Matius 20:19 - Allah Wene Hurumbik Keron

¹⁹ Sen naptuk amuhupseg, nowabuog ulug noag deloko it ap Allah wene inapelehon etno og isahup-o. Og isaruk amuhupmu, iren nahunda yatuk wilil, nenggali wareheg, eke yikangge nowareheg suruk amuhupseg, e fam lenggaloko nombaharuk amuhupseg nowabuhup-o. Nowatuk amuhupmu, ninggik henahanam welaruhukseg, niluk atlug minaruhuk-o,” ulug yig isebag.

Matius 20:19 ပူးပေါင်းရင်းမြစ်များ

Matius 12:40

Eke at Yunus etno inggik henahan ikan suon ahla yonggareg welapag etno ilitoho, An Allahen minduhup naharision etno ninggik henahan kwean undama welaruhuk-o.

Matius 16:21

Eke fobik At Yesusen omini epmano wene yanggul isaruk wilil, “An fobik o Yerusalem laruk aruhukmu, it inowesi suon epmano inim, eke it Allah unde suon etno inim, it wene holal baleg unde epmano inimen dahon neken nowabuhup-o. Nowatuk amuhupmu, ninggik henahanam welaruhukseg fam, niluksoho minduhup nahaku-o,” ulug yig isebag.

Matius 17:23

Nowabuhubon oke, ninggik henahan welatlug niluk aruhukseg, minaruhuk-o,” ulug yig isaruk apagma, at omini epmano inindi mondog dag apag.

Matius 27:26

Yig ituk apagma, at Pilatus etnowen Barabas etno arat hibil isaruk apareg, At Yesus etno yikangge wabukag ulug osi sehen seneg werehon yig isebag. Yig isaruk apareg, it osi sehen seneg werehon epmanowen At Yesus e fam lenggaloko umbukag ulug arat og isebag.

Matius 27:63

yig ituk wilil, “Ninowe-o, At ap enggal urukon etnowen awan iluk wilil, ninggik henahanam welaruhukseg fam niluksoho minduhup nahaku-o ulug yig nisarision etno ninindi ebetuk ahe-o.

Markus 14:65

Wene arat baltuk apareg, it nin etnowen inowasup olohotma sup heheg, eke it ninen ilanggen heraho iseheg ebe ininggik samurlinggilig wareheg suruk apag. Ariroho suruk apareg, yig ituk wilil, “Hat ap duen nowatuk in-o,” ulug yig ituk apagma, it sehen unde werehon epmanowen senetuk apareg, ininggik ahul fam olohobanggenma lambisog wapag.

Markus 15:1

O witiog ulug ahla healtuk heheg, it ap Allah unde suon epmano inim, it wene baleg unde epmano inim, it wene baltukon epmano inim obog-at wonggaleg wilil, wene baltuk apareg, At Yesus etno arat hele waroko walug at Pilatus ambeg lebag.

Markus 15:15

Inune ineroho-at yig ituk apagma, at Pilatus etnowen it aphe wonggalfahon epmano inindi fano amag ulug at Barabas etno arat hele hibil isebag. Hibil isaruk apareg, at Pilatus etnowen Yesus etno ap sehen unde epmanowen e fam lenggaloko umbukag ulug arat og isebag.

Lukas 18:32

Ariroho uruk wilil, iren An nebe it ap Allah wene inapelehon epmano og isaruk amuhupmu, iren nahunda yatuk wilil, inune dahon nobam embeheg, inowasup nobam supsepfeheg, suruk amuhupseg,

Lukas 23:11

Denggeltuk apagma, at Herodes, osi sehen senehon epmano inimen At Yesus ahunda yatuk apareg, inambilik butuk uruk apag. Uruk wilil, inenggal-at sum fanowon wantepfuruk apareg, suhuluk at Pilatus ambeg lahapfebag.

Lukas 24:46

“An nahurumbik bilin wene embebahon epmano yig hisamin-o. Ari, At Kristus yi angge di angge dahon etno obam umburuk amuhupmu, inggik henahan welatlug iluksoho minduhupfuhu-o.

Kisah Para Rasul 2:23

Eke At Allahen indi ebetuk wilil, At Yesus senebukagsoho og isahuk ulug ahla buruk apareg og hisarisimu, hiren it ap selemon dahon epmanowen e fam lenggaloko paku waroko umbukag ulug og isarikipseg, hinim watikip-o.

Kisah Para Rasul 21:11

Ninambeg waharuk atisireg, at Paulus aserlog holaruk atisireg, inggik iog homag sarisi. Homag saruk atisireg yig isaruk wilil, “An At Roh Kudusen yig nituk-o. Ap aserlog du unde etno anden niog homag sihi du ilitoho, fobik it Yahudi aben o Yerusalemen hele waroko it ap Allah wene inapelehon epmano og isahup-o,” ulug yig nisaruk atisimu,

Kisah Para Rasul 4:27

it Herodes, Pontius Pilatus inim, it hawene waruk elehon epmano inim, eke it Israel ap inim, it obog dambuksoho wilil, At hanggimbu Yesus Kristus minduhupfirikinon etno watusa-o.