Matius 19:28 - Allah Wene Hurumbik Keron

²⁸ Yig ituk apagma, At Yesusen yig isaruk wilil, “Fobik yi angge di angge obog inebe keron neken imbisaruk halug, An Allahen minduhup naharision suon wilil, it aphe oag del inabiog ulug horie uruk aruhukmu, hit nomini dua belas mug naplug waharikibon etnowen it Israel ap inunggul oag dua belas etno oag del inabuog ulug ninim ilitoho-at wilil, horie uhuk-o, ulug yig hisihi ari, An demat yig hisihi-o.

Matius 19:28 ပူးပေါင်းရင်းမြစ်များ

Matius 16:27

Eke An Allah Amloho etno nomalaikat ninim Nikni suon wereg etno ilitoho fobik waruhukseg, it yi aphe di aphe epmanowen suruk atuson onggo ilitoho og isahuk-o.

Matius 19:27

Yig isaruk apagma, at Petrus etnowen yig ituk wilil, “Nit yi angge di angge epmano obog-at sohorep isalug Hat ninim sil nuruk amuog ulug waharukukseg fam, nit nongge holahuk-o?” ulug yig epag.

Matius 20:21

Yig ituk apareg, At Yesusen yig ituk wilil, “Nongge og hemag ulug nambeg kino wahen-o,” ulug yig ituk apagma, at hwe etnowen yig ituk wilil, “Hat hebe Inowe suon welaruhun etno fam, an nudaki biren dia Hat hambeg misig hinggik bikit fil, eke misig hinggik harebag fil hinim horieg welamuhuben demat ariroho welamuhuk ulug hurumbik yig nimin-o,” ulug yig epag.

Matius 25:31

Eke fobik At Yesusen yig isaruk wilil, “An Allahen minduhup naharision etno fobik Inowe suon wilil, nomalaikat obog og inaplug waharuk aruhukseg, An nebe e horie urukon e daleg fanowon etno fam horie uhuk-o.

Matius 6:33

Ari halug, At Allah weregma welamon etno inim, eke Aren yig hisebahon etno ilitoho suruk amon etno inim bilin-at heaharuk amuk-o. Heag saruk amuhupmu, aren yi angge di angge nin epmano obogsoho sumbut hisahu-o.

Matius 8:20

Yig ituk apagma, eke At Yesusen yig ituk wilil, “Bak halug, inibam e elma wereg-o. Eke sue boholma sil nurukon halug, inibam wereg-o. Eke An Allahen minduhup naharision etno kel siog ulug nunggul hopsoho ying am ambeg ari eleg-o,” ulug yig epag.

Markus 10:37

Yig isaruk apagma, eke it etanowen yig ituk wilil, “Hat hebe fobik suon aruhunteg, nit ninebe at misig hinggik bikit fil eke at misig hinggik harebag fil ninebe suon neken minduhup nisahakunen ulug hambeg kino wahe-o,” ulug yig epag.

Kisah Para Rasul 3:21

At belabik waruhuon etno boholma welatlug fobik yi angge di angge inim fano inabukag ulug belabik waruhu-o, ulug it nabi Allah wene yig isarukon epmanowen bilin hurumbik embebahon etno hiniluk-o.

2 Timotius 2:12

Eke it ninen dahon etno ninobam umburukmu, ninahla bugsoho welamuhuk halug, At ninim-at suon welamuhuk-o. Eke At ebe ninapeleg uruk nisalug, Aren hit hinebe an napeleg ulug yig nisahu-o.

2 Petrus 3:13

Ariroho suhu oke, eke fobik bohol keron, kwean keron wal hahuk ulug At Allahen hurumbik yig nisebag etno fam, epma ninim ilitoho welamuhuken ulug aso welamuk-o.

Wahyu 11:16

Ariroho urusama, eke it penatua inebe dua puluh empat At Allah olohotma horie uruk ambeg epmano inolohore wanduksoho kweanma sebe urusareg, At Allah obam sem­bahyang uruk wilil,

Wahyu 12:1

Eke fobik boholmen sukfugangge surukmu nil harikik-o. Nil harikikseg weregma, at hwe misig, asum mo neken wanteheg eke iog bikalem fam embeheg, eke soholoal dua belasen angge unggu­lasum neken wanteheg surukmu nilanggen harikik-o.

Wahyu 20:4

At iblis hele wareg weregma, it aphe anggolo horie uruk ambeg epmano weregma isarikik-o. Nilanggen isarikikon epmano inebe suon welamag ulug minduhup isarusa-o. Minduhup isarusareg weregma, eke it aphe Allah wene inim, eke At Yesusen yanggul isebahon etno inim aphe yig isebareg fam war inapahon epmano inahurangge inim weregma isarikik-o. Ariroho weregma nilanggen isarikikon epmano walo suon ebe etno inim, eke ebe ilitoho sehon etno inim inobam sembahyang eheg eleg wilil, walo suon inuk inilaho­ag fam ininggik fam holal baleg eleg welatuson etno At Kristus inim wilil, inebe seribu tahun fam suon-at welatusa-o.

Wahyu 21:5

Holtuk atikikseg, eke At horie uruk ambeg horieg werehon etnowen yig nituk wilil, “Anden yi angge di angge obog-at ketoho imbisaruk ahi-o. An wene motoho yig hirihion du demat halug, holal imbin-o,” ulug yig nitisireg,

Wahyu 22:2

Ik etno o bulke amburukmu, femag femag e iniluk welamon etno yaho weregma heag nitisi-o. E etno bikalem dua bel­as fam anggen misig misig-at yihirukon heag nitisi-o. E etno engga fam it yi aphe di aphe inungguluag obog fano inabukag ulug weregma heag nitisi-o.

Wahyu 22:5

o epma hubang­go aruhu fug-o. Eke eral inim, mo yatukon etno inimen o yangguk am hai aruhumu, At Ninikni Allah-at o yangguk etno og isahu-o. Eke iniluk mondog welamon etno og isaruk aruhu ari fam, inebe suon wilil, raja neken-at initog mondog welamuhup-o, ulug heag niti­si-o.

Wahyu 3:21

Eke it inoag weregsoho anduhunmu welamuhubon epmano An kidia Nikni ombandu bikit fil su­on-at welahi etno hag, it epmano og inaplug An nombandu fil welamag ulug suontoho imbi­sahuk-o.

Wahyu 4:4

Mase surukmu, eke At horie uruk ambeg etno horogsoho it penatua epmano inasum huluon yiko inunggulasum emas fam sehon epmano wanteg wilil, inebe dua puluh empat it horie urukon epmano fam dahagsoho horieg weregma isarikik-o.

Wahyu 7:4

Yig isaruk atisimu, eke it du At Allahen ang­ge-at ulug inila­hoag fam holal umburuson etno it Israel aphe inebe sera­tus empat puluh empat ribu inungguluag obog holal umburusa ulug yig nitisi-o.