Matius 21:31 - Allah Wene Hurumbik Keron

³¹ Ari halug, it biren ariroho ebahon etno at sa hag iniknien yig isebahon etno ilitoho sebag buruk ahep-o?” ulug At Yesusen yig isaruk apagma, eke it etnowen yig ituk wilil, “At owe etno hag ilitoho sebag buruk ahe-o,” ulug yig epag. Yig ituk apagma, eke At Yesusen yig isaruk wilil, “Ari halug, Anden yig hisamin-o. It ap uang onggo kino urukon etno inim, eke it hweap yuhun-at wanggik surukon etno inimen hit hinebe fobiksep hisahalug, it dag bilin o Allah wereg ambeg epmano kuhup-o.

Matius 21:31 ပူးပေါင်းရင်းမြစ်များ

Matius 12:50

It aphe An Nikni boholma werehon etnowen une yig isarukmu inesanggo holtukon halug ari, An nomini nisina nosi-at wereg-o,” ulug yig isebag.

Matius 18:3

Minduhupfuruk apareg, yig isaruk wilil, “Hit hinahla fanoroho ebetuk amiek-o. Hit hinindi udag doron ari ilitoho welamuhup fug halug, At Allah weregma kuhup fug-o.

Matius 20:16

Yig isaruk apareg, eke At Yesusen fobik yig isaruk wilil, “Ari halug, it bilinon etno fobik amuhup-o. Eke it fobikon etno bilin amuhup-o,” ulug yig isebag.

Matius 21:30

Laruk apagma, fobik at inikni etno amloho fobikon etno ambeg laruk apareg, etno ilitoho-at yig epag-o. Yig ituk apagma, at amloho etnowen yig ituk wilil, ‘Yu-o,’ nikni ulug yig epareg oke, lebag fug-o.

Matius 5:18

Bohol inim kwean inim awan eleg atuk eleg heheg, hurumbik ebahon etno obog suhu-o. Hurumbik balfahon etno holal alem misig nuk aruhu fug-o, ulug An demat yig hisaruk ahi-o.

Matius 5:46

Eke it inindi hat hobam hunduhuk werehon etno-at hindi hundu­huk welahen halug ari, At Alla­hen onggo nongge og num fano behen-o? It kwalem onggo warukon etno ilito­ho-at suruk-o.

Matius 6:5

At Yesusen yig isaruk wilil, “Hit sembahyang uruk wilil, it aphe inindi demat ulug ebetuk elehon etno ilitoho welam fug-o. It epmano sembahyang o Allah wene uruk ambeg inim, eke kwalem handohalma inim sembahy­ang yaron uruk am inindi-o. It apheyen inilanggen nisawag ulug­-at sembahyang uruk-o. Ari halug onggo fanowon etno og isahu fug-o, ulug An demat yig hisaruk ahi-o.

Matius 7:21

Eke At Yesusen yig isaruk wilil, “Eke it Nowe, Nowe ulug yig nitukon epmano obogsoho At Allah weregma kuhup fug-o. It nin At Ninikni boholma werehon etnowen wene duroho suruk amuk eke duroho suruk am fug yig nisebahon etno ilitoho surukon halug o epma kuhup-o.

Matius 9:9

Eke fobik At Yesus etno o epmano sohorep isalug, wilip atuk apareg, at ap inuk Matius etno uang onggo kino urukon welapag. At epmano o faleg ambeg horieg weregma ilanggen hebag. Ilanggen haruk apareg, yig ituk wilil, “Ninim lulen ma-o,” ulug yig ituk apagma, at Matius etno minatuk apareg inim lebag.

Lukas 15:10

it Allah malaikat epmanowen at dag surukon misig ioba yatuk atlug indi wereg atuk halug, inahien haruk-o,” ulug At Yesusen yig isebag.

Lukas 19:22

Yig ituk apagma, eke at inowe etnowen yig ituk wilil, ‘Nanggimbu dahon du wai, anden wene dahon etno hobam imbiminen haren ehenon etno-at yig hipmin-o. Eke an nindi humbulig wilil, it ninen angge holaruk ahi epmano hag, anden i yatikik fuhon oke, bal saruk ahi etno hat hiluk wilil ehen-o.

Lukas 7:29

Yig isaruk apareg weregma, it aphe obog inim, eke it ap uang onggo kino urukon epmano inim, it obog-at At Allahen bilin inesanggo wapahon epmano holtuk apagma, at Yohanesen ikma belap inapag.

Yohanes 3:3

Yig ituk apagma, At Yesus etnowen yig ituk wilil, “Wene demat urukon etno yig hisamin-o. Ap misig ebe birenam endag atuk eleg halug, At Allah weregma kuk ari hai-o,” ulug yig ituk apagma,

Yohanes 3:5

eke At Yesus etnowen yig ituk wilil, “Ari halug, An wene demat urukon etno yig hisamin-o. Ap misig ik fam inim, Roh Kudus fam inim endag atuk eleg halug, At Allah weregma kuk ari hai-o.

Kisah Para Rasul 17:30

Eke amuk ninapeleg wilil dag suruk atukukon epmano ninobam ninapelegsoho apma ninombisahabahon oke, kidia At Allahen yi aphe di aphe obog hiren dag suruk ahebon epmano sohorep isalug An nawene etno waruk amiek-o, ulug yig nisaruk-o.

Roma 3:19

Eke it wene duroho suruk amuk eke duroho suruk am fug ulug ebahon etno iniluk halug, wene etnowen komo yig isaruk-o. Eke ariroho yig isaruk ari, it aphe kweanmon obog dag surukon epmano At Allahen oag del inaptuk halug, iren nit dag surukuk fug-o, ulug alem dahon inobam werehon etno elehepfuk nowen ulug ariroho yig isaruk-o.

Roma 5:20

Eke dag surukon etno du dag suruk ulug iniluk amag ulug wene duroho suruk amuk eke duroho suruk am fug ulug ebahon etno og isebag-o. Eke ariroho du dag suruk ulug selegma atuk apagma, alem At Allahen inabua isarukon etno-at su apag-o.

2 Petrus 3:9

Ari it inapelehon epmanowen At Allahen orog-at suruk hehe-o ulug uruk oke, orog-at suruk eleg-o. Aren ninabua nisaruk wilil, war ninabuk amberaken nit obog dag suruk aheon epmano seberepfulug sohorep isawag ulug ninaso wereg-o.