Matius 19:14 - Allah Wene Hurumbik Keron

¹⁴ Winimug yig isaruk apagma, eke At Yesusen yig isaruk wilil, “It udag doron epma An nambeg wamag-o. It udag doron etno boholma At Allah weregma welamuog ulug waharuk isalug, winimug yig isa fug-o,” ulug yig isaruk apareg, inungguluag inggik sen inapag.

Matius 19:14 ပူးပေါင်းရင်းမြစ်များ

Matius 11:25

Eke fobik o ari sambit At Yesusen uruk wilil, “Nikni-o, Hat hebe boholma kweanma Inikni suon at welahen-o. Ariroho wilil, Haren it ap An niluk ulug inahla burukon epma­no yig isao sohorep isalug, it inapelehon epmano yanggul isa­ri­kin ari famen wa ulug yig hituk ahi-o, Nikni.

Matius 18:3

Minduhupfuruk apareg, yig isaruk wilil, “Hit hinahla fanoroho ebetuk amiek-o. Hit hinindi udag doron ari ilitoho welamuhup fug halug, At Allah weregma kuhup fug-o.

Matius 19:15

Sen inaptuk apareg, ahien inobam umbulug, sohorep isalug lebag.

Matius 5:10

Eke nin hiren fanowon suruk ahep etno fam war hinabuog ulug mug hisaruk isalug, wa. Boholma At Allah weregma hiren angge ulug og hisahu-o.

Matius 5:3

“Hit hinindi sebero­hon halug, wa. Boholma At Allah weregma hiren angge ulug og hisahu-o.

Markus 10:14

Winimug yig isaruk apagma, At Yesus etno asine haruk apareg, yig isaruk wilil, “It udag doron epma An nambeg wamag-o. It udag doron epmano At Allah weregma welamuog ulug waharuk isalug, winimug yig isa fug-o.

Markus 10:15

Eke it udag doronen Allah wene waruk ari hag, hit ariroho nintul nantul waruk amuhup fug halug ari, At Allah wereg ambeg kuhup fug-o, ulug An demat yig hisaruk ahi-o,” ulug yig isebag.

1 Korintus 14:20

Eke hit hinahla buruk ahebon ari it udag doronen inahla buruk epmano hag hinahla buruk am fug-o, nomini. Eke dag suruk ahebon ari hag sohorep isalug it udag fuangge wereg epmano hag welamuk-o. Eke hinahla buruk ahebon ari hag it ap inanggohon inindi werehonen fanoroho wereg epmano hag welamuk-o.