Matius 22:11 - Allah Wene Hurumbik Keron

¹¹ Keleg atuk apagma, it inowe suon etno it ap esoho ninim nulen ulug kik wapahon epmano bik isa waharuk apag, it aphe nin hwe onggo waruk ambeg epmanowen esoho nuog ulug inasum fanowon-at wantebahon oke, at ap misig hag asum dahon-at wantegma ilanggen hebag-o.

Matius 22:11 ပူးပေါင်းရင်းမြစ်များ

Wahyu 19:8

Eke it At udaki epmano yi angge di angge fanoroho surusa ulug inasum huluon-at wantehesa,” ulug urusa-o.

Efesus 4:24

Ariroho suruk wilil, hinobabut keron-at holao ari fano-o. Eke hinobabut keron ari At Allah ilitoho walteg wilil, yi angge di angge fanoroho seheg, eke hinindi motoho welaheg suruk amuk-o.

2 Korintus 5:3

Eke ninibam boholmon epmano arat og nisaruk halug, ninebe elehon neken welamuhuk fug-o.

Roma 13:14

Eke At Ninowe Yesus Kristusen angge etno hinasehen hinasing neken wantalug wilil, hit hinebe kweanmon etnowen dahan fahan suk ulug hinahla bulug surukon etno hinesanggo holtug eleg ilitoho suk fug-o.

Wahyu 16:15

Eke hit hine­san­ggo fanoroho holtuk amiek-o. Ap inalomnangge her­aharukon hera­ko waharuk etno hag, hetnogsoho waruhuk-o. Eke it aphe nohoruk elehon inasum yaharoho werehon etno inahien suhup-o. Ariroho suhup ari fam, fobik ineabie wilil selemen inengga­li hahup fug-o.

Wahyu 3:18

Ari halug, hiren suruk amag ulug yig hisamin-o, hina­harek epmano wereg amag ulug emas olohore fanowon etno onggo bal simiek-o. Eke hinebe hineabie-at wilil hinenggali haruk ahebon etno eleg amag ulug hinasum huluon onggo bal salug wan simiek-o. Eke hinilanggen buhon ari fenggen amag ulug, minyak ambusu etno onggo bal salug are simiek-o.

Wahyu 2:23

Ariroho suruk wilil at udaki inim-at war inaptuk aruhukmu, it aphe jemaat obohen At Kristus it aphe inindien inahla bulug surukon epmano iluk at-o, ulug inahla bu­hup-o. Eke hiren suruk atikibon epmano onggo ilitoho-at og hisahuk-o.

Galatia 3:27

Eke hit hinebe At Kristus hinim welamag ulug ikma belap hinaptusareg fam, At Kristus obabut fanowon etno holarikip-o.

1 Korintus 4:5

Eke hit At Ninowe inuk suon awan waharuk eleg heheg, hiren aphe inoag del inabuk fug-o. Eke At Ninowe inuk suon etno o ari sambit waharuk aruhureg, o hubanggo neken werehon etno selegma embeheg, eke it aphe inindimuen herako ebetukon epmano selegmaroho imbiseheg suhu-o. Ariroho suruk aruhureg, At Allahen o ari sambit aphe inakeleg inakeleg ininuk suontep isahu-o.

Roma 3:22

it apheyen inindi At Yesus Kristus obam ebetuk isalug, At Allahen it alem dahon inobam werehon epmano elehepfuruk-o. Eke it yi aphe di aphe obog At Kristus obam ebetuk isalug, At Allahen alem dahon etno ilitoho-at elehep isaruk-o. Ariroho suruk wilil, at misig alem dahon obam werehon epmano elehepfeheg, eke at misig sohorep iseheg suruk eleg-o.

Matius 13:30

Gandum inim, hohol inim ilitoho suon-at wilip amag-o. Eke fobik anggen baluhuk etno sambit weregma, it baltukon etno yig isahuk-o, hiren gandum etno anggen baluog ulug bilin hohol du dag lisoko waruk amuhupseg, hondok yalukag ulug hele keraloko umburuk amuhup-o. Keraloko umburuk amuhupseg, gandum anggen fanowon etno baloko an weregma anggen umburuk ambeg epmano umbuhup-o,’ ulug at ap yabuk unde wereg etnowen anggimbu epmano yig isebahon etno,” At Yesusen yanggul isebag.

Matius 3:12

Eke At etno waruhureg, anggen baltu­kon ing­gikmu walug waruhu-o. Walug waruhureg, asin watuk ambeg epmanowen ho suhu-o. Ebe fanowon halug, Aren ang­gema umbu­hu-o, eke asin ahap halug hondok nangguk atuk eleg ambeg epmano imbisa­hu-o,” ulug yig isaruk apag.

Matius 22:10

it at anggimbu etno kwalem suon laruk apareg, it yi aphe di aphe heag inapahon epmano obog-at dahon fanowon inim wonggalep isaruk apagma, o hwe onggo waruk wilil esoho esepag ambeg suon etno aphe inebe mondog keleg apag-o.