Matius 21:44 - Allah Wene Hurumbik Keron

⁴⁴ Eke it obog helep o isin neken werehon etno famen bule amburuk isalug, inebe mondog-at libiloko watahup-o. Eke helep etno satnog waharuk wilil, at misig sebe suhu halug, mondog-at wararuhu-o,” ulug At Yesusen yig isebag.

Matius 21:44 ပူးပေါင်းရင်းမြစ်များ

Matius 21:43

Ari halug, An wene misig yig hisamin-o. Hit At Allah wereg ambeg kukon etno og hiselebon oke, suhuluk holahu-o. Holaruk aruhureg, it aphe anggen fano yihikubon etno hag og isahu-o.

Matius 21:45

Yig isaruk apagma, it ap Allah unde suon etno inim, eke it Farisi ap etno inim, At Yesusen wene ilitoho neken yig isebahon etno inesanggo holtuk apareg, inahla buruk wilil, ariroho uruk ari, nit ninabug-at uruk-o, ulug inahla buruk apareg,

Matius 26:24

ulug yig isaruk apareg, eke fobik yig isaruk wilil, “An Allahen minduhup naharision etno holal amuk balfag etno ilitoho-at wararuhuk oke, eke An Allahen minduhup naharision etno nowabukag ulug yonggo laruk du abua-o, ap ari endag atlep fugmen fano-o,” ulug yig isebag.

Matius 27:25

eke it yi aphe di aphe obohen onggo yig ituk wilil, “Ap du wabukon alem nit ninobam wereg halug, nit inim nit ninudaki inim At onggo war ninabuk ari fano-o,” ulug yig epag.

Lukas 2:34

Fog suruk apagma, at Simeon etno ahien inobam umburuk apareg, at isina Maria etno yig ituk wilil, “It Israel aphe epmano nin bule ambeheg, nin minaheg sukag ulug At Allahen udag du minduhupfirisireg fam, it apheyen herako inahla burukon epmano selegma amag ulug At Allahen udag du belabik waharision oke, it aphe ninen ninambit ulug uruk amuhup-o.

Lukas 20:18

eke it obog o isin etno famen bule amburuk amuhupseg, inebe mondog watahup-o. Eke e etno satnog waharuk wilil, at misig sebe suhu halug, mondog-at wararuhu-o,” ulug yig isebag.

Yohanes 19:11

Yig ituk apagma, At Yesusen yig ituk wilil, “Hat ariroho unde welahi ehen ari, At Allahen unde welamag ulug minduhup hahalep fugmen, An nebe ariroho sep nahukon etno unde welatlen fug-o. Ari halug at dahan fahan suruk ahenon oke, it ap An nebe sen nabukag ulug og hituson epmano dag anggolo-at surusa-o,” ulug yig epag.

Roma 9:33

Eke helep ari fam at Alkitab etnowen yig nisaruk wilil, “Helep aphe iniog ahap watukon etno o Sion epma umburuk ahi ari, helep suon inambit harukon etno-at umburuk ahi-o. Eke At ebe helep ilitoho werehon etno obam ebetuk isalug, inenggali hahup fug-o,” ulug yig isebag-o.

1 Tesalonika 2:16

Ariroho wereg ari, it ap Allah wene inapelehon epmano wene inili wawon etno niren yig isa nowen ulug nit bok amag ulug surusa-o. Ariroho surusa ari, iren nintul nantul dag suruson epmano atog ilitoho neken suruk atusama, kidia At Allah asine inobam mondog wereg-o.

1 Petrus 2:8

Eke ariroho ebahon etno wereg heheg, eke misig du wereg-o, “It o wut oag ari ninambit ulug uruson etno fam, bule ambulug watahup-o,” ulug holal embebahon etno hiniluk-o. Eke it aphe At Yesus o wut oag neken werehon etno obam ebetuk eleg isalug, At Allahen ebahon etno ilitoho bule amburusareg, watarusa-o.