Matius 22:17 - Allah Wene Hurumbik Keron

¹⁷ Ari halug, Hat hahla buruk ahenon etno nit yig nisimin-o. Eke nit wene duroho suruk amuk eke duroho suruk am fug ulug yig nisebahon etno wereg heheg, it Roma ap inowe suon Kaisar etnowen uang anggen og nimiek-o ulug kino uruk halug, og um ari fano ano dag ano?” ulug ambeg hinog waruk apagma,

Matius 22:17 ပူးပေါင်းရင်းမြစ်များ

Matius 17:25

“Onggo umburuk at-o,” ulug yig epag. Yig ituk apareg, at Petrus etno uma kebag. Kuruk apagma, At Yesusen yig ituk wilil, “Simon wai, haren nin yanggul nimin-o. It kweanma inowesi suon epmano sandehen onggo og isaruk ulug buruk ahen? It ini werehonen og isaruk buruk ahen ano, eke it husowonen og isaruk buruk ahen ano?” ulug yig ituk apagma,

Matius 22:18

At Yesus etnowen it inobabut dag surukon iluk atuk apareg, yig isaruk wilil, “Hit ap hinenggal-at uruk ahebon du wai. An keroho ulug nindi kahaluog ulug uruk ahep-o?

Lukas 2:1

Nin eke ap suon misig inuk Kaisar Agustus etnowen aphe obog ininuk holal fam umbulug inebe wane inabukag ulug wene yig isebag.

Lukas 20:22

Ari halug, at Kaisar inowe inuk suon etnowen uang anggen og nimiek-o ulug uruk halug, og imuk ano, sohorep isuk ano, Haren yig nisimin-o,” ulug yig ituk apagma,

Lukas 3:1

Eke fobik at Kaisar Tiberius etno inikni suon wilil lima belas tahun welapareg fam, at Pontius Pilatus etno it Yahudi ap inowe welapag. Eke at Herodes etno it Galilea ap inowe welapag. Eke at Herodes ot Filipus etno o Iturea Trakhonitis inowe welapag. Eke at Lisanias o Abilene inowe welapag.

Kisah Para Rasul 17:7

at Yasonen ninim nohulen ulug wol inaptisimu inim welatusa. Inim welatuson etanowen-at Kaisar une sahaltuk wilil nit Ninowe ari Yesus at-o ulug uruk-o,” ulug yig isaruk atusama,

Kisah Para Rasul 25:8

Yig ituk atusama, at Paulusen wene onggo yig isaruk wilil, “An it Yahudi aben wene duroho suruk amuk eke duroho suruk am fug ulug ebahon etno inim, eke o Allah ibam etno inim, eke it Roma ap inowe Kaisar etno inim dag seko imbisiog ulug sirikik fug-o,” ulug yig isarisi.

Kisah Para Rasul 28:22

hit aphe Yesus wene waruk ahebon epmano o ahik ya daen holtuk eleg isalug, wene ari atog yig nisahun-o,” ulug it Yahudi aben at Paulus etno yig itusa.

Kisah Para Rasul 5:37

Eke fobik aphe ininuk hinog oko wene holal baltil larukmu, At Yudas Galilea ap etno waharuk apagma, omini anggolo mutlug lebag, laruk apagma, at ebe watuk wilil, omini epmano obog muko wilip isebag.