Matius 19:21 - Allah Wene Hurumbik Keron

²¹ Yig ituk apagma, At Yesusen yig ituk wilil, “Hat nobabut fanoroho welam hahla buruk wilil halug, hat yi angge di angge anggolo werehon etno fam uang anggen onggo baloko it aphe inaharek elehon epmano sumbut isa lag-o. Og isaruk healug, hat haharek boholmen anggolo-at og hiruhu-o. Ari halug, An ninim sil nuruk amuhuken ma-o,” ulug yig epag.

Matius 19:21 ပူးပေါင်းရင်းမြစ်များ

Matius 16:24

Yig ituk apareg, eke fobik omini epmano yig isaruk wilil, “Hit An ninim sil nuruk amuhuken ulug hinahla buruk ahep halug, yi angge di angge hinindi hunduhuk welahebon epmano sohorep isalug, hinahe salib etno hinomalo fam holalug, An ninim-at sil nuruk amuhuk-o.

Matius 19:20

Yig ituk apagma, at udag etnowen yig ituk wilil, “Wene ehenon etno waruk wilil, nintul nantul ilitoho suruk ahi-o. Ari halug, nin fobik keroho sik-o?” ulug yig epag.

Matius 19:22

Ariroho yig ituk apagma, esanggo holfahon oke, at udag etno aharek yi angge di angge anggolo wilil, indi dag atuk apareg, sohorep isalug lebag.

Matius 19:28

Yig ituk apagma, At Yesusen yig isaruk wilil, “Fobik yi angge di angge obog inebe keron neken imbisaruk halug, An Allahen minduhup naharision suon wilil, it aphe oag del inabiog ulug horie uruk aruhukmu, hit nomini dua belas mug naplug waharikibon etnowen it Israel ap inunggul oag dua belas etno oag del inabuog ulug ninim ilitoho-at wilil, horie uhuk-o, ulug yig hisihi ari, An demat yig hisihi-o.

Matius 4:19

It ikan watukon etno yet isaruk apareg, yig isaruk wilil, “An nombolim maniek-o. Ikan watuk ahep etno ilitoho, aphe sen inabil nurukon welamuhuben ulug minduhup hisahakuk-o,”

Matius 5:48

Ari halug, hit Hinik­ni boholma werehon etnowen fano­won-at suruk etno hag, hiren mondog fano­won-at suruk amuk-o,” ulug yig isebag.

Matius 8:22

At Yesusen yig ituk wilil, “Hat An ninim sil nuruk amuhuken ma-o. Eke it waratukon etnowen hag it warehon epmano kweanma salep isaruk amag ulug sohorep isin-o,” ulug yig epag.

Matius 9:9

Eke fobik At Yesus etno o epmano sohorep isalug, wilip atuk apareg, at ap inuk Matius etno uang onggo kino urukon welapag. At epmano o faleg ambeg horieg weregma ilanggen hebag. Ilanggen haruk apareg, yig ituk wilil, “Ninim lulen ma-o,” ulug yig ituk apagma, at Matius etno minatuk apareg inim lebag.

Markus 10:21

ulug yig ituk apagma, At Yesus etno indi famen ahmu haruk apareg, ilanggen fikfag wenaharuk wilil yig epag, “Hat wene misig du-at waruk ahen fug hiyihi-o, wene ebe waruk ahen fuhon ari, hat yi angge di angge anggolo werehon epmano fam uang anggen onggo baloko it aphe inaharek elehon epmano sumbut isimin-o. Og isaruk healug, hat haharek boholmen anggolo-at og hiruhu-o. Ari halug, An ninim sil nuruk amuhuken ma-o,” ulug yig epag.

Markus 2:14

Wene yig isaruk apareg, kwalema laruk wilil, at Alfeus amloho Lewi etno uang onggo kino urukon umburuk ambeg o falegma epmano horieg weregma At Yesus etnowen ilanggen hebag. Ilanggen haruk apareg, yig ituk wilil, “Ninim lulen ma-o,” ulug yig ituk apagma minatuk apareg, Yesus inim lebag.

Markus 8:34

Winimug yig ituk apareg, it aphe wonggalik wapahon epmano inim, eke At omini epmano inim wol isaruk apareg, yig isaruk wilil “Hit An ninim sil nuruk amuhuken ulug hinahla buruk ahep halug, yi angge di angge hinindi hunduhuk welahebon epmano sohorep isalug, hinahe salib etno hinomalo fam holalug, An ninim-at sil nuruk amuhuk-o,” ulug yig isaruk apareg, eke fobik yig isaruk wilil,

Lukas 12:33

Eke hinaharek anggolo wereg halug, uang anggen anggolo fam onggo baloko it inaharek elehon epmano og isaruk amiek-o. Eke hinahuang eset fanowon umburuk ahep etno hag, boholma hinaharek ombataruk amiek-o. Epmen hinaharek epmano olohore dag aheg eleg weregma, it ap heraharukon epmanowen diloko herag seheg eleg, bak sumbuen baleheg eleg surukmu, fano mondog wereg-o.

Lukas 14:33

ulug At Yesusen yig isaruk apareg, eke fobik yig isaruk wilil, “Ari ilitoho, hiren angge obog sohorep isalug eleg An nomini welam hai-o,” ulug yig isebag.

Lukas 16:9

Yig isaruk apareg, eke fobik inim yig isaruk wilil, “It inaharek anggolo werehon epmano hinomi amagsoho ariroho suruk amiek ulug An demat yig hisaruk ahi-o. Eke fobik yi angge di angge kweanmon epmano obog sohorep isalug, hinibam boholma welamuhup ambeg epmano ninim welamuk ulug yig hisahu-o.

Lukas 18:22

Ulug yig ituk apagma, At Yesus etno esanggo holtuk apareg, yig ituk wilil, “Hat wene misig du-at waruk ahen fug hiyihi-o. Wene ebe waruk ahen fuhon ari, hat yi angge di angge anggolo werehon epmano nin uang anggen onggo baloko, it aphe inaharek elehon epmano sumbut isimin-o. Og isaruk healug, hat haharek boholmen anggolo-at og hiruhu-o. Ari halug, An ninim sil nuruk amuhuken ma-o,” ulug yig epag.

Lukas 5:27

Eke fobik At Yesus etno wilip atuk apareg, at ap inuk Lewi etno uang onggo kino urukon umburuk ambeg o falegma horieg weregma ilanggen hebag. Ilanggen haruk apareg, yig ituk wilil, “Ninim lulen ma-o,” ulug yig ituk apagma,

Lukas 6:40

Eke it yanggul isarukon ari, At inowe yanggul inaptukon etno apma neken wereg-o, fobik At inowe etnowen arat yanggul isahumu, iniluk atlug, ilitoho welamuhup-o.

Lukas 9:23

Yig isaruk apareg, eke fobik it obog yig isaruk wilil, “Hit An ninim sil nuruk amuhuken ulug hinahla buruk ahep halug, yi angge di angge hinindi hunduhuk welahebon epmano sohorep isalug, hinahe salib etno nintul nantul hinomalo fam holalug, An ninim-at sil nuruk amuhuk-o.

Yohanes 10:27

Eke it An nandomba epmano hag An nune inesanggo holtuk-o. Eke Anden inebe niluk welahi fam, iren An mug naplug laruk-o.

Yohanes 12:26

Eke at ap misig An nanggimbu welariog ulug ahla buruk halug, mug naplug waharuk amag-o. Ariroho waharuk halug, An wereg ambeg epma ninim lahuk-o. Eke it yi aphe di aphe obog An nanggimbu wereg isalug, An Niknien suontep isahu-o,” ulug yig isebag.

Kisah Para Rasul 2:45

inaharek onggo baloko uang it inomini inaharek elehon epmano sumburoko og isaruk apag.

Ibrani 10:34

Eke hinebe hele waroko aphe dahon imbisaruk ambeg epmano-at welatikip-o. Eke hinaharek diloko holaruk isalug, hinahientoho-at wilil, fanowon itog mondog welamon etno-at og nisahu-o ulug hinahla buruk wilil, hinahientoho welatikip-o.