Matius 18:11 - Allah Wene Hurumbik Keron

¹¹ Eke An Allahen minduhup naharision etno it nuk atuson epmano inili wiog ulug ambik waharikik-o.

Matius 18:11 ပူးပေါင်းရင်းမြစ်များ

Matius 10:6

It Israel aphe wam domba nuk atuson epma­no-at heag inabil aliek-o.

Matius 15:24

Ariroho yig ituk apagma, At Yesusen yig isaruk wilil, “It Israel aphe wam domba nuk atukon neken werehon etno-at heag inabukag ulug lahap nabik waharisi-o,” ulug yig epag.

Matius 18:12

Eke hit keroho hinahla buruk ahep-o? Ap misig anggom domba seratus weregma, misig nuk atuk halug, keroho suk-o? At ap etnowen wam domba inebe sembilan puluh sembilan bunu apma isinggangge nil larukon epmano imbisalug, misig nuk atision etno heahil nuruk atisi-o.

Matius 9:12

Yig isaruk apagma, At Yesus etno esanggo holtuk apareg, yig isaruk wilil, “It aphe uk wareg eleg isalug, it ap fano inaptukon epmano inambeg laruk eleg-o. Eke it uk warehon epmano at fano ninabukag ulug inambeg lao ari fano-o.

Lukas 15:24

Eke an namloho du bilin nuk atision ebe wareg neken eleg welatisireg, kidia iluk ahama, heag sihi-o,’ ulug yig isaruk atisimu, darlo suon etno narusa-o.

Lukas 15:32

Ari halug kidia ninahien haruk wilil, darlo suon nul-o. Eke hat hot bilin nuk atision etno ebe wareg neken eleg welatisireg, kidia kik wahama, heag sehe-o,’ ulug at ikni etnowen amloho manggia etno yig itisi-o,” ulug At Yesusen yig isebag.

Lukas 19:10

Eke it aphe bilin nuk atuson epmano heako imbisaruk atikikseg, inili wiog ulug An Allahen minduhup naharision etno waharikik-o,” ulug At Yesusen yig isebag.

Lukas 9:56

Yig isaruk apareg, it epmano o misig lebag.

Yohanes 10:10

Eke it ap inalomnangge heraharukon etno lehet bog kuruk ari, inalomnangge herahakeg, war inabeheg, muko wilip iseheg suog ulug-at kuruk-o. Eke An hag it nanggom domba epmano iniluk inabeheg, yi angge di angge obog-at og iseheg suruk ariog ulug waharikik-o.

Yohanes 12:47

Eke it yi aphe di aphe nin epmanowen An nune inesanggo holtug ilitoho suruk eleg isalug, Anden inoag deloko imbisahuk fug-o. Eke An nebe etno it aphe kweanmon duma inoag deloko imbisaruk ariog ulug waharikik fug-o. Anden inili waruk ariog ulug-at waharikik-o.

Yohanes 3:17

Ariroho og isebag ari, it aphe o kweanma dumon epmano oag deloko o dagma imbisawag ulug At Allahen Amloho etno belabik wapag fug-o. Aren it aphe o kweanma duma werehon epmano inili wawag ulug-at belabik wapag-o.

1 Timotius 1:15

Eke it aphe obohen eberoko wawag ulug, wene du demat yig hituk ahi-o, At Kristus Yesus etno it aphe dag surukon epmano fano inabiog ulug o kweanma duma wapag-o.