Matius 21:26 - Allah Wene Hurumbik Keron

²⁶ Eke niren apheyen yig ituson fam ikma belap inaptisi ulug yig ituk nisalug, it aphe obohen at Yohanes ari nabi ap Allah wene yig nisarukon demat hehe-o, ulug inindi ebetuk etno fam keroho seko ninombisahakup-o,” ulug uruk apareg,

Matius 21:26 ပူးပေါင်းရင်းမြစ်များ

Matius 11:9

Ariroho wereg oke, eke hit nongge ha lul ulug hinahla birikip-o? Eke hiren ap nabi Allah wene yig nisarukon etno ha lul ulug hinahla birikip ano? ulug An demat yig hisaruk ahi-o. At ha larikip ari, ebe nabi ap suon anduhunmu werehon-at ha larikip-o.

Matius 14:5

at inowe suon Herodes etnowen ahla buruk wilil, anden watle, ulug ahla bebahon oke, it Yahudi aphe epmanowen At Yohanes ari, Allah wene yig nisarukon nabi ap at-o, ulug obam ebetuk apag etno fam, akolen bok apag.

Matius 21:11

“Ap du At Yesus o Galilea Nazaret ap etno Allah wene yig nisa waharision etno ebe du at-o,” ulug uruk apag.

Matius 21:25

ulug yig isaruk apareg, hinog og inaptuk wilil, “At Yohanes aphe ikma belap inaptuk atisi ari, boholmen yig itision fam ikma belap inaptuk atisi ano, eke apheyen yig ituson fam ikma belap inaptuk atisi ano? Hit hiniluk halug, yig nimiek-o,” ulug yig isebag. Yig isaruk apagma, Aren wene yig isebahon etno fam irit uruk wilil, “Niren boholmen yig itision fam ikma belap inaptuk atisi-o, ulug yig ituk nisalug, eke Aren ariroho hiniluk oke, hiren at une etno eberoko weheg eleg welatikip ari, keroho ulug welatikip-o? ulug yig nisikon-o.

Matius 21:27

At Yesus etno yig ituk wilil, “Nit ninapeleg-o,” ulug yig ituk apagma, eke At Yesus etnowen yig isaruk wilil, “Ari halug, Anden yi angge di angge suruk ahion etno Aren ninggikmu imbirisi-o ulug yig hisamin fug-o,” ulug yig isebag.

Matius 21:46

ebe hele waroko umbuog ulug sebareg oke, it aphe obohen At Yesus ari nabi ap Allah wene yig nisarukon-at hehe-o, ulug uruk apag etno fam inakol apag.

Markus 11:32

Eke niren apheyen yig ituson fam ikma belap inaptisi ulug yig ituk nisalug, it aphe obohen at Yohanes ari nabi ap Allah wene yig nisarukon demat hehe-o, ulug inindi ebetuk etno fam winimug nisahup-o,” ulug uruk apareg, yig um inakolen sohorep isebag.

Markus 12:12

Yig isaruk apagma, it Yahudi ap inowesi epmanowen wene ilitoho neken yig nisehek du nit farim-at yig nisehek-o, ulug inahla buruk apareg, ebe senebuog ulug sebareg oke, aphe anggolo atuk apagma, inakolen sohorep isalug lebag.

Markus 6:20

at Herodes etnowen ahla buruk wilil, at Yohanes obabut fano mondog surukon etno ebe nakol-o, ulug ili waruk apareg, wabuk fug-o ulug maha embebag. Maha umburuk apareg, at une esanggo holfag etno fam, yi angge di angge suruk wilil, at Yohanes une esanggo holiog ulug welapag.

Lukas 20:19

Yig isaruk apagma, eke it wene unde epmano inim, it Allah unde epmano inimen wene ilitoho neken yig nisehek du nit farim-at yig nisehek-o, ulug inahla buruk apareg, ebe o epma-at hele wabulen ulug sebareg oke, aphe anggolo atuk apagma, inakolen bok apag.

Lukas 20:6

Eke niren apheyen yig itision fam ikma belap inaptisi ulug yig ituk nisalug, it aphe obohen at Yohanes ari nabi ap Allah wene yig nisarukon demat hehe-o, ulug inindi ebetuk etno fam, helep fam ninusukon-o,” ulug ebag.

Lukas 22:2

Inahla buruk apareg weregma, it ap Allah unde suon epmano inim, eke it wene baleg unde epmano inimen, At Yesus etno keroho wabuhuk-o, ulug aphe obog inolohotmen uk inakolen inahla t bebag.

Yohanes 5:35

Eke at Yohanes etnowen eral fisaho etno hag fisatukmu, seleg atisi-o. Eke aren o seleg etno yanggul hisarukmu, hit bikalem biren henahan neken-at hinahien harikip-o.

Yohanes 9:22

It ikni isina etnowen ariroho yig isebag etno, it Yahudi ap inakolen yig isebag. Eke it Yahudi ap etnowen uruk wilil, “Ap misihen At Yesus ari Kristus at-o,” ulug uruk halug, niren o Allah wene uruk ambeg epmanowen wilipfuhuk-o, ulug wene balfag etno fam,

Kisah Para Rasul 5:26

Yig isaruk apagma, it sok yaharoho werehon inowe etno inim laruk apareg, it mondep isebahon epmano iniog suhuluk og inaplug wamuog ulug suruk wilil, it aphe ninen helep fam war ninabuk nowen ulug, orog-at fanoroho og inaplug wapag.