Matius 20:22 - Allah Wene Hurumbik Keron

²² Yig ituk apagma, eke At Yesusen yig isaruk wilil, “Hit kino yig nituk ahep ari, hinapeleg-at wilil kino yig nerehep-o. Ariroho ehebon oke, An nahik honanggo nahukon etno hit nao fano behep ano?” ulug yig isaruk apagma, eke it etnowen yig ituk wilil, “Yu-o, Hat hahik nahunon etno nit nao fano at-o,” ulug yig epag.

Matius 20:22 ပူးပေါင်းရင်းမြစ်များ

Matius 26:35

Yig ituk apagma, eke at Petrus etnowen yig ituk wilil, “Eleg-o, anden ebe napeleg ari uhuk fug-o. Hat howatuk isalug, an ninim-at nowabukag-o,” ulug yig ituk apagma, it omini obohen etnoroho-at yig epag.

Matius 26:39

Yig isaruk apareg, At etno horog-at laruk wilil, olohore kweanma wanduk uruk apareg, sembahyang uruk wilil, “Nikni-o, An nebe war nabukon ari sohorluk ambusu honanggowon ilitoho wereg etno, Haren na nowen ulug hahla buruk ahen halug, An ninggi ha nowen, Haren wimin-o, ulug yig hirihion oke, Anden yig hirihion etno fam suk ari hai-o. Hat hindien bulug-at suk ari hag fano-o,” ulug sembahyang ebag.

Matius 26:42

eke At Yesus bilin lebag etno hag fobik laruk apareg, sembahyang uruk wilil, “Nikni-o, An ambusu sohorluk fam honanggo du naruk eleg nealug, Haren wamihin fug hiyihi-o. Ari halug, Hat hahla buruk ahenon etno-at siuk-o,” ulug sembahyang uruk apareg,

Matius 26:56

eke kidia sen naptuk ahep ari, amuk it nabi ap Allah wene hurumbik yig isaruk apahon etnowen Alkitab wene baleg fam duroho senebuhup ulug embebahon etno demat seg atisi ulug inahla bukag ulug ariroho-at sen naptuk ahep-o,” ulug yig isebag. Yig isaruk apagma, At omini obog-at sohorep isalug hite wilip apag.

Markus 14:36

Eke Haren yi angge di angge obog-at suruk ahenon etno kidia An ik sihon sohorluk fam honanggoma niog ulug suruk ahion du Haren elehepfin-o, ulug yig hirihion oke, Anden yig hirihion etno fam suk ari hai-o. Hat hindien bulug-at suk ari hag fano-o,” ulug sembahyang ebag.

Lukas 12:50

Eke iren dahon nobam umbukon etno arat nobam embelepmen fano-o.

Lukas 22:42

“Nikni-o, An ik sihon sohorluk fam honanggoma niog ulug suruk ahion du Hat hahla bulug elehepfin-o, ulug yig hirihion oke, Anden yig hirihion etno fam suk ari hai-o. Hat hindien bulug-at suk ari hag fano-o,” ulug sembahyang ebag.

Yohanes 18:11

Sarepsepfuruk apagma, At Yesusen Petrus etno yig ituk wilil, “Hat henggarog ubulukmu imbin-o. Hat ariroho suruk ahen ari, An Niknien ik honanggo og nepahon etno nikon fug ulug hahla behenteg suruk ahen ano? Eke At Yesusen nowabuk nowen ulug hite wilip arikon behen ano?” ulug yig epag.

Roma 8:26

Eke ari ilitoho, nit ninindi oag elehon etno At Roh Kudus etnowen yalmag nisaruk-o. Eke nit hag fanoroho wilil sembahyang uruk amon etno keroho uk-o? ulug ninapeleg niseheg, At Roh Kudus etnowen une niren uk haion etno fam ninake At Allah obam sembahyang uruk-o.

Yakobus 4:3

Eke At Allahen og nisawag ulug sembahyang uruk wilil oke, an suon-at welaruhuken og nemag ulug uruk ahep ari famen yi angge di angge holawon epmano hai atuk-o.