Matius 21:28 - Allah Wene Hurumbik Keron

²⁸ Eke fobik At Yesus etnowen yig isaruk wilil, “Hit kidia Anden wene alem misig yig hisamin etno hinesanggo holtuk atlihipseg, hinahla bilihibon etno yig nitlihip-o,” ulug yig isaruk apareg, eke fobik yig isaruk wilil, “At ap misig etno udaki biren inim welapag-o. Ariroho wilil, at inikni etno amloho manggia etno hag ambeg laruk apareg, yig ituk wilil, ‘Namloho-o, hat o yoho e anggur etno yabuk sik lag-o,’ ulug yig ituk apagma,

Matius 21:28 ပူးပေါင်းရင်းမြစ်များ

Matius 17:25

“Onggo umburuk at-o,” ulug yig epag. Yig ituk apareg, at Petrus etno uma kebag. Kuruk apagma, At Yesusen yig ituk wilil, “Simon wai, haren nin yanggul nimin-o. It kweanma inowesi suon epmano sandehen onggo og isaruk ulug buruk ahen? It ini werehonen og isaruk buruk ahen ano, eke it husowonen og isaruk buruk ahen ano?” ulug yig ituk apagma,

Matius 20:1

At Yesusen yig isaruk wilil, “At Allah weregmen sukon etno ap misig e anggur yabuk unde werehon etnowen sirisi etno hag suruk-o. Eke at ap yabuk unde etnowen ilikia hubet wilip atlug, ap nin neyabuk surukim uang anggen og isaminen ulug heag inabil larisi-o.

Matius 21:27

At Yesus etno yig ituk wilil, “Nit ninapeleg-o,” ulug yig ituk apagma, eke At Yesus etnowen yig isaruk wilil, “Ari halug, Anden yi angge di angge suruk ahion etno Aren ninggikmu imbirisi-o ulug yig hisamin fug-o,” ulug yig isebag.

Matius 21:29

eke at amloho etnowen yig ituk wilil, ‘An nambit-o,’ ulug yig epareg oke, fobik indi ebetuk apareg, e anggur etno yabuk sik lebag-o.

Matius 21:33

Eke fobik At Yesus etnowen yig isaruk wilil, “An wene ilitoho neken misig yig hisaminon etno hinesanggo holiek-o,” ulug yig isaruk apareg, eke fobik yig isaruk wilil, “Ap kwean unde misihen e anggur etno i yapag-o. I yatuk apareg, lehet falepfeheg, ambusu bisaloko umbukon kwean hulileheg, eke horieg welam ambeg ulug kayo bela seheg suruk apareg, at eyabuk og inaptuk heheg, o yatma epmano lebag-o.

Matius 22:17

Ari halug, Hat hahla buruk ahenon etno nit yig nisimin-o. Eke nit wene duroho suruk amuk eke duroho suruk am fug ulug yig nisebahon etno wereg heheg, it Roma ap inowe suon Kaisar etnowen uang anggen og nimiek-o ulug kino uruk halug, og um ari fano ano dag ano?” ulug ambeg hinog waruk apagma,

Markus 13:34

Eke at ap misig o yatma liog ulug at osi epmano hit duma wilil ariroho suruk amuk-o, ulug fuloko imbisaruk atlug, hat misig o aso welahenon etno fanoroho aso-at welamuk-o, ulug yig isalug laruk etno hag, hit yaha fanoroho welamuk-o. At ibam unde wereg etno mo eta weregma waruhu ulug hinapeleg at-o. Hupmu waruhu ano, eke hubanggo waruhu ano?

Lukas 13:4

Eke it ap inebe delapan belas o Siloamen e kayo belarohon satnogsoho waharuk wilil, war inaptision epmano hag dahon, eke it Yerusalem ap iniluk werehon epmano hag fanowon ulug hinahla buruk ahep ano?

1 Korintus 10:15

Eke hit hinebe hinindi werehon neken wereg hisalug, yig hisaruk ahi-o. Ari halug, hiren an nune du keroho ehek ulug hinindi eberiek-o.

1 Korintus 15:58

Eke ari halug, nomini hit nindi hunduhukon wai. Hit epma hinindi oag weregsoho-at welamuk-o. Eke At Ninowe inuk suon etno eyabuk suruk wilil, o nintul nantul fanoroho suruk amuk-o. Eke hit yabuk sat anggolo suruk ahep ari, At Ninowe suon etno inuk fam eleg aruhu fug etno hit hiniluk-o.