Matius 22:13 - Allah Wene Hurumbik Keron

¹³ Ariroho weregma, at inowe suon etnowen it anggimbu epmano yig isaruk wilil, ‘Ap ari inggik iog hele waroko ebe selema o hik ambeg epma wilipfiek-o. It inebe o epmen ioba yatuk wilil, inayeg kilit matuk amuhup-o,’ ” ulug at inowe etnowen yig isebahon etno At Yesusen yig isebag.

Matius 22:13 ပူးပေါင်းရင်းမြစ်များ

Matius 12:29

Eke at ap oag werehon ibam unde etno ilanggen wereg heheg, Aren angge wak kuk hai-o. Ap etno hele waroko umbulug-at it ap ninen aren angge herako walug wilip atuk-o.

Matius 13:30

Gandum inim, hohol inim ilitoho suon-at wilip amag-o. Eke fobik anggen baluhuk etno sambit weregma, it baltukon etno yig isahuk-o, hiren gandum etno anggen baluog ulug bilin hohol du dag lisoko waruk amuhupseg, hondok yalukag ulug hele keraloko umburuk amuhup-o. Keraloko umburuk amuhupseg, gandum anggen fanowon etno baloko an weregma anggen umburuk ambeg epmano umbuhup-o,’ ulug at ap yabuk unde wereg etnowen anggimbu epmano yig isebahon etno,” At Yesusen yanggul isebag.

Matius 13:42

o hondok olokma ioba yatuk wilil inayeg kilit matuk ambeg epma imbisahup-o.

Matius 13:50

it inobabut dag surukon epmano o hondok olokma imbisaruk amuhupmu, epmen ioba yatuk wilil, inayeg kilit matuk amuhup-o,” ulug At Yesusen yig isebag.

Matius 24:51

Waharuk aruhureg, at ikni etnowen it ap inenggal urukon epmano oag deloko selema imbisaruk etno hag, anggimbu dahon etno oag deloko warepfik waruhu-o, warepfik waharuk aruhumu, at etno oloken ioba yatuk wilil, ayeg kilit matuk aruhu-o,” ulug yig isebag.

Matius 25:30

Eke at nanggimbu ebe urunangge du, ebe o selema hik ambeg epma-at wilipfiek-o. At ebe o epmen oloken ioba yatuk wilil, ayeg kilit matuk aruhu-o,’ ulug yig isebahon epmano arat yig hisihi-o,” ulug At Yesusen yig isebag.

Matius 8:12

It epmano boholma welamuhup-at oke, eke it nin At Allah weregma inim welatlebon oke At obam ebetuk eleg etno fam o hikmu epmano hik isaruk aruhumu, epmen ioba yareheg, inayeg kilit mareheg suruk wilil welamuhup-o,” ulug yig isebag.

Lukas 13:28

Eke fobik it Abraham, Ishak, Yakub inim, eke it nabi ap obog inim At Allah ibam weregma hinilanggen isaruk amuhupseg, nit at selema welahe-o, ulug ioba yatuk wilil hinayeg kilit matuk amuhup-o.

Yohanes 21:18

Ari halug, Anden wene demat uruk amon etno kidia yig hisamin-o, hat hebe elege wilil, haserlog honggarehen-at ilunggun wataruk wilil, lamin ulug hahla buruk ambeg-at laruk atikin-o. Ariroho suruk atikinon oke, fobik sabal atuk aruhunteg, hinggik sikseg wereg healug, ap misihen hinggik hele waroko o misig lamin buhun fug ambeg-at hombahik lahu-o,” ulug yig epag.

Kisah Para Rasul 21:11

Ninambeg waharuk atisireg, at Paulus aserlog holaruk atisireg, inggik iog homag sarisi. Homag saruk atisireg yig isaruk wilil, “An At Roh Kudusen yig nituk-o. Ap aserlog du unde etno anden niog homag sihi du ilitoho, fobik it Yahudi aben o Yerusalemen hele waroko it ap Allah wene inapelehon epmano og isahup-o,” ulug yig nisaruk atisimu,

Kisah Para Rasul 7:54

Eke it Yahudi ap inowesi suon epmano at Stefanusen yig isarukmu inesanggo holtuk apareg, inasineyen inayeg kilit matuk wilil, inambit haruk apag.

2 Tesalonika 1:9

Imbisaruk amuhupmu, it epmano epma wilil, it At Allah olohore halug eleg At suon oag werehon etno inim welamuhup fug-o.

2 Petrus 2:17

Eke it aphe dag surukon epmano bun ele balegma ik firig atukon neken wereg-o. Eke nin, orom filikon hik isarukon neken wereg-o. Ariroho weregma, At Allahen fobik o dagma epma imbisiog ulug ahla buruk-o.

2 Petrus 2:4

Eke o amuk it malaikat dahon epmano At Allah sohorep isalug, inakeleg lebahon etno At Allahen fobik oag del inabuhuken ulug hele waroko o dagma imbisebag-o.

Yudas 1:13

Ik ulu suon urukmu, ebe wereg buruk ahe etno hag it ap etno wereg-o. It ap epmano soholoal da sulug larukmu bule ambik waharuk etno hag, At Allahen hondok olokma lahap isawon ulug wereg-o.

Yudas 1:6

Eke misig du wereg-o. It malaikat epmano At Allah inuk sohorep isalug, it inibam wilip apagma, At Allah oag deloko imbisahuk ulug hele waroko o hikmu imbisebahon wereg-o.

Wahyu 21:27

yi angge di angge sabele werehon inim, eke yi aphe di aphe dag suruk wilil ineng­gal urukon inim o etno kurusa fug-o. It dag surukon ari o keron etno fam keheg eleg weregma, it iniluk welamon holal baleg At Wam Domba Udahen angge etno fam ininuk werehon halug o etno kuruk atusa-o.