisar etnowen uang anggen og nimiek-o ulug kino uruk halug, og um ari fano ano dag ano?” ulug ambeg hinog waruk apagma,

Matius 22:19

Ari halug, uang anggen og umon misig unug nimiek-o,” ulug yig isebag. Yig isaruk apagma, iren uang anggen misig honanggoko og irik wapag.

Markus 12:5

Enggali warepfulug weregma, eke fobik misig lahabik wapahon etno mondog-at wapag-o. Mondog-at warepfuruk apagma, it obog lahap isebahon epmano it nin minggiroko yikangge inuseheg, nin sohorep iseheg, nin mondog inuseheg sebag-o.

Markus 2:8

At Yesus etnowen enggag isaruk apareg, yig isaruk wilil, “Hit keroho ulug ariroho hinahla buruk ahep-o?

Lukas 10:25

Eke fobik at ap wene holal baleg unde misig waharuk apareg, At Yesus enggali wariog ulug yig ituk wilil, “Ninowe yanggul nisarukon wai, an niniluk welamon etno waminen keroho sik-o?” ulug hinog waruk apagma,

Lukas 20:23

At etnowen inenggal neken yig nerehesa hihi-o, ulug ahla buruk apareg, yig isaruk wilil, “Uang anggen misig unug nirik maniek-o.

Lukas 5:22

Ulug ariroho inahla buruk weregma, At Yesus etnowen ilanggen isaruk apareg, yig isaruk wilil, “Hit keroho ulug ariroho hinahla buruk ahep-o?

Lukas 9:47

At Yesusen it inahla bebahon epmano obog At iluk wilil, udag doron misig inggik senoko apma minduhupfuruk apareg,

Yohanes 2:25

Ariroho ahla beheg eleg weregma, it ninen aphe inobabut duroho wereg ulug yig um hai atuken yig ereheg eleg-at welapag. Ariroho wereg heheg, At Yesus akeleg-at it yi aphe di aphe inahla burukon etno obog-at iluk welapag-o.

Yohanes 8:6

Ariroho yig epag ari, At obam denggeluhuken ulug inahla buruk wilil, indi kahaluog ulug yig epag. Ariroho yig ituk apagma, At Yesus etno olohore wanduk uruk apareg, inggik dum fam kweanma holal balfag.

Kisah Para Rasul 5:9

at Petrus etnowen yig ituk wilil, “Hit At Allah Roh Kudus etno keroho ulug dahapsik wahep-o?” ulug yig ituk apareg, “Ap hat hahun kweanma salepfik laheson etno hat inim-at wilip habuog ulug olma wereg-o,” ulug yig ituk apagma,

Wahyu 2:23

Ariroho suruk wilil at udaki inim-at war inaptuk aruhukmu, it aphe jemaat obohen At Kristus it aphe inindien inahla bulug surukon epmano iluk at-o, ulug inahla bu­hup-o. Eke hiren suruk atikibon epmano onggo ilitoho-at og hisahuk-o.