Matius 21:37 - Allah Wene Hurumbik Keron

³⁷ Ariroho suruk apagma, eke fobik at ap yabuk unde etnowen amloho lahapfiog ulug ahla buruk wilil, ‘An namloho du heahi waroko inuk suontepfuhup hihi-o,’ ulug ahla buruk apareg, inambeg lahabik wapag.

Matius 21:37 ပူးပေါင်းရင်းမြစ်များ

Matius 21:36

Eke bilin at ap etno anggimbu dorat lahap isebahon oke, fobik hag inebe anggolo-at lahap isaruk apagma, it yabuk waruk apahon etnowen it nin inuseheg ilitoho-at sebag-o.

Matius 21:38

Lahabik waharuk apagma, it ap yabuk ohop isebahon etnowen at ebe inilanggen haruk apareg, wene baltuk wilil, ‘At amloho at ubulukmu unde welariog ulug waha du maniek-o. Yi angge di angge at unde werehon ari nit unde amuhuken ulug warepful-o,’ ulug uruk apareg,

Matius 3:17

Ilang­gen haruk apagma, eke bohol­men une yig ituk wilil, “An Namloho nindi hun­duhuk atma, nindi nahien hihi-o,” ulug yig epag.

Markus 12:6

Ariroho war inaptuk apareg, epmano weregma, at ap yabuk unde etnowen amloho misig-at endohoma indi hunduhuk welapahon etno lahapfiog ulug ahla buruk wilil, ‘An namloho du heahi waroko inuk suontepfuhup hihi-o,’ ulug inambeg lahabik wapag-o.

Lukas 20:13

Wilipfuruk apareg weregma, at ap yabuk unde etnowen, ‘An keroho sik-o? An namloho misig-at endohowon etno lahabik waruhuk-o. An namloho etno heahi waroko inuk suontepfuhup hihi-o,’ ulug ahla buruk apareg, lahabik wapag-o.

Yohanes 1:18

Eke ap misihen At Allah ebe haruk eleg oke, At Allah Amloho misig-at inim werehon etnowen At Allah ebe duroho wereg ulug selegmaroho yig nisebag-o.

Yohanes 1:34

Nilanggen hihireg, anden ap du Allah Amloho demat-o ulug yig hisaruk ahi-o,” ulug at Yohanes etnowen yig isebag.

Yohanes 3:16

Eke At Allahen it aphe o kweanma duma werehon epmano mondog indi hunduhuk welapag etno fam, At Amloho misig aron oke og isebag-o. Ariroho og isebag ari, it yi aphe di aphe obohen At obam ebetuk isalug, fobik waraheg eleg iniluk mondog welamon etno holawag ulug og isebag-o.