Matius 21:34 - Allah Wene Hurumbik Keron

³⁴ Laruk apareg epmano weregma, e anggur anggen i yapahon etno wirik apareg fam, at anggimbu etno balik lawag ulug it at eyabuk waruk apahon etno inambeg lahabik wapag.

Matius 21:34 ပူးပေါင်းရင်းမြစ်များ

Matius 21:35

Lahabik wapahon etno waharuk apagma, it eyabuk waruk apahon etnowen yikangge warepfuruk apareg, fobik misig werlek wareheg, misig helep fam wareheg sebag-o.

Matius 21:38

Lahabik waharuk apagma, it ap yabuk ohop isebahon etnowen at ebe inilanggen haruk apareg, wene baltuk wilil, ‘At amloho at ubulukmu unde welariog ulug waha du maniek-o. Yi angge di angge at unde werehon ari nit unde amuhuken ulug warepful-o,’ ulug uruk apareg,

Matius 21:40

Warepfebahon oke, fobik at e anggur unde etno waruhu halug, it at eyabuk ohop isebahon etno keroho seko imbisahu buruk ahep-o?” ulug At Yesusen hinog yig isaruk apagma,

Matius 21:41

it etnowen yig ituk wilil, “At ebe waharuk aruhureg, it ap dag sebahon etno warep isaruk aruhureg, eke it nin fobik anggur onggo bal imuhubon etnowen-at yabuk aso welamag ulug heako imbisahureg, ohop isahu-o,” ulug yig epag.

Matius 22:3

Ariroho suruk wilil, at omini epma­no ninim nulen wamag-o ulug at anggimbu epmano inayonggo aliek ulug lahap isebahon oke, it ap epmanowen esoho ninim nao ninam­bit-o, ulug bok apag-o.

Markus 12:1

Yig isaruk apareg, eke fobik wene ilitoho neken yig isaruk wilil, “Ap misihen e anggur i yatil lebag-o. I yatil laruk apareg, lehet falepfeheg, ambusu bisaloko umburukon kwean hulileheg suruk, eke horieg welam ambeg ulug kayo bela seheg suruk apareg, at eyabuk suruk heheg, o yatma epmano lebag-o.

Markus 12:7

Lahabik wapahon etno waharuk apagma, it at eyabuk warukon epmanowen wene baltuk wilil, ‘At amloho at ubulukmu unde welariog ulug waha du maniek-o. Yi angge di angge at unde werehon ari nit unde amuhuken ulug warepful-o,’ ulug ebag-o.

Markus 12:9

Yig isaruk apareg, eke fobik yig isaruk wilil, “At ap e anggur anggen yatukon unde wereg etno keroho suhu behep-o? At ebe waharuk aruhureg, it at eyabuk warukon epmano warep isaruk aruhureg, ap nin inubulukmu welamag ulug minduhup isahu-o,” ulug yig hisihion ari wene ebe baleg fam wereg etna hiniluk-o.

Lukas 20:9

Eke fobik At Yesusen it aphe epmano wene ilitoho neken yig isaruk wilil, “Ap misihen e anggur i yatil lebag-o. I yatil laruk apareg, at eyabuk og inaptuk heheg, at ebe bikalem anggolo o misig welariog ulug ibam etno sohorep isalug, o yatma-at lebag-o.