Matius 20:21 - Allah Wene Hurumbik Keron

²¹ Yig ituk apareg, At Yesusen yig ituk wilil, “Nongge og hemag ulug nambeg kino wahen-o,” ulug yig ituk apagma, at hwe etnowen yig ituk wilil, “Hat hebe Inowe suon welaruhun etno fam, an nudaki biren dia Hat hambeg misig hinggik bikit fil, eke misig hinggik harebag fil hinim horieg welamuhuben demat ariroho welamuhuk ulug hurumbik yig nimin-o,” ulug yig epag.

Matius 20:21 ပူးပေါင်းရင်းမြစ်များ

Matius 18:1

Eke fobik At Yesus omini epmano ambeg waharuk apareg, yig ituk wilil, “At Allah weregma ap misig suon wereg ari sa-o?” ulug yig epag.

Matius 19:28

Yig ituk apagma, At Yesusen yig isaruk wilil, “Fobik yi angge di angge obog inebe keron neken imbisaruk halug, An Allahen minduhup naharision suon wilil, it aphe oag del inabiog ulug horie uruk aruhukmu, hit nomini dua belas mug naplug waharikibon etnowen it Israel ap inunggul oag dua belas etno oag del inabuog ulug ninim ilitoho-at wilil, horie uhuk-o, ulug yig hisihi ari, An demat yig hisihi-o.

Matius 20:22

Yig ituk apagma, eke At Yesusen yig isaruk wilil, “Hit kino yig nituk ahep ari, hinapeleg-at wilil kino yig nerehep-o. Ariroho ehebon oke, An nahik honanggo nahukon etno hit nao fano behep ano?” ulug yig isaruk apagma, eke it etnowen yig ituk wilil, “Yu-o, Hat hahik nahunon etno nit nao fano at-o,” ulug yig epag.

Matius 20:32

At Yesus etno inim bok atuk apareg wol isebag. Wol isaruk apareg, yig isaruk wilil, “Hit Anden keroho seko hinombisahukag ulug wahep-o?”

Markus 10:51

At ambeg laruk apagma, At Yesusen yig ituk wilil, “Hat Anden keroho seko hombahukag ulug wahen-o?” ulug yig ituk apagma, eke at ap ilanggen buhon etnowen yig ituk wilil, “Nowe-o, an nilanggen buhon du fano amag ulug fenggen nabin-o,” ulug yig epag.

Markus 16:19

Yig isaruk apagma, At Ninowe inuk suon Yesus etno At Allahen walug boholma lahabag. Laharuk apareg, At inggik bikit fil epmano horie ebag.

Markus 6:22

Uruk apagma, at hwe Herodias ahaloho etno kuruk apareg, it inil fam di yunggultuk apagma, at inowe suon Herodes, omini inayonggo lahap isebagma wapahon epmano inim inahien suruk apareg, at inowe suon Herodes etnowen hole etno yig ituk wilil, “Hat ebe du hag og nemag ulug hahla buruk ahenon etno og hipminen yig nimin-o,” ulug yig ituk apareg, eke fobik demat yig ituk wilil,

Lukas 18:41

“Hat Anden keroho seko hombahukag ulug hahla buruk ahen-o?” ulug yig ituk apagma, at ap etnowen yig ituk wilil, “Nowe-o, an nilanggen buhon du fano amag ulug fenggep nahin-o?” ulug yig epag.

Lukas 19:11

Eke aren yig isarukmu inesanggo holfahon epmano At Yesusen wene ilitoho neken yig isebag. Yig isiog ulug suruk wilil, At etno o Yerusalem horog fanggog ik waharuk apagma, it apheyen At Allah weregmen sukon etno horog fanggog uhu ano ulug inahla buruk apag.

Lukas 22:24

Eke fobik it omini epmanowen ap suon sa ninanggelegma wereg-o, ulug winimug aptuk apagma,

Yohanes 15:7

Eke hit hag An ninim hunduhuk wilil, nawene yig hisaruk atikikon epmano fanoroho waruk amuhupseg, hiren yi angge di angge epmano ariroho sin-o, ulug sembahyang uruk hisalug, Aren suhu at-o.

Kisah Para Rasul 1:6

Yig isaruk apagma, it inim wonggalfahon epmanowen hinog uruk wilil, “Ninowe-o, it Israel ap bilin suon welapag etno ilitoho kidia nit suontep nisahamihin ano?” ulug yig ituk apagma,

Roma 12:10

Eke hit hit hinomini Allah udakion epmano hinim hinindi hunduhuk welamuk-o. Ariroho wilil, it hinomini inobabut fanoroho surukon epmano suontep iseheg suruk amuk-o.

Roma 8:34

Eke ari halug, ap misihen inoag deloko o dagma imbisahu ano? Ari eleg-o. Eke At Kristus Yesus warapahon oke, fobik iluksoho minduhupfebag etno hag alem suon neken wereg-o. Eke iluksoho minduhupfebareg fam, At Allah inggik bikit fil wereg-o. Ariroho wilil, Aren nit ninake Allah obam sembahyang uruk-o.

Kolose 3:1

Eke ari halug, At Kristus hinim hinilukep hisaharisireg fam, yi angge di angge boholmon epmano-at heahil laruk amuk-o. Eke At Kristus Allah inggik bikit fil boholma-at horieg wereg etno fam, yi angge di angge boholmon-at ebetuk amiek-o.