Matius 21:21 - Allah Wene Hurumbik Keron

²¹ At Yesusen yig isaruk wilil, “Hit An yig hisaminon etno-at hinindi ebetuk amuk-o. Hit hinindi biren neken welam sohorep isalug, hiren demat ulug ebetuk amuhup halug, Anden e du yig irihimu bug aha etno hag, hiren ariroho sukon etno hai aruhu fug-o. Eke misig, hit hinindi fanoroho ebetuk wilil, bunu suon du leko lahalug ik yenggeleg epma sebesik ambik ma-o, ulug yig ituk hisalug, ambik waruhu at-o.

Matius 21:21 ပူးပေါင်းရင်းမြစ်များ

Matius 14:29

eke At Yesusen yig ituk wilil, “Hat hebe kidia wilik ma-o,” ulug yig epag. Yig ituk apagma, at Petrus etno so fam epmanowen wilip atuk apareg, ik ahum fam iog umbulug At Yesus ambeg liog ulug horogsoho lebag.

Matius 17:20

Yig ituk apagma, At Yesus etnowen yig isaruk wilil, “Hit At Allah obam dorat ebetuk ahep famen, hiren wilipfuk hai aha-o. Eke hinindi At obam fanoroho ebetlepmen, hit bunu du yig ituk wilil, ‘Hebe hal amin-o,’ ulug yig itlepmen, bunu ebe hal atlep-o. Hiren yi angge di angge obog-at selep-o.

Matius 21:20

Bug atuk apagma, it At omini etnowen inilanggen haruk apareg, wi ulug fog suruk wilil, “E du dulum-at bug aha du keroho-o?” ulug hinog waruk apagma,

Matius 8:12

It epmano boholma welamuhup-at oke, eke it nin At Allah weregma inim welatlebon oke At obam ebetuk eleg etno fam o hikmu epmano hik isaruk aruhumu, epmen ioba yareheg, inayeg kilit mareheg suruk wilil welamuhup-o,” ulug yig isebag.

1 Korintus 13:2

Eke an Allah wene nindimuen walug yig iseheg, eke yi angge di angge herahowon epmano obog niluk aheg, eke At Allah inuk mondog ebetuk wilil bunu etno walug o ninmu imbik laheg suruk wilil, nindi hunduhuk eleg welatlemen, an nebe napeleg neken-at welatle-o.

Yakobus 1:6

Eke hit sembahyang uruk wilil, “Og niruhu ano, og niruhu fug ano?” ulug hinindi ebereheg eleg-at welahep ari sohorep isalug, “Og niruhu at-o,” ulug hinindi ebetuk amuk-o. Eke at ap misig indi demat ulug ebetuk elehon ari, e moron hiahneyen yahuk korlag suruk etno ilitoho wereg-o.