Matius 20:24 - Allah Wene Hurumbik Keron

²⁴ Yig isaruk apagma, At Yesus omini nomaloen angge etnowen inesanggo holtuk apareg, it Yakobus, Yohanes etno winimug yig isebag.

Matius 20:24 ပူးပေါင်းရင်းမြစ်များ

Matius 20:23

Yig ituk apagma, eke At Yesusen yig isaruk wilil, “An nahik honanggo nahukon etno, hit ninim-at nahuk oke, eke hit hinebe etno hag Anden ninggik femag femag minduhup hisahuk ari eleg-o. It An Niknien ahla bebahon etno-at ariroho minduhup isaruk aruhureg, welamuhup-o,” ulug yig isebag.

Matius 20:25

Eke fobik At Yesusen yig isaruk wilil, “It yi aphe di aphe kweanmon inowesi suon minduhuk werehon etnowen inosi inune oag weregsoho-at seberoho imbisarukon etno hiniluk-o.

Markus 10:14

Winimug yig isaruk apagma, At Yesus etno asine haruk apareg, yig isaruk wilil, “It udag doron epma An nambeg wamag-o. It udag doron epmano At Allah weregma welamuog ulug waharuk isalug, winimug yig isa fug-o.

Markus 10:41

Yig isaruk apagma, At Yesus omini sepuluh epmanowen inesanggo holtuk apareg, it Yakobus, Yohanes etano winimug yig isebag.

Lukas 13:14

Suontepfuruk apagma, ap misig o Allah wene uruk ambeg aso werehon etno At Yesus o hari Sabat fam fano sebag etno ambit haruk apareg, it aphe obog yig isaruk wilil, “Nit nineyabuk holawon etno nininggik enggalimen angge wereg halug, o werleken fano hinabukag ulug waharuk am ari fano. Eke o hari Sabat fam waharuk ahep ari hai-o,” ulug yig isebag.

1 Korintus 13:4

At misihen aphe inim indi hunduhuk wereg an indimu asine eleg wilil suruk-o. Eke indi sebereg wilil inim fano wereg-o. Eke inim indi hunduhuk wilil, aren uwa uruk eleg-o. Eke ebe suontepataruk eleg-o. Eke aren we yuhun-at suruk eleg-o.

Filipi 2:3

Eke hiren uruk wilil, an nebe suon-at welaruhuk-o, ulug hinonggarehen suontepataruk wilil, suruk am fug-o. Eke nomini du fano wereg heheg, an dag welahi-o ulug it hinomini inil fam seberepataruk amiek-o.

Yakobus 3:14

Eke hit hinuneyen nambit hambit eheg, eke hinindi famen hinasine heheg, eke yi angge di angge an-at hulik ulug hinahla beheg suruk wilil, an-at suon ulug, fano wene etno sohorep isalug hinenggal wene etno uruk am fug-o.

1 Petrus 5:5

Eke ari halug, hit ap elege epmano it inanggohon inune holtuk amiek-o. Eke it inapma wilil, neyabuk du seg nimin-o, ulug yig hisaruk isalug, it inune fanoroho holtuk amiek-o. Ariroho sukag ulug Alkitab fam wene holal embebahon du hit hiniluk-o, “It inonggarehen suontepatarukon halug, fobik At Allahen seberep isahu-o. Eke inonggarehen seberoho werehon halug, fobik At Allahen suontep isahu-o,” ulug wene holal embebahon etno hinuluk weregma,