Matius 18:31 - Allah Wene Hurumbik Keron

³¹ Kolapfuruk apagma, it anggimbu nin epmanowen inilanggen haruk apareg, inindi mondog dag atlug, at inowe suon etno ambeg laruk apareg, dindiloko yig epag.

Matius 18:31 ပူးပေါင်းရင်းမြစ်များ

Matius 14:9

Yig ituk apagma, at inowe suon Herodes etno indi dag apahon oke, it obog inaohi esepahon etno inolohotmen abug yig epahon etno fam, at hole kino ebahon etno og emag ulug osi yig isebag.

Matius 18:28

Sohorep isaruk apagma at anggimbu etno wilip atuk apareg, at omin misig nomat dorat seratus neken obam werehon etno inim salkal ebag. Salkal uruk apareg, at ap bilin obam fanorepfebahon etnowen anggolop keteroho senetuk apareg, yig ituk wilil, ‘Hat nomat hobam werehon etno onggo og nimin-o,’ ulug yig epag.

Matius 18:30

Yig epahon oke, at ap etnowen ambit haruk apareg, omin etno onggo dulum og nemag ulug ahla buruk wilil, ebe hele waroko walug aphe dahon hele waroko imbisaruk ambeg epmano kolapfebag.

Matius 18:32

Yig ituk apagma, eke at inowe etnowen anggimbu bilin obam fanorepfebahon etno wamag ulug wol haruk apareg, yig ituk wilil, ‘Hat nanggimbu hobabut dahon du. Haren ariroho sin ulug yig nerehenma, nomat hobam werehon etno obog yalmag habihion oke,

Markus 3:5

Ariroho bok weregma, obam winimugsoho ilanggen bik iseheg, eke it aphe obog inindi dahon wereg isalug, inabua iseheg suruk apareg, ap inggik hunduhukon etno yig ituk wilil, “Hat kidia hinggik bung himin-o,” ulug yig ituk apagma, bung haruk apareg, inggik etno arat fano apag.

Lukas 14:21

Yig ituk apagma, at anggimbu etno ikni ambeg waharuk apareg, at yig epahon epmano obog bukaloko yig epag-o. Yig ituk apagma, at o unde etnowen asine haruk apareg, anggimbu etno yig ituk wilil, ‘O su ambeg duma kwalem werleke laruk apmihinteg, it inaharek elehon epmano inim, eke it iniog dahon inim, eke it inilanggen buhon inim, eke it iniog oag elehon inim obog esoho ninim nulen yig isa lag-o,’ ulug yig ituk apagma, eke at anggimbu etnowen ilitoho suruk apareg,

Lukas 19:41

Eke fobik At Yesus etno o Yerusalem horog fanggog ik waharuk apareg, ilanggen yet haruk wilil, ioba yapag.

Roma 12:15

Ari halug, it inahien harukon etno hit hinim-at hinahien haruk amuk-o. Eke it ioba yatukon halug, hit hinim-at ioba yatuk amuk-o. Eke hit hit hinomini hinim hinindi misig-at welamuk-o.

2 Korintus 11:21

Eke nit ninenggali hawag ulug hit ariroho suruk amim hinoag elegsoho welatikip ulug yig nisahup ano? Eke at misihen suontepataruk halug, an ariroho-at urunanggeroho suontepatamin-o.

Ibrani 13:17

Eke hit it hinowesien yig hisarukon epmano hinesanggo holtuk wilil, ilitoho suruk amuk-o. Eke it hinowesi epmano yabuk duroho surukuk ulug At Allah il fam bukaloko yig imuhup etno fam, it kidia kelseheg eleg-at hinindi aso wereg-o. Eke hiren it inune hinesanggo holtuk hisalug, it inahientoho-at suruk amuhup-o. Eke hiren holtuk eleg hisalug, it epmano inindi inambitoho suruk wilil, hit hinindi yabuk fanoroho suruk amuhup fug-o.

Ibrani 13:3

Ari halug, it aphe hele waroko imbisarusa epmano, nit ninim-at hele wareg neken welahe-o, ulug inabua suruk wilil, inobam hinindi ebetuk amuk-o. Eke misig, it aphe nin dahon inobam umburuson epmano nit ninim neken-at ninobam umburusa ulug, inabua suruk wilil, inobam hinindi ebetuk amuk-o.