Matius 2:4 - Allah Wene Hurumbik Keron

⁴ Inahut laruk apagma, at etno­wen it ap Allah unde suon epmano inim, eke it wene unde epmano inim obog-­at balu inapareg, yig isaruk wilil, “At Kristus o kemen endag aru­hu-o?” ulug hinog og inapag.

Matius 2:4 ပူးပေါင်းရင်းမြစ်များ

Matius 13:52

Yig ituk apagma, Aren yig isaruk wilil, “Ari halug nomini-o. Hit wene unde neken welahebon ari, At Allah weregmen sukon etno hinindimu ebetuk hisalug, at ap ibam unde wereg etnowen o yi angge di angge umburuk ambeg etnowen keron inim, amukon inim walug waharukon etno hag hit ariroho-at welahep-o,” ulug yig isebag.

Matius 2:3

Ariroho uruk apagma, at Hero­des etno esanggo holtuk apa­reg, it Yahudi ap epmano obog-at inim inahut lebag.

Matius 2:5

Hinog og inaptuk apagma, it etno­wen yig ituk wi­lil, “O Yudea o Betle­hem epmanowen endag aruhu-o, ulug at nabi Mikha etnowen holal umbu­ruk wilil,

Matius 21:15

Fano inaptuk apagma, it Allah unde suon epmano inim, eke it wene unde epmano inim inilanggen hebag eke At Yesusen sukfuganggeroho suruk apahon etno inim, eke it udag ninen o Allah ibam etnowen, At Daud etamu inuk suontepfuk-o, ulug ebahon etno inim, obog-at inilanggen haruk apareg, inambit hebag.

Matius 21:23

Eke fobik At Yesus etno iog suhuluk o Allah ibam kuruk apareg, wene yanggul isaruk weregma, it Allah unde inowesi epmano inim, it Yahudi ap inowesi epmano inim ambeg waharuk apareg, yig ituk wilil, “Hat yi angge di angge anggolo suruk ahen ari, keroho ulug suruk ahen-o? Eke sen hinggikmu imbirisimu suruk ahen-o?” ulug yig epag.

Matius 26:3

Yig isaruk apagma, eke fobik it Allah unde suon etno inim, eke it Yahudi ap inowesi suon epmano inim, at Kayafas Allah unde inowe suon etno ibam wonggalik waharuk apareg,

Matius 26:47

Awan yig isarukmu, at Yudas bilin omini dua belas neken inim sil nuruk apahon etno wapag. Waharuk apareg, it Allah unde suon etno inim, eke it Yahudi ap inowesi suon epmano inimen ap karog inim, yikangge inim unde werehon etno inim lahap isa waharuk apagma, at etno inim wapag.

Matius 27:1

Eke fobik o witiog ulug ahla moholtuk heheg, it ap Allah unde suon epmano obog inim, eke it Yahudi ap inowesi epmano ini­men At Yesus wabukag ulug wene balfag.

Matius 7:29

Ariroho fog suruk apag ari, At Yesusen it ap wene holal unde etnowen yig isebag etno hag yig isaruk apag fug, Aren une oag weregsoho-at yig isarukmu haruk apareg, fog suruk apag.

Markus 8:31

Inesanggo watuk apareg, wene yig isaruk wilil, “An Allahen minduhup naharision oke, dahon neken nowabuhup-o. It inowesi suon epmano inim, eke it Allah unde inowe suon etno inim, it wene baleg unde epmano inimen inambit nearuk amuhupseg, nowabuhupmu, ninggik henahan welaruhukseg fam, niluksoho minduhup nahaku-o,” ulug wene etno bukaloko yig isaruk apagma,

Lukas 20:19

Yig isaruk apagma, eke it wene unde epmano inim, it Allah unde epmano inimen wene ilitoho neken yig nisehek du nit farim-at yig nisehek-o, ulug inahla buruk apareg, ebe o epma-at hele wabulen ulug sebareg oke, aphe anggolo atuk apagma, inakolen bok apag.

Lukas 23:10

Ariroho weregma, it ap Allah unde inowesi inim, eke it wene unde epmano inim diogsoho welapahon oke, fobik At Yesus wereg ambeg horogsoho waharuk apareg, wene dahon obam denggelfag.

Yohanes 18:3

Ariroho iluk wilil, orom yaho ambeg epma luk-o ulug ahla bebag. Ahla buruk apagma, it Allah unde inowesi epmano inim, it Farisi ap epmano inimen, it sehen seneg werehon epmano nin inim, eke it o Allah ibam yaharoho werehon epmano nin inim, lahap isa waharuk apagma, inayikangge ininggikmu waruk apareg, inaheral epmano fam fisako wapag. Ariroho wapag etno at Yudasen og inaplug wapag.

Yohanes 3:10

At Yesus etnowen yig ituk wilil, “Hat hebe it Israel aphe epmano yanggul inaptuk ahenon-at oke, An wene yig hirihion etno hapeleg atuk ano?

Yohanes 7:32

Eke it aphe obog epmanowen At Yesus ari Kristus-at ano, ulug inune fog fog urukmu, it Farisi ap epmanowen inesanggo holtuk apareg, it Allah unde inowesi epmano inimen At Yesus etno senebukag ulug it inosi epmano lahap isebag.

Yohanes 8:3

Yanggul isaruk heheg, it wene yanggul isarukon etno inim, it Farisi ap etno inimen hwe misig wanggik surukmu heaharuk apareg, it obog inil fam minduhupfebag.

Kisah Para Rasul 23:9

Winimug aptuk wilil, inune anggolo sahaltuk atusareg, it Farisi ap wene holal baleg unde nin epmano minatuk atusareg, uruk wilil, “At Paulus du demat dag sirisi fug heheon oke, at malaikat misihen yig itisimu, yig nisaruk ano? Eke At Allah une demat yig nisaruk halug, niren at une sahaluk fug-o,” ulug urusa.

Kisah Para Rasul 4:5

Eke fobik ininggik misig welapareg, it Yahudi ap inowesi suon epmano inim, it Allah wene holal baleg unde epmano inim obog-at wonggalik kebag.

Kisah Para Rasul 6:12

Yig isaruk apagma, it Stefanus obam denggelukag ulug lahap isebahon epmanowen it aphe nin inim, it imam ap suon epmano inim, eke it wene unde epmano inim, it obog-at yig isa lebag. Yig isa laruk apagma, it epmano inasine haruk apareg, at Stefanus etno aren baluog ulug senoko it imam ap suon epmano inolohotma embebag.