Matius 19:22 - Allah Wene Hurumbik Keron

²² Ariroho yig ituk apagma, esanggo holfahon oke, at udag etno aharek yi angge di angge anggolo wilil, indi dag atuk apareg, sohorep isalug lebag.

Matius 19:22 ပူးပေါင်းရင်းမြစ်များ

Matius 13:22

Eke i angge isinggama kililtil lebag etno hag ari, it nin wene inesanggo holtuk atlug oke, inindi seneni ebetukon etno inim, eke yi angge di angge holawon ebetukon etno inim, it inindi ariroho yi angge di angge kweanmon ebetukon ari obog-at inindimu anggen yihikup fug-o.

Matius 14:9

Yig ituk apagma, at inowe suon Herodes etno indi dag apahon oke, it obog inaohi esepahon etno inolohotmen abug yig epahon etno fam, at hole kino ebahon etno og emag ulug osi yig isebag.

Matius 16:26

Eke hit o ahik ya da yi angge di angge obog unde welamuhupseg, etno fam fobik waram ari fano buruk ahep ano? Ari eleg-o. Eke hinebe waramuhupseg, fobik niniluk amulen ulug onggo nongge ombatahup-o?

Matius 19:21

Yig ituk apagma, At Yesusen yig ituk wilil, “Hat nobabut fanoroho welam hahla buruk wilil halug, hat yi angge di angge anggolo werehon etno fam uang anggen onggo baloko it aphe inaharek elehon epmano sumbut isa lag-o. Og isaruk healug, hat haharek boholmen anggolo-at og hiruhu-o. Ari halug, An ninim sil nuruk amuhuken ma-o,” ulug yig epag.

Matius 19:23

Laruk apagma, At Yesusen omini etno yig isaruk wilil, “Ap aharek yi angge di angge anggolo werehon etno boholma At Allah wereg ambeg kuk hai hihi-o.

Matius 6:24

At Yesusen yig isaruk wilil, ”Ap misihen ap biren inanggimbu welam ari hai-o. Misig nindi misig nambit-o, ulug misig ahengga senetuk wilil, misig sohorep isahu-o. Ari halug, At Allah inim, at Mamon ari uang anggen ulug werehon etno inim, it biren inanggimbu welam ari hai-o.

Markus 10:22

Ariroho yig epahon oke, at ap etno aharek yi angge di angge anggolo wilil, indi dag atuk apareg, olohore inim dag atuk wilil, sohorep isalug lebag.

Markus 6:26

Yig ituk apagma, at inowe suon Herodes indi dag apahon oke, ahla buruk wilil, “Ari halug, it nomini ap suon-suon inowesi ininuk suon epmano inil fam og hipmin-o, ulug yig irihion etno keroho sohorep isamin-o,” ulug ahla buruk apareg,

Lukas 18:23

Ariroho yig ituk apagma, at ap etno esanggo holtuk apareg, at aharek yi angge di angge anggolo wilil, indi dag apag.

Yohanes 16:20

Ari halug, Anden wene demat uruk amon etno yig hisamin-o. Hit ioba yareheg, hinel wareheg suruk hiseheg, it aphe kweanmon An nawene waruk elehon epmano inahien hahup-o. Eke hit hinindi dag amuhubon epmano eleg atuk aruhumu, hinahien hahup-o.

Efesus 5:5

Eke alem misig du inim yig hisamin-o, it wanggik surukon etno inim, eke it fano suk sohorep isawon surukon etno inim, eke it yi angge di angge an-at hulik ulug uruk wilil, it inaharek ninamonggat ulug suontepfurukon etno inim it obog-at At Kristus Allah inim weregma kuhup fug-o.

Kolose 3:5

Eke ari halug, kweanmen dahon suruk ahebon epmano hinapelegsoho sohorep isiek-o. Eke dahon ari, ap uhweon inalomnangge surukon etno inim, it ap ap wanggik surukon etno inim eke inobam ahahe laharukon etno inim eke dag suk ulug inahla burukon etno inim eke nindi nindi il nurukon etno inim eke kwanangge nindi ulug seneg werehon etno inim,