Matius 20:2 - Allah Wene Hurumbik Keron

² Heag inabil laruk atisireg, yig isaruk wilil, ‘Hi­ninggik misihim yabuk silihip halug, yabuk onggo uang anggen misig misig og hisamin-o,’ ulug inim wene baltuk atusareg, it ap etno e anggur etno yabuk sukag ulug lahap isarisi-o.

Matius 20:2 ပူးပေါင်းရင်းမြစ်များ

Matius 18:28

Sohorep isaruk apagma at anggimbu etno wilip atuk apareg, at omin misig nomat dorat seratus neken obam werehon etno inim salkal ebag. Salkal uruk apareg, at ap bilin obam fanorepfebahon etnowen anggolop keteroho senetuk apareg, yig ituk wilil, ‘Hat nomat hobam werehon etno onggo og nimin-o,’ ulug yig epag.

Matius 20:1

At Yesusen yig isaruk wilil, “At Allah weregmen sukon etno ap misig e anggur yabuk unde werehon etnowen sirisi etno hag suruk-o. Eke at ap yabuk unde etnowen ilikia hubet wilip atlug, ap nin neyabuk surukim uang anggen og isaminen ulug heag inabil larisi-o.

Matius 20:13

Ariroho yig itusama, eke at ap etnowen yig isaruk wilil, ‘Nomini hit hinesanggo holiek-o. Hiren ilikia hubet nininggik misihim yabuk sul onggo uang anggen misig misig-at og nisamihin-o, ulug ninim wene balehe-o.

Matius 20:3

Lahap isaruk atisireg, o ilikia mo bimbo jam sembilan fam it aphe nin o sili­mu weregma bik isa wilip atisireg, it nin yabuk seheg eleg werlek-at minduhuk weregma isaruk atisireg,

Matius 20:9

Ariroho yig isaruk atisimu, it ap hupmu jam lima fam yabuk suruson etno onggo uang anggen misig misig-at og isarusa-o.

Matius 22:19

Ari halug, uang anggen og umon misig unug nimiek-o,” ulug yig isebag. Yig isaruk apagma, iren uang anggen misig honanggoko og irik wapag.

Matius 9:37

“Orom horleon anggolo wereg oke, it ap baltukon epmano inebe eleg hihi-o.

Markus 12:15

ulug yig ituk apagma, At etnowen inenggal neken yig nerehesa hihi-o, ulug ahla buruk apareg, yig isaruk wilil, “Hit keroho ulug An nindi kahaltuk ahep-o? Ari halug uang anggen misig nilanggen haminen honanggoko og nirik maniek-o,” ulug yig isaruk apagma, honanggoko og irik wapag.

Lukas 1:15

Eke at ebe Allah il fam ap suon-at welaruhu-o. Ariroho wilil, e anggen ambusu nenek surukon etno nenggeg eleg-at welaruhu-o. Ari at endohoma, At Roh Kudus at indimu-at welaruhu-o.

Lukas 10:35

Nohoruk apareg, at ap o unde werehon etno uang anggen biren og epag-o. Og ituk apareg, at ap o unde werehon etno yig ituk wilil, hat ap du fanoroho aso welamin-o. An fobik suhuluk waharuk aruhukseg, ap du fano suhunon onggo og hiruhuk-o,” ulug yig epahon etno At Yesusen yig isebag.

Lukas 20:24

Eke uang anggen ari, sa olohore, sa inuk inim wereg hehep-o?” ulug yig isaruk apagma, it epmanowen yig ituk wilil, “Ari at Kaisar olohore-at wereg hehe-o,” ulug yig ituk apagma,

2 Timotius 3:15

Eke Alkitab ari fam wene etno niniluk amuhukseg weregma, At Yesus Kristus obam ebetuk hisalug, aren hinili wahu-o, ulug Alkitaben yig nisaruk-o.

Wahyu 6:6

Haruk atikikseg, nesanggo holtuk neyeheg, it inebe empat iniluk werehon inanggelegmen une misig uruk wilil, “Uang anggolo fam wirlin gandum dorat onggo balukon wereg-o. Eke e anggen ambusu etno inim, eke anggur ambusu etno inim dahapsuk fug-o,” ulug irisi-o.